ໃນຕອນບ່າຍຂອງວັນທີ 9 ເມສາ 2024 ທ່ານ ໂພໄຊ ໄຂຄຳພິທູນ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍ ຜູ້ຕາງໜ້າຈາກຂະແໜງການທີ່ກ່ຽວຂ້ອງຂອງສູນກາງ ໄດ້ລົງໄປພົບປະເຮັດວຽກຮ່ວມກັບ ທ່ານ ພູທົງ ຄຳມະນີວົງ, ຮອງເຈົ້າແຂວງໆສາລະວັນ ພ້ອມດ້ວຍຜູ້ຕາງໜ້າຈາກຂະແໜງການທີ່ກ່ຽວຂ້ອງຂອງແຂວງສາລະວັນ ເພື່ອຮ່ວມກັນ ລົງກວດກາ, ເກັບກໍາຂໍ້ມູນ ແລະ ປະຊຸມປຶກສາຫາລື ກ່ຽວກັບ ຄວາມຄືບໜ້າການກໍ່ສ້າງພື້ນຖານໂຄງລ່າງຂອງດ່ານທ້ອງຖິ່ນປາກຕາພານ, ເມືອງລະຄອນເພັງ, ແຂວງສາລະວັນ ເພື່ອກະກຽມຄວາມພ້ອມໃນການຍົກຂຶ້ນເປັນດ່ານສາກົນ.
ກອງປະຊູມສະຫຼູບຜົນການກວດກາ, ບູລະນະ ແລະ ກໍ່ສ້າງຫຼັກໝາຍຊາຍແດນ ທີ່ເປ່ເພຄືນໃໝ່ ລະຫວ່າງ ລາວ-ມຽນມາ ຄັ້ງທີ 6 ໄດ້ຈັດຂຶ້ນໃນວັນທີ 10 ເມສາ 2024 ທີ່ເມືອງຕົ້ນເຜິ້ງ, ແຂວງບໍ່ແກ້ວ. ຄະນະວິຊາການເຕັກນິກຝ່າຍລາວ ນໍາໂດຍ ທ່ານ ບຸນພຽງ ຈັນທະວົງ, ຮອງຫົວໜ້າຫ້ອງການຄະນະກໍາມະການຊາຍແດນແຫ່ງຊາດ, ກະຊວງການຕ່າງປະເທດ ແຫ່ງ ສປປ ລາວ ແລະ ຄະນະວິຊາການເຕັກນິກຝ່າຍມຽນມາ ນໍາໂດຍ...
ໃນວັນທີ 01 ມີນາ 2024, ກະຊວງແຜນການ ແລະ ການລົງທຶນ, ກະຊວງການຕ່າງປະເທດແລະ ແຂວງອັດຕະປື ໄດ້ເປັນເຈົ້າພາບຈັດກອງປະຊຸມຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC CLV DTA) ຄັ້ງທີ 13 ທີ່ແຂວງອັດຕະປື, ພາຍໃຕ້ການເປັນປະທານຂອງ ທ່ານ ຄຳເຈນ ວົງໂພສີ, ລັດຖະມົນຕີກະຊວງແຜນການ...
ນະຄອນຫຼວງວຽງຈັນ, ວັນທີ 26 ມີນາ 2024 ພະນະທ່ານ, ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາຊົນ ບັງກະລາເທດ ຄົບຮອບ 53 ປີ, ໃນນາມລັດຖະບານ, ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຊົມເຊີຍອັນອົບອຸ່ນມາຍັງ ພະນະທ່ານ, ລັດຖະບານ ແລະ...
ຄະນະຜູ້ແທນຂອງ ສປປ ລາວ ນຳໂດຍ ທ່ານ ນາງ ມອນມະນີ ຍອຍບົວກ່ອງ, ຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ພ້ອມດ້ວຍຄະນະ ໄດ້ເດີນທາງເຂົ້າກອງປະຊຸມສຸດຍອດໂລກວ່າດ້ວຍມະນຸດສະທໍາ, ຊຶ່ງຈັດຂຶ້ນລະຫວ່າງວັນທີ 23 - 24 ພຶດສະພາ 2016, ທີ່ ເມືອງອິສຕັນບູນ, ປະເທດຕວກກີ. ກອງປະຊຸມຄັ້ງນີ້ ດຳເນີນໂດຍຫ້ອງການຜູ້ປະສານງານດ້ານມະມຸດສະທຳຂອງອົງການ ສປຊ (UNOCHA) ຮ່ວມກັບລັດຖະບານຕວກກີ ໃນຖານະປະເທດເຈົ້າພາບ, ເຊິ່ງຈັດຂຶ້ນພາຍໃຕ້ຫົວຂໍ້ “One Humanities- Shared Responsibilities”. ກອງປະຊຸມສຸດຍອດໂລກຄັ້ງນີ້ ແມ່ນເກີດຂຶ້ນຈາກຂໍ້ລິເລີ່ມຂອງທ່ານເລຂາທິການໃຫ່ຍ ອົງການສະຫະຊາຊາດ ເພື່ອໃຫ້ມີການທົບທວນຄືນ ກ່ຽວກັບການດໍາເນີນງານດ້ານມະນຸດສະທຳ ແລະ ການຕອບສະຫນອງຕໍ່ບັນຫາສິ່ງທ້າທາຍຕ່າງໆ ໂດຍຖືເອົາແນວທາງແກ້ໄຂບັນຫາຜ່ານຫລັກການຄວາມຮັບຜິດຊອບ ເພື່ອສ້າງແຮງບັນດານໃຈ ແລະ ເພີ່ມທະວີຄວາມຄໍາໝັ້ນໝາຍທາງດ້ານມະນຸດສະທໍາ ແລະ ຫຼັກການມະນຸດສະທໍາສາກົນ ທີ່ເປັນຮູບປະທໍາ ແນໃສ່ຊ່ວຍເຮັດໃຫ້ບັນດາປະເທດ ແລະ ຊຸມຊົນຕ່າງໆ ມີການກະກຽມຄວາມພ້ອມໃນການຮັບມືກັບວິກິດການຕ່າງໆ ແລະ ສ້າງຄວາມເຂັ້ມແຂງໃຫ້ຕ້ານທານຕໍ່ຜົນກະທົບຈາກວິກິດການທີ່ເກີດຂຶ້ນ.
ກອງປະຊຸມສຸດຍອດໂລກວ່າດ້ວຍມະນຸດສະທໍາຄັ້ງນີ້ ມີຈຳນວນຜູ້ແທນຈາກປະເທດຕ່າງໆເຂົ້າຮ່ວມໃນລະດັບປະມຸກລັດ ແລະ ຫົວໜ້າລັດຖະບານ ຫຼາຍກ່ວາ 55 ປະເທດ, ຜູ້ຕາງໜ້າລະດັບຮອງນາຍົກລັດຖະມົນຕີ, ລັດຖະມົນຕີ ແລະ ເຈົ້າໜ້າທີ່ອາວຸໂສຈາກປະເທດຕ່າງໆ ເຂົ້າຮ່ວມຫຼາຍກ່ວາ 150 ປະເທດ. ນອກນັ້ນ, ຍັງມີຜູ້ຕາງໜ້າຈາກອົງການ ຈັດຕັ້ງສາກົນທີ່ກ່ຽວຂ້ອງ ລວມຜູ້ເຂົ້າຮ່ວມທັງໝົດຫຼາຍກວ່າ 9,000 ຄົນ. ໃນພິທີເປີດກອງປະຊຸມ ທ່ານ ບັນ ກິ-ມູນ, ເລຂາທິການໃຫຍ່ອົງການສະຫະປະຊາຊາດ ໄດ້ຂຶ້ນກ່າວບົດປາໄສ ໂດຍໄດ້ຮຽກຮ້ອງໃຫ້ປະເທດຕ່າງໆຮ່ວມມືກັນຢ່າງໃກ້ສິດ ເພື່ອແກ້ໄຂ ແລະ ຈັດຕັ້ງປະຕິບັດວຽກງານການຊ່ວຍເຫຼືອດ້ານມະນຸດສະທໍາໃນໄລຍະຍາວ ແລະ ໄດ້ຍົກໃຫ້ເຫັນເຖິງຄວາມໝາຍຄວາມສໍາຄັນ ແລະ ສິ່ງທ້າທາຍໃນການແກ້ໄຂວຽກງານມະນຸດສະທໍາ ໃນນັ້ນທ່ານໄດ້ເນັ້ນໃສ່ບາງບັນຫາຫຼັກຄື: ການປົກປ້ອງ ແລະ ແກ້ໄຂບັນຫາຂໍ້ຂັດແຍ້ງ, ການສ້າງຄວາມເຂັ້ມແຂງໃນການປົກປ້ອງພົນລະເຮືອນ ທີ່ຢູ່ພາຍໃຕ້ການໂຈມຕີ, ການຍຸດຕິຄວາມຕ້ອງການດ້ານມະນຸດສະທໍາ ແລະ ບັນຫາອື່ນໆ.
ໃນການເຂົ້າຮ່ວມກອງປະຊຸມຄັ້ງນີ້, ທ່ານ ນາງ ມອນມະນີ ຍອຍບົວກ່ອງ ໄດ້ຂຶ້ນກ່າວຄໍາປາໄສໃນວາລະຂອງກອງປະຊຸມແບບຄົບຄະນະ ໃນວັນທີ 24 ພຶດສະພາ 2016, ເຊິ່ງທ່ານໄດ້ເນັ້ນເຖິງຄວາມໝາຍຄວາມສຳຄັນຂອງກອງປະຊຸມສຸດຍອດໂລກວ່າດ້ວຍມະນຸດສະທໍາຄັ້ງນີ້ ແມ່ນມີຄວາມຈໍາເປັນໃນການສ້າງສະຖຽນລະພາບ ແລະ ຄວາມສໍາຄັນຂອງການຈັດຕັ້ງປະຕິບັດເປົ້າໝາຍການພັດທະນາແບບຍຶນຍົງ, ສັນຍາປາຣີວ່າດ້ວຍການປ່ຽນແປງດິນຟ້າອາກາດ ແລະ ການຄຸ້ມຄອງຊັບພະຍາກອນທໍາມະຊາດທີ່ມີປະສິດທິຜົນ, ພ້ອມທັງຮຽກຮ້ອງໃຫ້ບັນດາປະເທດຕ່າງໆ ພ້ອມພາກັນຮ່ວມແຮງໃຈກັນດຳເນີນມາດຕະການອັນເຫມາະສົມຂອງຕົນ ເພື່ອຮັບມືກັບໄພພິບັດ ແລະ ການປ່ຽນແປງດິນຟ້າອາກາດ ອັນເປັນສາຍເຫດນຶ່ງຂອງການຮັບປະກັນວຽກງານດ້ານມະນຸດສະທຳ ພາຍໃຕ້ຫລັກການຕ່າງຝ່າຍຕ່າງໄດ້ຮັບຜົນປະໂຫຍດ. ສປປ ລາວ ສະໜັບສະໜູນຢ່າງແຂງແຮງ ຕໍ່ກັບວາລະຂອງສາກົນໃນວຽກງານການປ່ຽນແປງດິນຟ້າອາກາດ ແລະ ເນັ້ນໜັກເຖິງສິ່ງທ້າທາຍທີ່ເກີດຂຶ້ນ ແລະ ສົ່ງຜົນກະທົບອັນສຳຄັນຕໍ່ກັບການພັດທະນາ. ພ້ອມທັງ, ໄດ້ເຊື່ອມສານວຽກງານການຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ແລະ ເປົ້າໝາຍການພັດທະນາແບບຍຶນຍົງ ເຂົ້າໃນແຜນພັດທະນາເສດຖະກິດ-ສັງຄົມຂອງຕົນ ເພື່ອໃຫ້ບັນລຸເປົ້າໝາຍການພັດທະນາແບບຍືນຍົງ. ໃນລະຫວ່າງການເຂົ້າຮ່ວມກອງປະຊຸມຄັ້ງນີ້, ຄະນະຜູ້ແທນລາວ ໄດ້ເຂົ້າຮ່ວມກອງປະຊຸມບໍ່ເປັນທາງການລະດັບລັດຖະມົນຕີດ້ານໄພພິບັດຂອງອາຊຽນ ເພື່ອພ້ອມກັນເອກະພາບທັດສະນະຂອງອາຊຽນຕໍ່ວຽກງານມະນຸດສະທຳສາກົນ ແລະ ນຳສະເໜີຕໍ່ກອງປະຊຸມສຸດຍອດໂລກວ່າດ້ວຍມະນຸດສະທໍາ.
ການເຂົ້າຮ່ວມກອງປະຊຸມສຸດຍອດໂລກວ່າດ້ວຍມະນຸດສະທໍາໃນຄັ້ງນີ້ ແມ່ນໄດ້ຮັບໝາກຜົນ ແລະ ປະສົບຜົນສໍາເລັດເປັນຢ່າງດີ.