ປະຫວັດຫຍໍ້
ຊື່ ແລະ ນາມສະກຸນ : ຄໍາເພົາ ເອີນທະວັນ
ວັນ/ເດືອນ/ປີເກີດ : 20 ພະຈິກ 1961
ສະຖານທີ່ເກີດ : ແຂວງ ຊຽງຂວາງ, ສປປ ລາວ
ສະຖານະພາບ : ສົມລົດກັບ ທ່ານ ຈັນທະໄລ ເອີນທະວັນ, ມີລູກຊາຍ ແລະ ລູກສາວ
ສາສະໜາ : ພຸດ
ຕຳແໜ່ງ : ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ
ປະຫວັດການສຶກສາ
1981 - 1985 : ປະລິນຍາຕິ (ວິຊາຄູສອນພາສາຕ່າງປະເທດ) ຈາກສະຖາບັນສ້າງຄູພາສາຕ່າງປະເທດ, ນະຄອນຫຼວງ ກີແອບ, ອູແກຣນ.
1985 - 1987 : ປະລິນຍາໂທ (ສາຂາອັກສອນສາດ) ຈາກສະຖາບັນສ້າງຄູພາສາຕ່າງປະເທດ,ນະຄອນຫຼວງ ກີແອບ, ອູແກຣນ.
ພາສາຕ່າງປະເທດ : ຫວຽດນາມ, ລັດເຊຍ ແລະ ອັງກິດ.
ປະສົບການ:
1987 - 1996 : ເປັນຄູສອນທັງເປັນພະນັກງານວິຊາການ ຢູ່ສູນຝຶກອົບຮົມການພົວພັນຕ່າງປະເທດ, ສະຖາບັນການຕ່າງປະເທດ, ກະຊວງການຕ່າງປະເທດ.
1996 - 1999 : ຮອງຫົວໜ້າພະແນກ ຝຶກອົບຮົມ ຂອງສະຖາບັນການຕ່າງປະເທດ ຮັບຜິດຊອບການສ້າງຫລັກສູດ ແລະ ການພັດທະນາຫລັກສູດ ພາສາອັງກິດ ແລະ ການຝຶກອົບຮົມວຽກງານການຕ່າງປະເທດໃຫ້ແກ່ ພະນັກງານລັດຖະກອນ.
1999 -2002 : ປະຈຳການ ເລຂາສອງ ສະຖານທູດລາວ ທີ່ ກົວລາລຳເປີ, ປະເທດ ມາເລເຊຍ;
2006 - 2009 : ຫົວໜ້າພະແນກຝຶກອົບຮົມ ແລະ ທັງເປັນສະມາຊິກເວທີສົນທະນາ ກ່ຽວກັບ ກົນໄກ ຄູສອນພາສາອັງກິດເປັນພາສາທີ່ສອງຂອງລາວ.
2009 - 2011 : ຮອງຫົວໜ້າສະຖາບັນ ການຕ່າງປະເທດ ກະຊວງການຕ່າງປະເທດ ແລະ ທັງ ເປັນສະມາຊິກ ສູນຄັງປັນຍາລະດົມຄວາມຄິດ ອາຊຽນ ແລະ ເປັນສະມາຊິກ ຂອງກົນໄກຫົວໜ້າສະຖາບັນຝືກອົບຮົມການທູດ ຂອງອາຊຽນ + 3; ທັງເປັນ ສະມາຊິກຂອງເວທີສົນທະນາ ກ່ຽວກັບການຝຶກອົບຮົມການທູດສາກົນ.
2009 -2014 : ປະທານສະຫະພັນແມ່ຍິງກະຊວງການຕ່າງປະເທດ.
2011 - ກຸມພາ 2014 : ຫົວໜ້າສະຖາບັນການຕ່າງປະເທດ, ກະຊວງການຕ່າງປະເທດ ແລະ ທັງເປັນຫົວໜ້າສະຖາບັນ ຄົ້ນຄ້ວາ ອາຊີຕາເວັນອອກ ອາຊຽນ ຂອງ ສປປ ລາວ ແລະ ເປັນຜູ້ປະສານງານ ເວທີສົນທະນາໂປອາວ ແລະ ຜູ້ປະສານງານເຄືອຄ່າຍອົງການ FEALAC.
ມີນາ 2014 - ມິຖຸນາ 2015: ຫົວໜ້າຫ້ອງການກະຊວງການຕ່າງປະເທດ, ສະມາຊິກ ເວທີສົນທະນາພາກພື້ນອາຊຽນ ລະດັບຊ່ຽວຊານ ແລະ ຜູ້ຊົງວຸດທິ ອາຊຽນ;
ມິຖຸນາ 2015 - ປະຈຸບັນ : ຮອງລັດຖະມົນຕີ ກະຊວງການຕ່າງປະເທດ.
ກິລາ : ເປຕັງ ແລະ ກອ໋ບ.
**********************************************