ສປປ ລາວ ເຂົ້າຮ່ວມທົບທວນບົດລາຍງານແຫ່ງຊາດ ສະບັບທຳອິດ ພາຍໃຕ້ສົນທິສັນຍາ ວ່າດ້ວຍ ສິດທິທາງດ້ານເສດຖະກິດ, ສັງຄົມ ແລະ ວັດທະນະທໍາ
20/09/2025
ໃນວັນທີ 18-19 ກັນຍາ 2025, ຄະນະຜູ້ແທນ ສປປ ລາວ ນຳໂດຍ ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ, ພ້ອມດ້ວຍຄະນະ ທີ່ຕາງໜ້າໃຫ້ບັນດາກະຊວງ, ຂະແໜງການກ່ຽວຂ້ອງ ໄດ້ເຂົ້າຮ່ວມການທົບທວນບົດລາຍງານແຫ່ງຊາດ ສະບັບທຳອິດ ພາຍໃຕ້ສົນທິສັນຍາ ວ່າດ້ວຍ ສິດທິທາງດ້ານເສດຖະກິດ, ສັງຄົມ ແລະ ວັດທະນະທໍາ ໃນກອງປະຊຸມ ຄັ້ງທີ 78 ຂອງຄະນະກຳມະການ ສປຊ ວ່າດ້ວຍ ສິດທິທາງດ້ານເສດຖະກິດສັງຄົມ ແລະ ວັດທະນະທໍາ, ທີ່ ເຊີແນວ, ປະເທດສະວິດ.
ອ່ານເພີ່ມ
ພິທີເປີດ ກອງປະຊຸມປະຈໍາປີ ລັດພາຄີສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຄັ້ງທີ 13
19/09/2025
ວັນທີ 16 ກັນຍາ 2025 ທີ່ ເຊີເເນວ, ປະເທດສະວິດສ, ຄະນະຜູ້ເເທນ ສປປ ລາວ ນໍາພາໂດຍ ກະຊວງການຕ່າງປະເທດ ໄດ້ເຂົ້າຮ່ວມ ພິທີເປີດ ກອງປະຊຸມປະຈໍາປີຂອງ ລັດພາຄີສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ (Convention on Cluster Munitions-CCM) ຄັ້ງທີ 13, ເຊິ່ງຈັດຂື້ນໃນລະຫວ່າງວັນທີ 16-19 ກັນຍາ 2025 ທີ່ ຫ້ອງການ ອົງການ ສະຫະປະຊາຊາດ, ເຊີແນວ, ປະເທດສະວິດສ. ກອງປະຊຸມໃນປີນີ້ແມ່ນໄດ້ດໍາເນີນພາຍໃຕ້ການເປັນປະທານຂອງ ເອກອັກຄະລັດຖະທູດ/ ຜູ້ຕ່າງໜ້າຖາວອນ ຟີລິບປິນ ປະຈໍາອົງການ ສປຊ ທີ່ ເຊິແນວ ແລະ ມີບັນດາປະເທດສະມາຊິກ ແລະ ບັນດາປະເທດສັງເກດການ ເຂົ້າຮ່ວມຫຼາຍກວ່າ 112 ປະເທດ, ລວມທັງຜູ້ຕ່າງໜ້າ ບັນດາອົງການຈັດຕັ້ງສາກົນ ແລະ ສະຖາບັນຄົ້ນຄ້ວາຕ່າງໆເຂົ້າຮ່ວມ ທັງໝົດຫຼາຍກວ່າ 200 ຄົນ.
ອ່ານເພີ່ມ
ກອງປະຊຸມປຶກສາຫາລື ລະຫວ່າງ ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດແຫ່ງ ສປປ ລາວ ແລະ ທ່ານ ຊຸນ ໂຊວັນນາ, ຮອງລັດຖະມົນຕີ ກະຊວງການຕ່າງປະເທດ ແລະ ການຮ່ວມມືສາກົນ, ຜູ້ຮັບຜິດຊອບວຽກງານຝຣັງໂກໂຟນີຂອງປະເທດ ກຳປູເຈຍ, ທີ່ ນະຄອນຫຼວງວຽງຈັນ, ສປປ ລາວ.
29/08/2025
ໃນຕອນເຊົ້າຂອງວັນທີ 29 ສິງຫາ 2025 ທີ່ ກະຊວງການຕ່າງປະເທດ ແຫ່ງ ສປປ ລາວ, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ຊຸນ ໂຊວັນນາ, ຮອງລັດຖະມົນຕີ ກະຊວງການຕ່າງປະເທດ ແລະ ການຮ່ວມມືສາກົນ, ຜູ້ຮັບຜິດຊອບວຽກງານຝຣັງໂກໂຟນີແຫ່ງ ຣາຊະອານາຈັກ ກຳປູເຈຍ ໄດ້ພົບປະ ແລະ ປຶກສາຫາລື ສອງຝ່າຍ ລະຫວ່າງ ສປປ ລາວ ແລະ ຣາຊະອານາຈັກ ກໍາປູເຈຍ ກ່ຽວກັບການ ຍົກສູງການພົວພັນຮ່ວມມືໃນດ້ານຕ່າງໆຂອງສອງປະເທດ ລາວ-ກຳປູເຈຍ ໃນຂອບສອງຝ່າຍ ແລະ ຫລາຍຝ່າຍ
ອ່ານເພີ່ມ
ກອງປະຊຸມປຶກສາຫາລືວຽກງານການທູດເສດຖະກິດ ຂອງ ສປປ ລາວ ຮ່ວມກັບ ບັນດາສໍານັກງານຜູ້ຕາງໜ້າ ແຫ່ງ ສປປ ລາວ ປະຈໍາຕ່າງປະເທດ ໃນຮູບແບບເຊິ່ງໜ້າ ແລະ ທາງໄກ (Hybrid)
28/08/2025
ໃນວັນທີ 27 ສິງຫາ 2025, ກົມເສດຖະກິດ, ກະຊວງການຕ່າງປະເທດ ໄດ້ຈັດກອງປະຊຸມປຶກສາຫາລືວຽກງານການທູດເສດຖະກິດ ຂອງ ສປປ ລາວ ຮ່ວມກັບ ບັນດາສໍານັກງານຜູ້ຕາງໜ້າ ແຫ່ງ ສປປ ລາວ ປະຈໍາຕ່າງປະເທດ ໃນຮູບແບບເຊິ່ງໜ້າ ແລະ ທາງໄກ (Hybrid) ຂຶ້ນທີ່ ກະຊວງການຕ່າງປະເທດ ໂດຍໄດ້ຮັບກຽດກ່າວເປີດໂດຍ ທ່ານ ໄມທອງ ທຳມະວົງສາ, ຮອງລັດຖະມົນຕີກະຊວງການຕ່າງປະເທດ ແລະ ໄດ້ມອບຫມາຍໃຫ້ ທ່ານ ສົມບູນ ສີຫານາດ, ຫົວໜ້າກົມເສດຖະກິດ ແລະ ທ່ານ ປອ. ວັນທະນາ ນໍລິນທາ, ຫົວໜ້າຫ້ອງການຄະນະກໍາມະການສົ່ງເສີມ ແລະ ຄຸ້ມຄອງການລົງທຶນ ສືບຕໍ່ດຳເນີນກອງປະຊຸມ ຮ່ວມກັບບັນດາທ່ານເອກອັກຄະລັດຖະທູດ, ທ່ານກົງສຸນໃຫຍ່ ແລະ ທ່ານຫົວໜ້າຫ້ອງການສໍານັກງານ, ພ້ອມດ້ວຍບັນດານັກການທູດ ຢູ່ສຳນັກງານຜູ້ຕາງໜ້າ ຂອງ ສປປ ລາວ ປະຈຳຢູ່ຕ່າງປະເທດ ຈໍານວນ 41 ແຫ່ງ ເຂົ້າຮ່ວມຢ່າງພ້ອມພຽງ.
ອ່ານເພີ່ມ
ຮອງລັດຖະມົນຕີ ກະຊວງການຕ່າງປະເທດ ລົງເຄື່ອນໄຫວເຮັດວຽກກວດກາການດຳເນີນໂຄງການປັບປຸງຍົກລະດັບດ່ານສາກົນບໍ່ເຕັນ-ບໍ່ຫານ, ຢູ່ ແຂວງຫຼວງນໍ້າທາ
22/08/2025
ໃນລະຫວ່າງວັນທີ 21-22 ສິງຫາ 2025; ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີ ກະຊວງການຕ່າງປະ ເທດ ພ້ອມດ້ວຍຜູ້ຕາງໜ້າຈາກພາກສ່ວນກ່ຽວຂ້ອງຂອງສູນກາງ ແລະ ທ້ອງຖິ່ນ ແລະ ກຸ່ມບໍລິສັດ ພັດທະນາເຂດເສດຖະ ກິດພິເສດບໍ່ເຕັນລາວ ຈຳກັດ ໄດ້ລົງກວດກາການດຳເນີນໂຄງການກໍ່ສ້າງຂະຫຍາຍເສັ້ນທາງ 12 ເລນ ແລະ ປັບປຸງຍົກລະດັບພື້ນຖານໂຄງລ່າງຂອງດ່ານສາກົນບໍ່ເຕັນ-ບໍ່ຫານ ຢູ່ລະຫວ່າງຫຼັກໝາຍຊາຍແດນເລກທີ 29 ຫາ 28-1.
ອ່ານເພີ່ມ
ຄະນະນໍາກະຊວງການຕ່າງປະເທດ ອວຍພອນວັນຊາດ ແລະ ວັນການທູດຫວຽດນາມ ຄົບຮອບ 80 ປີ
22/08/2025
ໃນຕອນເຊົ້າຂອງວັນທີ 20 ສິງຫາ 2025, ສະຫາຍ ໄມທອງ ທໍາມະວົງສາ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນຳພາຄະນະ ໄປອວຍພອນ ສະຫາຍ ຫງວຽນ ມິງ ເຕີມ, ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສສ. ຫວຽດນາມ ປະຈໍາ ສປປ ລາວ, ເນື່ອງໃນໂອກາດວັນຊາດ ສາທາລະນະລັດ ສັງຄົມນິຍົມ ຫວຽດນາມ ຄົບຮອບ 80 ປີ (02/09/1945-02/09/2025) ແລະ ວັນການທູດຫວຽດນາມ ຄົບຮອບ 80 ປີ (28/08/1945-28/08/2025), ທີ່ ສະຖານເອກອັກຄະລັດຖະທູດ ແຫ່ງ ສສ. ຫວຽດນາມ ປະຈໍາ ສປປ ລາວ.
ອ່ານເພີ່ມ
ທ່ານ ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ-ຈີນ ກ່ຽວກັບ ການຈັດຕັ້ງປະຕິບັດຖະແຫຼງການ ວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້ ຄັ້ງທີ 24 ທີ່ ກູຈິງ, ມາເລເຊຍ
14/08/2025
ໃນວັນທີ 14 ສິງຫາ 2025, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ນໍາພາຄະນະຜູ້ແທນ ເຂົ້າຮ່ວມກອງປະຊຸມເຈົ້າໜ້າທີ່ ອາວຸໂສອາຊຽນ-ຈີນ ກ່ຽວກັບການຈັດຕັ້ງປະຕິບັດຖະແຫຼງການ ວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້ ຄັ້ງທີ 24 ທີ່ ກູຈິງ, ມາເລເຊຍ ພາຍໃຕ້ການເປັນປະທານຮ່ວມຂອງ ມາເລເຊຍ ແລະ ສປ ຈີນ.
ອ່ານເພີ່ມ
ຮອງລັດຖະມົນຕີ ກະຊວງການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບ ຂອງ ຜູ້ປະສານງານ ອົງການ ສະຫະປະຊາຊາດ ປະຈໍາ ສປປ ລາວ
12/08/2025
ໃນວັນທີ 11 ສິງຫາ 2025, ທີ່ ກະຊວງການຕ່າງປະເທດ, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີ ກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ບາໂຄເດຍ ເບີຄະນອ໋ບ (Mr. Bakhodir Burkhanov) ຜູ້ປະສານງານ ອົງການ ສະຫະປະຊາຊາດ (United Nations Resident Coordinator ຫຼື UNRC) ປະຈໍາ ສປປ ລາວ ເພື່ອແນະນໍາຕົວ ແລະ ສະແດງຄວາມຊົມເຊີຍ ທ່ານ ຮອງລັດຖະມົນຕີ ໃນໂອກາດທີ່ໄດ້ຮັບຕໍາ ແໜ່ງໃໝ່.
ອ່ານເພີ່ມ
ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ເຂົ້າຮ່ວມພິທີເຊັນປື້ມໄຫວ້ອາໄລ ຕໍ່ການເສຍຊີວິດຂອງ ອະດີດຮັກສາການ ປະທານາທິບໍດີ ແຫ່ງ ສສ. ມຽນມາ
11/08/2025
ໃນຕອນເຊົ້າຂອງວັນທີ 11 ສິງຫາ 2025 ທີ່ ສະຖານເອກອັກຄະລັດຖະທູດ ແຫ່ງ ສສ ມຽນມາ ປະຈໍາ ສປປ ລາວ, ທ່ານ ໄມທອງ ທໍາມະວົງສາ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມພິທີເຊັນປຶ້ມໄຫວ້ອາໄລ ຕໍ່ການເສຍຊີວິດຂອງ ພະນະທ່ານ ອູ ມິນ ສະເວ, ອະດີດຮັກສາການ ປະທານາທິບໍດີ ແຫ່ງ ສາທາລະນະລັດ ສະຫະພາບ ມຽນມາ
ອ່ານເພີ່ມ
