ກອງປະຊຸມທາບທາມຄໍາເຫັນຕໍ່ ຮ່າງດໍາລັດ ວ່າດ້ວຍການເຄື່ອນໄຫວວຽກງານສື່ມວນຊົນ ຢູ່ ສປປ ລາວ ຂອງສື່ມວນຊົນ, ສໍານັກງານຜູ້ຕາງໜ້າ ແລະ ອົງການຈັດຕັ້ງ ຕ່າງປະເທດ ສໍາລັບ 8 ແຂວງພາກເໜືອ
02/04/2026
ໃນວັນທີ 2-3 ເມສາ 2026, ທີ່ ນະຄອນຫຼວງພະບາງ, ແຂວງຫຼວງພະບາງ, ກະຊວງການຕ່າງປະເທດ ໄດ້ຈັດກອງປະຊຸມທາບທາມຄໍາເຫັນຕໍ່ ຮ່າງດໍາລັດ ວ່າດ້ວຍການເຄື່ອນໄຫວວຽກງານສື່ມວນຊົນ ຢູ່ ສປປ ລາວ ຂອງສື່ມວນຊົນ, ສໍານັກງານຜູ້ຕາງໜ້າ ແລະ ອົງການຈັດຕັ້ງ ຕ່າງປະເທດ ສໍາລັບ 8 ແຂວງພາກເໜືອ ຂຶ້ນ ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ໄມທອງ ທໍາມະວົງສາ, ຮອງລັດຖະມົນຕີກະຊວງການຕ່າງປະເທດ ແລະ ທ່ານ ສຳນານ ສົນທະນີ, ຄະນະປະຈໍາພັກແຂວງ, ໂດຍມີບັນດາຜູ້ຕາງໜ້າຈາກກະຊວງ, ອົງການອ້ອມຂ້າງສູນກາງ ແລະ 8 ແຂວງພາກເໜືອ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມຢ່າງພ້ອມພຽງ.
ອ່ານເພີ່ມ
ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ-ອັງກິດ ຄັ້ງທີ 5
01/04/2026
ໃນລະຫວ່າງວັນທີ 30 ມີນາ - 1 ເມສາ 2026, ທ່ານ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ ໄດ້ນໍາພາຄະນະ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ-ອັງກິດ ຄັ້ງທີ 5 ທີ່ West Sussex, ອັງກິດ ພາຍໃຕ້ການເປັນປະທານຮ່ວມຂອງ ຫວຽດນາມ ໃນນາມປະເທດປະສານງານການພົວພັນຮ່ວມມືອາຊຽນ ແລະ ອັງກິດ ໂດຍມີບັນດາຫົວໜ້າເຈົ້າໜ້າທີ່ອາວຸໂສຂອງປະເທດສະມາຊິກອາຊຽນ ແລະ ກອງເລຂາອາຊຽນ ເຂົ້າຮ່ວມ.
ອ່ານເພີ່ມ
ຮອງລັດຖະມົນຕີກະຊວງການຕ່າງປະເທດ ເຂົ້າຮ່ວມກອງປະຊຸມລະດັບລັດຖະມົນຕີ ພາກພື້ນອາຊີ-ປາຊີຟິກ ເພື່ອທົບທວນກາງສະໄໝ ຂອງ ແຜນດໍາເນີນງານ ສໍາລັບປະເທດດ້ອຍພັດທະນາ, ທີ່ ປະເທດ ກໍາປູເຈຍ.
01/04/2026
ໃນລະຫວ່າງວັນທີ 31 ມີນາ ຫາ 01 ເມສາ 2026, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມລະດັບລັດຖະມົນຕີ ສໍາລັບ ພາກພື້ນອາຊີ-ປາຊີຟິກ ເພື່ອທົບທວນກາງສະໄໝຂອງການຈັດຕັ້ງປະຕິບັດແຜນດໍາເນີນງານ ໂດຮາ ສໍາລັບປະເທດດ້ອຍພັດທະນາ (Doha Programme of Action for LDCs 2022-2031 ຫລື DPoA), ຈັດຂຶ້ນທີ່ ນະຄອນຫຼວງ ພະນົມເປັນ, ປະເທດ ກຳປູເຈຍ. ກອງປະຊຸມດັ່ງກ່າວມີ ຄະນະຜູ້ແທນລະດັບສູງ ຈາກປະເທດປະເທດດ້ອຍພັດທະນາ ຢູ່ພາກພື້ນອາຊີ-ປາຊີຟິກ ແລະ ຕົວແທນລະດັບສູງ ຈາກອົງການເຄື່ອຂ່າຍ ສະຫະປະຊາຊາດ (ສປຊ). ກອງປະຊຸມໄດ້ຕີລາຄາຄືນ ຄວາມຄືບໜ້າຂອງການຈັດຕັ້ງປະຕິບັດ, ບັນດາສິ່ງທ້າທາຍ ແລະ ກໍານົດແຜນຍຸດທະສາດ ສໍາລັບໄລຍະເວລາທີ່ຍັງເຫຼືອຂອງແຜນດໍາເນີນງານ ໂດຮາ ພ້ອມທັງ ສະເຫນີວິທີທາງໃນຕໍ່ຫນ້າ ເພື່ອເຮັດໃຫ້ການຫຼຸດພົ້ນອອກຈາກສະຖານະພາບດ້ອຍພັດທະນາ ມີຄວາມຍືນຍົງ ແລະ ໄລຍະຂ້າມຜ່ານມີຄວາມໂລ່ງລ່ຽນ.
ອ່ານເພີ່ມ
ພິທີທາງການ ເພື່ອສະເຫຼີມສະຫຼອງວັນຝຣັງໂກໂຟນີສາກົນ ປະຈຳປີ 2026 ທີ່ ແຂວງຫລວງພະບາງ
27/03/2026
ໃນຕອນເຊົ້າຂອງວັນທີ 27 ມີນາ 2026 ຢູ່ທີ່ຫ້ອງປະຊຸມຂອງຫ້ອງວ່າການແຂວງຫລວງພະບາງ, ກະຊວງການຕ່າງປະເທດ ໂດຍຮ່ວມກັບພາກສ່ວນຕ່າງໆທີ່ກ່ຽວຂ້ອງ ໄດ້ຈັດພິທີທາງການ ເພື່ອສະເຫຼີມສະຫຼອງວັນຝຣັ່ງໂກໂຟນີສາກົນ 20 ມີນາ ປະຈຳປີ 2026 ພາຍໃຕ້ຫົວຂໍ້: “ການປະກອບສ່ວນຂອງຄົນຮຸ່ນໃໝ່ ເພື່ອສົ່ງເສີມສັນຕິພາບ” ຕາມທີ່ທາງອົງການຝຣັງໂກໂຟນີສາກົນ ຫຼຶ ອົງການ OIF ໄດ້ວາງອອກ. ພິທີທາງການດັ່ງກ່າວ ໄດ້ດຳເນີນໄປໂດຍການເປັນປະທານຂອງ ທ່ານ ອານຸພາບ ວົງຫນໍ່ແກ້ວ, ຮອງລັດຖະມົນຕີກະຊວງການຕ່າງປະເທດ, ແລະ ມີການເຂົ້າຮ່ວມຂອງ ທ່ານ ນາງ ວຽນວິໄລ ດີລະພັນ, ຮອງປະທານຄະນະກໍາມະການປົກຄອງແຂວງຫລວງພະບາງ, ທ່ານ ນາງ Bénédicte DESCHAMPS, ເອກອັກຄະລັດຖະທູດຝຣັ່ງ ປະຈໍາ ສປປ ລາວ, ບັນດາທູຕານຸທູດທີ່ໃຊ້ພາສາຝຣັ່ງ, ທ່ານ ຜູ້ຕາງໜ້າຈາກຫ້ອງການພາກພື້ນອາຊີ-ປາຊີຟິກຂອງອົງການຝຣັງໂກໂຟນີສາກົນ, ທ່ານ ຜູ້ຕາງໜ້າຫ້ອງການມະຫາວິທະຍາໄລຝຣັງໂກໂຟນີ (AUF), ບັນດາທ່ານ ຜູ້ຕາງໜ້າຈາກກະຊວງຂະແໜງການ ແລະ ພະແນກການຕ່າງໆທີ່ກ່ຽວຂ້ອງ, ຕະຫຼອດເຖິງ ບັນດາຄູ-ອາຈານ, ນັກຮຽນ ແລະ ນັກສຶກສາ ພາຍໃນແຂວງຫຼວງພະບາງ ເຂົ້າຮ່ວມ.
ອ່ານເພີ່ມ
ຮອງລັດຖະມົນຕີກະຊວງການຕ່າງປະເທດ ຕ້ອນຮັບການເຂົ້າຢ້ຽມອໍາລາຂອງ ກົງສຸນໃຫຍ່ ແຫ່ງ ສສ. ຫວຽດນາມ ປະຈໍາ ແຂວງສະຫວັນນະເຂດ
23/03/2026
ໃນຕອນບ່າຍຂອງວັນທີ 23 ມີນາ 2026, ທີ່ ກະຊວງການຕ່າງປະເທດ, ສະຫາຍ ພົງສະຫວັນ ສີສຸລາດ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອຳລາຂອງ ສະຫາຍ ນາງ ດັ້ງ ທິ ຫາຍ ເຕິມ, ກົງສູນໃຫຍ່ ແຫ່ງ ສສ. ຫວຽດນາມ ປະຈໍາ ແຂວງສະຫວັນນະເຂດ ໃນໂອກາດທີ່ສໍາເລັດການປະຕິບັດໜ້າທີ່ການທູດ ຢູ່ ສປປ ລາວ.
ອ່ານເພີ່ມ
ທ່ານ ຮອງລັດຖະມົນຕີ ກະຊວງການຕ່າງປະເທດ ຕ້ອນຮັບການເຂົ້າຢ້ຽມຂໍ່ານັບ ຂອງຜູ້ອໍານວຍການ ອົງການ ສປຊ ດ້ານເຄຫາສະຖານ ປະຈຳ ພາກພື້ນອາຊີ-ປາຊີຟິກ
19/03/2026
ໃນວັນທີ 18 ມີນາ 2026, ທີ່ ກະຊວງການຕ່າງປະເທດ, ທ່ານ ອານຸພາບ ວົງໜໍ່ແກ້ວ, ຮອງລັດຖະມົນຕີ ກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ນາງ ກາຊຸໂກະ ອີຊິກາກິ, ຜູ້ອໍານວຍການ ອົງການ ສປຊ ດ້ານເຄຫາສະຖານ ປະຈຳ ພາກພື້ນອາຊີ-ປາຊີຟິກ.
ອ່ານເພີ່ມ
ຄະນະນໍາກະຊວງການຕ່າງປະເທດ ເຂົ້າຮ່ວມເຊັນປຶ້ມໄວ້ອາໄລ ຕໍ່ການເສຍຊີວິດຂອງ ຮອງປະທານາທິບໍດີ ຜູ້ທີ 6 ແຫ່ງ ສາທາລະນະລັດ ອິນໂດເນເຊຍ
04/03/2026
ໃນຕອນບ່າຍຂອງວັນທີ 4 ມີນາ 2026, ທີ່ ສະຖານເອກອັກຄະລັດຖະທູດ ແຫ່ງ ສາທາລະນະລັດ ອິນໂດເນເຊຍ ປະຈໍາ ສປປ ລາວ, ທ່ານ ໄມທອງ ທໍາມະວົງສາ, ຮອງລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນໍາພາຄະນະ ເຂົ້າຮ່ວມເຊັນປຶ້ມໄວ້ອາໄລ ຕໍ່ການເສຍຊີວິດຂອງ ພະນະທ່ານ ຕຣີ ສຸຕຣີດໂນ, ຮອງປະທານາທິບໍດີ ຜູ້ທີ 6 ແຫ່ງ ສາທາລະນະລັດ ອິນໂດເນເຊຍ ໃນວັນທີ 2 ມີນາ 2026 ທີ່ຜ່ານມາ, ໂດຍການຕ້ອນຮັບຂອງ ທ່ານ Achmad Dahlan, ອຸປະທູດຊົ່ວຄາວ ແຫ່ງ ສາທາລະນະລັດ ອິນໂດເນເຊຍ ປະຈໍາ ສປປ ລາວ.
ອ່ານເພີ່ມ
ກອງປະຊຸມປະກອບຄໍາເຫັນ ຮ່າງຂໍ້ຕົກລົງ ວ່າດ້ວຍການແຕ່ງຕັ້ງ ແລະ ຮຽກກັບສະມາຊິກສຳນັກງານຜູ້ຕາງໜ້າ ແລະ ເຜີຍແຜ່ຄຳແນະນຳ ກ່ຽວກັບການປະເມີນເລື່ອນຊັ້ນນັກການທູດ ແລະ ທຽບຊັ້ນນັກການທູດ
25/02/2026
ໃນຕອນບ່າຍຂອງ ວັນທີ 25 ກຸມພາ 2026, ທີ່ ກະຊວງການຕ່າງປະເທດ, ກົມຈັດຕັ້ງ, ກະຊວງການຕ່າງປະເທດ ໄດ້ຈັດກອງປະຊຸມປະກອບຄໍາເຫັນໃສ່ ຮ່າງຂໍ້ຕົກລົງ ວ່າດ້ວຍການແຕ່ງຕັ້ງ ແລະ ຮຽກກັບສະມາຊິກສຳນັກງານຜູ້ຕາງໜ້າ ແລະ ເຜີຍແຜ່ຄຳແນະນຳ ກ່ຽວກັບການປະເມີນເລື່ອນຊັ້ນນັກການທູດ ແລະ ທຽບຊັ້ນນັກການທູດ ໂດຍການໃຫ້ກຽດເປັນປະທານຂອງ ທ່ານ ໄມທອງ ທຳມະວົງສາ, ຮອງລັດຖະມົນຕີກະຊວງການຕ່າງປະເທດ, ມີຄະນະກົມ, ຄະນະພະແນກ ແລະ ພະນັກງານ-ລັດຖະກອນ ຕາງໜ້າຈາກຫ້ອງການ ແລະ ບັນດາກົມ ຂອງກະຊວງການຕ່າງປະເທດ ເຂົ້າຮ່ວມ.
ອ່ານເພີ່ມ
ພິທີມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ
23/02/2026
ຕອນເຊົ້າເວລາ 10:00 ໂມງ ຂອງວັນທີ 23 ກຸມພາ 2026, ທີ່ສະໜາມບິນສາກົນປາກເຊ, ນະຄອນປາກເຊ, ແຂວງຈໍາປາສັກ, ໄດ້ມີການຈັດພິທີ ມອບ-ຮັບ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ ພາຍຫຼັງທີ່ຄະນະວິຊາການຮ່ວມລາວ-ອາເມຣິກາ ສໍາເລັດການປະຕິບັດງານຮ່ວມຢູ່ພາກສະໜາມ ຄັ້ງທີ 2 ປະຈໍາສົກປີ 2025 -2026 ກໍລະນີ 2052 ຢູ່ພູຜາຖີ່, ເຂດບ້ານພູທອງ, ເມືອງຊຳເໜືອ, ແຂວງຫົວພັນ ແລະ ກໍລະນີ 1743 ເຂດບ້ານວັກໄຕ, ກໍລະນີ 1384 ເຂດບ້ານຕະລາງໃໝ່, ເມືອງກະລຶມ, ແຂວງເຊກອງ. ຜ່ານການປະຕິບັດງານດັ່ງກ່າວແມ່ນມີພຽງແຕ່ກໍລະນີດຽວຄື ກໍລະນີ 2052 ທີ່ໄດ້ຖືກຄົ້ນພົບສິ່ງເສດເຫຼືອຂອງທະຫານອາເມຣິກາ.
ອ່ານເພີ່ມ
