ທ່ານ ເອກອັກຄະລັດຖະທູດລາວ ຍື່ນສານຕາຕັ້ງຕໍ່ປະທານາທິບໍດີ ແຫ່ງ ສາທາລະນະລັດ ສະຫະພັນ ບຣາຊິນ
13/07/2026
ໃນວັນທີ 8 ກໍລະກົດ 2026, ທີ່ ທຳນຽບປະທານາທິບໍດີ ແຫ່ງ ສາທາລະນະລັດ ສະຫະພັນ ບຣາຊິນ (Palacio de Panalto), ນະຄອນຫຼວງ ບຣາຊິນເລຍ, ທ່ານ ວັນທາ ແສງເມືອງ ໄດ້ເຂົ້າຍື່ນສານຕາຕັ້ງ ຕໍ່ພະນະທ່ານ ລຸຍຊ໌ ອິນນາຊີໂອ ລູລາ ດາ ຊີນວາ (Luiz Inácio Lula da Silva), ປະທານາທິບໍດີ ແຫ່ງ ສາທາລະນະລັດ ສະຫະພັນ ບຣາຊິນ ເພື່ອດໍາລົງຕໍາແໜ່ງເປັນເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສະຫະພັນ ບຣາຊິນ ທີ່ມີສຳນັກງານຕັ້ງຢູ່ ນະຄອນຫຼວງ ລາຮາວານ, ສ.ກູບາ.
ອ່ານເພີ່ມ
ເອກອັກຄະລັດຖະທູດລາວ ຍື່ນສານຕາຕັ້ງຕໍ່ປະທານາທິບໍດີ ແຫ່ງ ສາທາລະນະລັດ ອິຕາລີ
08/07/2026
ໃນວັນທີ 6 ກໍລະກົດ 2026 ທີ່ ນະຄອນຫຼວງໂຣມ, ທ່ານ ດາວວີ ວົງໄຊ ໄດ້ເຂົ້າຍື່ນສານຕາຕັ້ງຕໍ່ພະນະທ່ານ ແຊຈິໂອ ມັດຕາເຣນລາ (H.E. Mr. Sergio Mattarella), ປະທານາທິບໍດີ ແຫ່ງ ສາທາລະນະລັດ ອິຕາລີ ເພື່ອດໍາລົງຕຳແໜ່ງເປັນເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ອິຕາລີ, ເຊິ່ງມີສໍານັກງານຕັ້ງຢູ່ ເຊີແນວ, ປະເທດ ສະວິດ.
ອ່ານເພີ່ມ
ການສ້າງສາຍພົວພັນການທູດລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ເຄືອຈັກກະພົບ ບາຮາມາສ
03/07/2026
ໃນຕອນເຊົ້າຂອງ ວັນທີ 30 ມິຖຸນາ 2026, ທີ່ ນະຄອນນິວຢອກ, ສະຫະລັດ ອາເມຣິກາ, ໄດ້ມີພິທີລົງນາມຖະແຫຼງການຮ່ວມ ວ່າດ້ວຍ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ເຄືອຈັກກະພົບ ບາຮາມາສ, ໂດຍຕາງໜ້າໃຫ້ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນ ທ່ານ ທອງຜ່ານ ສະຫວັນເພັດ, ເອກອັກຄະລັດຖະທູດວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາອົງການ ສປຊ ແລະ ຕາງໜ້າໃຫ້ລັດຖະບານ ແຫ່ງ ເຄືອຈັກກະພົບ ບາຮາມາສ ແມ່ນ ທ່ານ ສະແຕນ ໂອດູມາ ສະມິດຕ໌ (H.E. Mr. Stan Oduma Smith), ເອກອັກຄະລັດຖະທູດວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນ ແຫ່ງ ເຄືອຈັກກະພົບ ບາຮາມາສ ປະຈໍາ ອົງການ ສປຊ ໄດ້ຮ່ວມລົງນາມໃນຖະແຫຼງການຮ່ວມຄັ້ງນີ້ ໂດຍການເຂົ້າຮ່ວມເປັນສັກຂີພິຍານໃນພິທີດັ່ງກ່າວຂອງບັນດານັກການທູດທັງສອງຝ່າຍ.
ອ່ານເພີ່ມ
ກອງປະຊຸມເຈົ້າໜ້າທີ່ອາວຸໂສຂອບການຮ່ວມມືແມ່ນໍ້າຂອງ-ສ.ເກົາຫລີ, ວັນທີ 26 ມິຖຸນາ 2026 ທີ່ ບາງກອກ, ປະເທດໄທ.
27/06/2026
ໃນຕອນບ່າຍຂອງວັນທີ 26 ມິຖຸນາ 2026, ໄທ ແລະ ສ.ເກົາຫລີ ໄດ້ເປັນເຈົ້າພາບຮ່ວມຈັດກອງປະຊຸມເຈົ້າຫນ້າທີ່ອາວຸໂສຂອບການຮ່ວມມືແມ່ນໍ້າຂອງ-ສ.ເກົາຫລີ (Mekong-ROK Cooperation Senior Officials’ Meeting) ທີ່ ບາງກອກ, ປະເທດໄທ ໃນຮູບແບບຊຶ່ງຫນ້າ ແລະ ແບບທາງໄກ, ໂດຍການເປັນປະທານຮ່ວມ ລະຫວ່າງ ທ່ານ ນາງ Prangtip Chansomsak, ຮອງຫົວຫນ້າກົມເສດຖະກິດສາກົນ, ກະຊວງການຕ່າງປະເທດ ໄທ ແລະ ທ່ານ LEE Dong-gy, ຫົວຫນ້າກົມອາຊີຕາເວັນອອກ ແລະ ອາຊຽນ, ກະຊວງການຕ່າງປະເທດ ສ. ເກົາຫລີ, ໂດຍມີບັນດາເຈົ້າຫນ້າທີ່ອາວຸໂສຈາກບັນດາປະເທດສະມາຊິກແມ່ນໍ້າຂອງ ເຂົ້າຮ່ວມຢ່າງພ້ອມພຽງ.
ອ່ານເພີ່ມ
ຜົນສໍາເລັດກອງປະຊຸມປຶກສາຫາລືສອງຝ່າຍ ລາວ - ເຢຍລະມັນ ຄັ້ງທີ 2
26/06/2026
ໂດຍສືບຕໍ່ການຈັດຕັ້ງປະຕິບັດຖະແຫຼງການຮ່ວມ ວ່າດ້ວຍການຮ່ວມມື ລະຫວ່າງ ກະຊວງການຕ່າງປະເທດ ແຫ່ງ ສປປ ລາວ ແລະ ກະຊວງການຕ່າງປະເທດ ແຫ່ງ ສາທາລະນະລັດ ສະຫະພັນ ເຢຍລະມັນ ຊຶ່ງໄດ້ລົງນາມໃນປີ 2019 ທີ່ ແບກແລງ, ສອງກະຊວງການຕ່າງປະເທດ ແຫ່ງ ສປປ ລາວ ແລະ ເຢຍລະມັນ ໄດ້ຈັດກອງປະຊຸມປຶກສາຫາລືສອງຝ່າຍ ຄັ້ງທີ 2 ຮ່ວມກັນ ໃນວັນທີ 23 ມິຖຸນາ 2026 ທີ່ ກະຊວງການຕ່າງປະເທດ ເຢຍລະມັນ, ນະຄອນຫຼວງ ແບກແລງ, ປະເທດ ເຢຍລະມັນ.ຄະນະຜູ້ແທນ ຝ່າຍລາວ ແມ່ນນໍາໂດຍ ທ່ານ ເອກະພາບ ພັນທະວົງ, ຫົວໜ້າກົມເອີຣົບ ແລະ ອາເມຣິກາ, ກະຊວງການຕ່າງປະເທດ, ຊື່ງໄດ້ເປັນປະທານຮ່ວມກອງປະຊຸມກັບ ທ່ານ ທູດ ໂຢອາຮິມ ເບັດເທເລ (Joachim Bertele), ຮັບຜິດຊອບວຽກງານອາຊີຕາເວັນອອກສຽງໃຕ້ ແລະ ປາຊີຟິກ, ກະຊວງການຕ່າງປະເທດ ເຢຍລະມັນ.
ອ່ານເພີ່ມ
ກະຊວງການຕ່າງປະເທດຈັດກິດຈະກຳສະເຫຼີມສະຫຼອງວັນເດັກສາກົນ (International Children's Day) 01 ມີຖຸນາ ແລະ ວັນສົນທິສັນຍາ ວ່າດ້ວຍສິດທິເດັກ (Universal Children's Day / World Children's Day) ວັນເດັກໂລກ 20 ພະຈິກ ຄົບຮອບ 101 ປີ.
28/05/2026
ໃນວັນທີ 28 ພຶດສະພາ 2026, ທີ່ ໂຮງຮຽນມັດທະຍົມສົມບູນ ບ້ານຜາຕັ້ງ, ເມືອງວັງວຽງ, ແຂວງວຽງຈັນ, ຄະນະກໍາມະການເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ກະຊວງການຕ່າງປະເທດ ຮ່ວມກັບ 3 ອົງການຈັດຕັ້ງມະຫາຊົນ (ຄະນະກໍາມະບານ, ແມ່ຍິງ ແລະ ຊາວໜຸ່ມ) ແລະ ພາກສ່ວນກ່ຽວຂ້ອງໄດ້ຮ່ວມກັນ ຈັດກິດຈະກໍາສະເຫຼີມສະຫຼອງ ວັນເດັກສາກົນ (1 ມິຖຸນາ) ແລະ ວັນສົນທິສັນຍາ ວ່າດ້ວຍສິດທິເດັກ (20 ພະຈິກ ) ຄົບຮອບ 101 ປີ ຂຶ້ນເພື່ອສ້າງຄວາມສໍາພັນອັນດີລະຫວ່າງຄູອາຈານ ແລະ ຫຼານນ້ອຍ ໂດຍການເປັນປະທານຂອງ ທ່ານ ວັນດີ ບຸດສະດີ, ຄະນະປະຈຳພັກກະຊວງ, ຫົວໜ້າກົມຈັດຕັ້ງ ກະຊວງການຕ່າງປະເທດ, ເຊິ່ງມີຄະນະກົມ, ຄະນະພະແນກ,ພະນັກງານ-ລັດຖະກອນ, ຄູ, ອາຈານ, ຕາງໜ້າ 3 ອົງການຈັດຕັ້ງມະຫາຊົນຈາກສອງພາກສ່ວນ ແລະ ຫຼານນ້ອຍນັກຮຽນມັດທະຍົມສົມບູນ ບ້ານຜາຕັ້ງ, ເມືອງ ວັງວຽງ, ແຂວງ ວຽງຈັນ, ເຂົ້າຮ່ວມທັງໝົດ ຈໍານວນ 250 ກວ່າທ່ານ, ຍິງ 87 ທ່ານ.
ອ່ານເພີ່ມ
ເອກອັກຄະລັດຖະທູດ ແຫ່ງ ສປປ ລາວ ຍື່ນສານຕາຕັ້ງ ຕໍ່ ປະທານາທິບໍດີ ແຫ່ງ ສາທາລະນະລັດ ສະໂລວາກີ
25/05/2026
ໃນວັນທີ 19 ພຶດສະພາ 2026 ທີ່ຜ່ານມາ, ທີ່ ທຳນຽບປະທານາທິບໍດີ ແຫ່ງ ສາທາລະນະລັດ ສະໂລວາກີ, ທ່ານ ຄຳແພງ ດວງທອງລາ ໄດ້ເຂົ້າຍື່ນສານຕາຕັ້ງຕໍ່ ທ່ານ Peter Pellegrini, ປະທານາທິບໍດີ ແຫ່ງ ສາທາລະນະລັດ ສະໂລວາກີ, ເພື່ອດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ສະໂລວາກີ, ໂດຍມີສໍານັກງານຕັ້ງຢູ່ ນະຄອນຫຼວງວຽນ, ປະເທດ ໂອຕຣິດ.
ອ່ານເພີ່ມ
ສປປ ລາວ ນໍາພາຄະນະບໍລິຫານ ສະຖາບັນແມ່ນໍ້າຂອງ ຢ້ຽມຢາມ ສປ ຈີນ ໃນລະຫວ່າງວັນທີ 11-15 ພຶດສະພາ 2026
19/05/2026
ໃນໂອກາດທີ່ ສປປ ລາວ ໄດ້ຮັບກຽດເປັນປະທານໝູນວຽນ ຂອງ ສະພາບໍລິຫານງານສະຖາບັນແມ່ນໍ້າຂອງ (Council of Mekong Institute) ປະຈໍາສົກປີ 2025-2027 ພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງ: ການຫັນນະໂຍບາຍໃຫ້ເປັນຮູບປະທໍາ” (Connectivity and Resilience: from Policy to Action) ແລະ ເພື່ອເປັນການສະເຫຼີມສະຫຼອງສາຍພົວພັນການທູດ ສປປ ລາວ ແລະ ສປ ຈີນ ຄົບຮອບ 65 ປີ
ອ່ານເພີ່ມ
ສະຖານທູດລາວ ປະຈໍາ ອາເມລິກາ ຈັດງານສະເຫລີມສະຫຼອງບຸນປີໃໝ່ລາວ ພສ 2569.
15/05/2026
ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ ວໍຊິງຕັນ, ດີ.ຊີ. ໄດ້ຈັດງານສະເຫລີມສະຫລອງຕ້ອນຮັບປີໃໝ່ລາວ ປີມະເມຍ ພສ 2569, ຈສ 1388 ຂຶ້ນຢ່າງເບີກບານມ່ວນຊື່ນ ໃນວັນທີ 9 ພຶດສະພາ 2026. ໃນຕອນກາງເວັນ, ມີການແຂ່ງຂັນກິລາກອ໊ຟມິດຕະພາບຄັ້ງທີ 13 ຈັດໂດຍສະມາຄົມກ໊ອຟລາວ ດີຊີ (LGADC) ແລະ ການແຂ່ງຂັນກິລາບານເຕະມິດຕະພາບຈັດໂດຍສະຫະພັນກິລາບານເຕະລາວອາເມລິກາເຫນືອ (NALSF), ຕອນແລງມີງານລາຕີສະໂມສອນສະເຫຼີມສະຫຼອງປີໃໝ່ລາວ ທີ່ຫ້ອງຈັດງານລ້ຽງຮັບຮອງ Arlington-Fairfax Elks Lodge, ລັດເວີຈີເນຍ, ໂດຍໃຫ້ກຽດເຂົ້າຮ່ວມຂອງ ທ່ານ ພູໂຂງ ສີສຸລາດ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສະຫະລັດ ອາເມລິກາ ແລະ ການາດາ, ທ່ານ ທອງຜ່ານ ສະຫວັນເພັດ, ເອກອັກຄະລັດຖະທູດ, ຜູ້ຕາງໜ້າຖາວອນແຫ່ງ ສປປ ລາວ ປະຈຳ ອົງການສະຫະປະຊາຊາດ, ແຂກຜູ້ມີກຽດ, ກຳມະການສູນກາງແນວລາວສ້າງຊາດ ປະຈໍາ ສະຫະລັດ ອາເມລິກາ, ປະທານສະມາຄົມຮັກບ້ານເກີດພ້ອມຄະນະ, ປະທານສະມາຄົມຕ່າງໆຂອງຄົນເຊື້ອຊາດລາວ, ອົງການ Legacies of War, ຜູ້ຊົງຄຸນວຸດທິ, ພີ່ນ້ອງຄົນເຊື້ອຊາດລາວ ທີ່ເດີນທາງມາຈາກບັນດາລັດໃນ ອາເມລິກາ ແລະ ຈາກການາດາ ລວມທັງກິລາກອ໊ຟ, ນັກກິລາບານເຕະ, ພະນັກງານສະຖານທູດ ສປປ ລາວ ທີ່ ວໍຊິງຕັນ, ດີ.ຊີ. ແລະ ສຳນັກງານຜູ້ຕາງໜ້າຖາວອນແຫ່ງ ສປປ ລາວ ປະຈຳອົງການ ສປຊ, ລວມປະມານ 450 ຄົນ.
ອ່ານເພີ່ມ
