ສົ​ມ​ເດັດ,

ໃນ​ນາມຕາງໜ້າ​ປະ​ຊາ​ຊົນ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ​ ຂໍຖື​ເປັນ​ກຽດ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດ​ມາ​ຍັງ​ ສົມ​ເດັດ ແລະ ປະ​ຊາ​ຊົນກູ​ເວດ ເພື່ອນ​ມິດ​ທຸກ​ຖ້ວນ​ໜ້າ ເນື່ອງ​ໃນ​ໂອ​ກາດອັນສະຫງ່າລາສີ ​​ວັນ​ຊາດ​ ແຫ່ງ ລັດ​ກູ​ເວດ ຄົບ​ຮອບ 57 ປີ,

ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ລັດກູເວດ ໄດ້ຮັບການພັດທະນາຢ່າງຕໍ່ເນື່ອງ ຕະຫລອດໄລຍະຫນຶ່ງທົດສະຫວັດທີ່ຜ່ານມາ. ຂ້າພະເຈົ້າ ເຊື່ອຫມັ້້ນວ່າ ສາຍພົວພັນອັນດີດັ່ງກ່າວ ຈະສືບຕໍ່ເຕີບໃຫຍ່ຂະຫຍາຍຕົວຂຶ້ນສູ່ລະດັບໃຫມ່ ໃນຊຸມປີຕໍ່ຫນ້າ ເພື່ອຜ​ົນ​ປະ​ໂຫຍດຮ່ວມກັນຂອງ​ປະ​ຊາ​ຊົນສອງ​ຊາດ​ພວກ​ເຮົາ ແລະ ພາຍໃຕ້ການນໍາພາຂອງສົມເດັດ ປະເທດກູເວດ ຈະສືບຕໍ່ຈະເລີນຮຸ່ງເຮືອງຍິ່ງຂຶ້ນ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນໄຊ​ໃຫ້​ ສົມ​ເດັດ ຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມ​ຜາ​ສຸກ ແລະ ຂໍ​ໃຫ້​ປະ​ຊາ​ຊົນກູ​ເວດເພື່ອນ​ມິດ ຈົ່ງ​ສືບ​ຕໍ່​ມີ​ຄວາມ​ກ້າວ​ໜ້າ ແລະ ​ວັດ​ທະ​ນາ​ຖາ​ວອນ.

ດ້ວຍ​ຄວາມ​ນັບ​ຖື​ຢ່າງ​ສູງ.

                                                             ບຸນຍັງ ວໍລະຈິດ

                                                           ປະທານປະເທດ ແຫ່ງ ສປປ ລາວ

​ສົມ​ເດັດ ເຊກ​ຄ໌ ຊາ​ບາ ອາ​ລ-ອາ​ມັດ ອາ​ລ-ຈາ​ເບີ ອ​າ​ລ-ຊາ​ບາ

ກະ​ສັດ ແຫ່ງ ລັດ​ກູ​ເວດ

ທີ່ ກູ​ເວດ

----------------------------------------------------------------------------------------------------------------------------------------------------------

ສົມ​ເດັດ,

ໃນ​ນາມ​ລັດ​ຖ​ະ​ບານ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ​ໃນ​ນາມ​ສ່ວນ​ຕົວ, ຂ້າ​ພະ​ເຈົ້າ ຂໍ​ຖື​ເປັນ​ກຽດ​​ສົ່ງ​ຄຳ​ຊົມ​ເຊີຍອັນ​ອົບ​ອຸ່ນ ແລະ ພອນ​ໄຊ​ອັນ​ປະ​ເສີດມາ​ຍັງ​ ສົມ​ເດັດ, ລັດ​ຖະ​ບານ ແລະ ​ປະ​ຊາ​ຊົນ ກູ​ເວດ​ ເພື່ອນ​ມິດທຸກ​ຖ້ວນ​ໜ້າ ເນື່ອງ​ໃນ​ໂອ​ກາດ​ວັນ​ຊາດ ແຫ່ງ ​ລັດ​ກູ​ເວດ ຄົບ​ຮອບ 57 ປີ.

ປີ 2018 ເປັນປີຄົບຮອບ 10 ປີ ແຫ່ງສາຍພົວພັນດ້ານການທູດ ລາວ-ກູເວດ. ສປປ ລາວ ແລະ ກູເວດ ມີສາຍພົວພັນມິດຕະພາບ ແລະ ການຮ່ວມມືອັນດີ ຕະຫລອດໄລຍະ 10 ປີທີ່ຜ່ານມາ. ຂ້າພະເຈົ້າ ຫວັງວ່າ ມິດຕະພາບ ແລະ ການຮ່ວມມືທີ່ມີມາ ລະຫວ່າງສອງປະເທດພວກເຮົາ ຈະສືບຕໍ່ຂະຫຍາຍໄປສູ່ຫລາຍຂົງເຂດ ເພື່ອຜົນປະໂຫຍດຮ່ວມກັນຂອງປະຊາຊົນສອງຊາດພວກເຮົາ.

ຂ້າພະເຈົ້າ ຂໍສະແດງຄວາມຊົມເຊີຍຕໍ່ຜົນສໍາເລັດໃນການພັດທະນາປະເທດຊາດຂອງກູເວດ ໃນໄລຍະຜ່ານມາ ແລະ ບົດບາດທີ່ພົ້ນເດັ່ນຂອງກູເວດ ໃນເວທີພາກພື້ນ ແລະ ສາກົນ.

ຂ້າ​ພະ​ເຈົ້າ ຂໍ​ຖື​ໂອ​ກາດນີ້ ອວຍ​ພອນໄຊ​ໃຫ້​ ສົມ​ເດັດ ຈົ່ງ​ມີ​ພະ​ລານາ​ໄມສົມ​ບູນ, ມີ​ຄວາມ​ຜາ​ສຸກ ແລະ ປະ​ສົບ​ຜົນ​ສຳ​ເລັດ​ໃນ​ໜ້າ​ທີ່​ອັນ​ມີ​ກຽດ​ຂອງ​ສົມ​ເດັດ.

ດ້ວຍ​ຄວາມ​ນັບ​ຖື​ຢ່າງ​ສູງ​.

                                                                                    ທອງລຸນ ສີສຸລິດ

                                                                         ນາຍົກລັດຖະມົນຕີ ແຫ່ງ ສປປ ລາວ

ສົມ​ເດັດ ເຊກຄ໌​ ຈາ​ເບີ ມູ​ບາ​ຣັກ ອາ​ລ-ຮາ​ມັດ ອາ​ລ-ຊາ​ບາ

ນາ​ຍົກ​ລັດ​ຖະ​ມົນ​ຕີ ແຫ່ງ ລັດ​ກູ​ເວດ

ທີ່ ກູ​ເວດ