ໃນຕອນ​ເຊົ້າວັນທີ 18 ກໍ​ລະ​ກົດ ນີ້, ທີ່ນະ​ຄອນຫຼວງ ຮ່າ​ໂນ້ຍ, ທ່ານ ນາງ ຄໍາເພົາ ເອີນທະວັນ, ເອ​ກອັກຄະ​ລັດ​ຖະ​ທູດ​ວິ​ສາ​ມັນ​ຜູ້​ມີ​ອຳ​ນາດ​ເຕັມແຫ່ງ ສ​ປ​ປ ລາວ ປະ​ຈຳ ສ​ສ ຫວຽດ​ນາມ ພ້ອມ​ຄະ​ນະໄດ້ເຂົ້າຢ້ຽມ​ຂ່ຳ​ນັບ ​​ທ່ານ ຫວຽນ ຈິຢຸງ,  ກຳມະການສູນກາງພັກ, ລັດຖະມົນຕີກະຊວງແຜນການ ແລະ ການລົງທຶນ ແຫ່ງ ສສ ຫວຽດນາມ ໃນ​ໂອ​ກາດ​ທີ່​ທ່ານ​ໄດ້​ຮັບ​ໜ້າ​ທີ່​ເປັນ​ເອ​ກ​ອັກ​ຄະ​ລັດ​ຖະ​ທູດ​ລາວ​ຄົນ​ໃໝ່​ປະ​ຈຳ ສ​ສ ຫວຽດ​ນາມ.

ໃນຕອນເຊົ້າ ຂອງ ວັນທີ 15 ກໍລະກົດ 2024, ຢູ່ ສໍານັກງານປະທານາທິບໍດີ ນະຄອນຫຼວງມາເລ, ສາທາລະນະລັດ ມານດີບ, ທ່ານ ບຸນມີ ວັນມະນີ, ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ໂມຮາເມັດ ມູອິສຊູ / H.E.Dr. Muhamed Muizzu, ປະທານາທິບໍດີ ແຫ່ງ ສາທາລະນະລັດ ມານດີບ ເພື່ອດຳລົງຕຳແໜ່ງ ເປັນເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ ປະຈຳ ມານດິບ, ຊຶ່ງມີສໍານັກງານຕັ້ງ ຢູ່ ນະຄອນຫຼວງນິວແດນລີ, ປະເທດ ອິນເດຍ.

           ວັນ​ທີ 15 ກໍ​ລະ​ກົດ 2024, ທີ່​ນະ​ຄອນຫຼວງ ຮ່າ​ໂນ້ຍ, ສະ​ຖານ​ທູດ​ລາວ ປະ​ຈຳ ສ​ສ ຫວຽດ​ນາມ ໄດ້​ຈັດ​ພິ​ທີ ມອບ-ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ​ປະ​ຈຳ​ປີ 2023 ໃຫ້​ແກ່ໜ່ວຍພັກສະຖານທູດລາວ ທີ່ ນະ​ຄອນຫຼວງ ຮ່າໂນ້ຍ ແລະ ໜ່ວຍພັກສະຖານກົງສຸນໃຫຍ່ລາວ ປະ​ຈຳ ນະຄອນ ດາໜັງ, ສ​ສ ຫວຽດ​ນາມ.