ພະນະທ່ານ ເດີມີຕຼີ ເມດເວເດບ,

ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ

ມົດສະກູ,

ພະນະທ່ານ,

ຂ້າພະເຈົ້າ ໄດ້ຮັບຊາບຂ່າວເສົ້າສະຫຼົດໃຈຕໍ່ກັບເຫດການໄຟໄໝ້ຮ້ານສັບພະສິນຄ້າ ຢູ່ເມືອງ ກາເມ ໂຣໂວ, ເຂດຊີບີຣີ, ສະຫະພັນ ຣັດເຊຍ ໃນວັນທີ 25 ມີນາ 2018, ເຊິ່ງເຮັດໃຫ້ມີຜູ້ເສຍຊີວິດ ແລະ ບາດ ເຈັບເປັນຈຳນວນຫຼວງຫຼາຍ.

ໃນ​ນາມ​ລັດຖະບານ ​ແຫ່ງ ສປປ ລາວ ​ແລະ ​ໃນ​ນາມ​ສ່ວນ​ຕົວ, ຂ້າພະ​ເຈົ້າ​ ຂໍສະ​ແດງ​ຄວາມ​ເສົ້າ​ໂສກ​ເສຍ​ໃຈ​ຢ່າງ​ສຸດ​ຊຶ້ງ ​ແລະ ຂໍ​ແບ່ງ​ເບົາ​ຄວາມທຸກ​ໂສກ​ມາ​ຍັງ​ພະນະ​ທ່ານ, ​ໂດຍ​ຜ່ານ​ພະນະ​ທ່ານ ​ໄປ​ຍັງ​ລັດຖະບານ ​ແລະ ບັນດາຍາດຕິ​ພີ່ນ້ອງ​ຂອງ​ຄອບຄົວຜູ້​ເສຍ​ຊີວິດ​ຈາກເຫດການໄຟໄໝ້ຄັ້ງນີ້.

ດ້ວຍ​ຄວາມ​ນັບຖື​ຢ່າງ​ສູງ,

ທອງ​ລຸນ ສີ​ສຸ​ລິດ

ນາຍົກລັດຖະມົນຕີ ​ແຫ່ງ ສປປ ລາວ

ນະຄອນຫລວງວຽງຈັນ, ວັນທີ 25 ມີນາ 2018