ວັນທີ 21 ກັນຍາ 2018

ພະນະທ່ານ,

ຂ້າພະເຈົ້າຮູ້ສຶກເສຍໃຈເປັນຍ່າງຍິ່ງ ທີ່ໄດ້ຊາບຂ່າວກ່ຽວກັບການສູນເສຍຊີວິດ ແລະ ຄວາມເສຍຢ່າງຮ້າຍແຮງ ຈາກພາຍຸມັງຄຸດ ທີ່ໄດ້ພັດໃສ່ ແຂວງຄາກາຢັນ, ປະເທດຟີລິບປິນ ໃນວັນທີ 15 ກັນຍາ 2018.

ໃນນາມຕາງໜ້າລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າຂໍສະແດງຄວາມເຫັນອົກເຫັນໃຈ ແລະ ເສຍໃຈເປັນຢ່າງຍິ່ງ ມາຍັງລັດຖະບານ ແລະ ປະຊາຊົນ ແຫ່ງ ສາທາລະນະລັດ ຟີລິບປິນ ໂດຍສະເພາະຄອບຄົວຜູ້ເຄາະຮ້າຍທີ່ເສຍຊີວິດ ແລະ ບັນດາຜູ້ທີ່ໄດ້ຮັບຜົນກະທົບຈາກໄພພິບັດທີ່ຮ້າຍແຮງໃນຄັ້ງນີ້.

ຂ້າພະເຈົ້າເຊື່ອໝັ້ນວ່າ ພາຍໃຕ້ການນຳພາອັນປີຊາສາມາດ ຂອງ ລັດຖະບານ ແຫ່ງ ສາທາລະນະລັດ ຟີລິບປິນ ໃນການຮັບມືກັບໄພພິບັດໃນຄັ້ງນີ້, ຟີລິບປິນ ຈະສາມາດຜ່ານຜ່າເວລາອັນຫຍຸ້ງຍາກ ແລະ ຊີວິດການເປັນຢູ່ຂອງປະຊາຊົນຈະໄດ້ຮັບການຟື້ນຟູກັບສູ່ສະພາບປົກກະຕິໂດຍໄວ.

ດ້ວຍຄວາມນັບຖືຢ່າງສູງ,

ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ອາລັນ ປີເຕີ ເອສ ກາຢາໂນ

ລັດຖະມົນຕີຕ່າງປະເທດ

ສາທາລະນະລັດ ຟີລິບປິນ

ທີ່ ມະນີລາ