ນະຄອນຫຼວງວຽງຈັນ,      ພະຈິກ 2018

ພະນະ​ທ່ານ,

​          ໃນນາມປະຊາຊົນລາວທຸກຖ້ວນໜ້າ ແລະ ໃນນາມສ່ວນຕົວ, ຂ້າພະ​ເຈົ້າ ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນ ແລະ ພອນໄຊອັນປະເສີດ ມາ​ຍັງພະນະ​​ທ່ານ ແລະ ປະຊາຊົນ ໂມຣີຕານີ ທຸກຖ້ວນໜ້າ ເນື່ອງ​ໃນໂອກາດສະເຫຼີມສະຫຼອງວັນຊາດ ແຫ່ງ ສາທາລະນະລັດ ອິດສະລາມ ໂມຣີຕານີ ຄົບຮອບ 58 ປີ. ​

ຂ້າພະ​ເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືທີດີ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ອິດສະລາມ ໂມຣີຕານີ ຈະສືບຕໍ່ໄດ້ຮັບການພັດທະນາໃນຊຸມປີຕໍ່ໜ້າ ເພື່ອຜົນປະໂຫຍດຂອງສອງຊາດພວກເຮົາ.

ຂ້າພະເຈົ້າ ຂໍຖືໂອກາດອັນສະຫງ່າລາສີນີ້ ອວຍພອນໃຫ້ ພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ຂໍໃຫ້ປະຊາຊົນ ໂມຣີຕານີ ຈົ່ງມີຄວາມກ້າວໜ້າ ແລະ ມີຄວາມຈະເລີນຮຸ່ງເຮື່ອງຍິ່ງໆຂື້ນ.

ດ້ວຍ​ຄວາມເຄົາລົບ ແລະ ​ນັບຖື​ຢ່າງ​ສູງ.                

                                                                                   (ລາຍເຊັນ)

ບຸນຍັງ ວໍລະຈິດ

ພະນະທ່ານ ໂມຮາເມັດ ອູດ ອັບເດວ ອາຊິດ

ປະທານາທິບໍດີ ​ແຫ່ງ ສາທາລະນະລັດ ອິດສະລາມ ໂມຣີຕານີ

ທີ່ ນູແອກຄັອດ