ວັນທີ 2 ທັນວາ 2018

ພະນະທ່ານ ບຸນຍັງ ວໍລະຈິດ,

ປະທານປະເທດ ແຫ່ງ ສປປ ລາວ

ພະນະທ່ານ ປະທານປະເທດ ທີ່ນັບຖື,

ຂ້າພະເຈົ້າຂໍສະແດງຄວາມຊົມເຊີຍຢ່າງຈິງໃຈມາຍັງ ພະນະທ່ານ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ມີຄວາມເພິ່ງພໍໃຈເປັນຢ່າງຍິ່ງ ຕໍ່ສາຍພົວພັນ ລະດັບສູງ ຣັດເຊຍ-ລາວ. ຂ້າພະເຈົ້າ ເຊື່ອຫມັ້ນວ່າ ການເປັນູຄູ່ຮ່ວມຍຸດທະສາດ ແລະ ການຮ່ວມມືສອງຝ່າຍ ໃນຂົງເຂດຕ່າງໆ ເຊິ່ງໄດ້ຮັບການເສີມຂະຫຍາຍໃຫ້ເຂັ້ມແຂງຍິ່ງໆຂື້ນ ຈະຕອບສະຫນອງຜົນປະໂຫຍດຂອງປະຊາຊົນສອງຊາດພວກເຮົາ ກໍ່ຄືເປັນການຄໍ້າປະກັນສະຖຽນລະພາບ ແລະ ຄວາມໝັ້ນຄົງ ໃນພາກພື້ນອາຊີ-ປາຊີຟິກ.

ຂ້າພະເຈົ້າ ຂໍອວຍພອນໃຫ້ ພະນະທ່ານ ປະທານປະເທດ ທີ່ນັບຖື ຈົ່ງມີສຸຂະພາບແຂງແຮງ ແລະ ປະ ສົບຜົນສຳເລັດໃນຫນ້າທີ່ວຽກງານອັນສູງສົ່ງຂອງຕົນ ແລະ ປະຊາຊົນລາວທຸກທົ່ວຫນ້າ ຈົ່ງມີຄວາມຈະເລີນຮຸ່ງເຮືອງ.

                                                                                ດ້ວຍຄວາມນັບຖື,

                                                                          ພະນະທ່ານ ວາລາດີເມຍ ປູຕິນ,

                                                                          ປະທານາທິບໍດີ ແຫ່ງ ສ. ຣັດເຊຍ

 ພະນະທ່ານ ທອງລຸນ ສີສຸລິດ,

 ນາຍົກລັດຖະມົນຕີ ແຫ່ງ ສປປ ລາວ

ທ່ານ ນາຍົກລັດຖະມົນຕີ ທີ່ນັບຖື,

                 ໃນນາມລັດຖະບານແຫ່ງ ສະຫະພັນ ຣັດເຊຍ ແລະ ໃນນາມສ່ວນຕົວ ຂ້າພະເຈົ້າ ມີຄວາມຍິນດີ ສະແດງຄຳຊົມເຊີຍ ມາຍັງພະນະທ່ານ ເນື່ອງໃນໂອກາດວັນຊາດ ແຫ່ງ ສາທາລະນະລັດ ປະຊາທະປະໄຕ ປະຊາຊົນລາວ.

ການພົວພັນ ຣັດເຊຍ-ລາວ ແມ່ນຢູ່ບົນພື້ນຖານແຫ່ງມິດຕະພາບ ແລະ ການເປັນຄູ່ຮ່ວມມື. ຂ້າພະເຈົ້າເຊື່ອໝັ້ນວ່າ ການເສີມຂະຫຍາຍການຮ່ວມມືໃນຂົງເຂດການຄ້າ, ເສດຖະກິດ, ວິທະຍາສາດ, ເຕັກໂນໂລຊີ, ວັດທະນະທຳ ແລະ ມະນຸດສະທຳ ໃຫ້ເຂັ້ມແຂງ ກໍ່ຄືການຈັດຕັ້ງປະຕິບັດໂຄງການຮ່ວມກັນໃນຂົງເຂດຕ່າງໆ ແມ່ນຕອບສະຫນອງຜົນປະໂຫຍດຂອງສອງປະເທດພວກເຮົາ.

ຂ້າພະເຈົ້າ ຂໍອວຍພອນໄຊອັນປະເສີດໃຫ້ ທ່ານ ນາຍົກລັດຖະມົນຕີ ທີ່ນັບຖື ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດໃນພາລະກິດທີ່ໄດ້ຮັບມອບຫມາຍຂອງຕົນ ແລະ ປະຊາຊົນລາວທຸກທົ່ວຫນ້າ ຈົ່ງມີຄວາມຢູ່ດີກິນດີ ແລະ ຈະເລີນຮຸ່ງເຮືອງ.

                                                                           ດ້ວຍຄວາມນັບຖື,

                                                                       ທ່ານ ເດີມີຕຼີ ເມັດເວເດັບ,

                                                            ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ

 ພະນະທ່ານ ສະເຫລີມໄຊ ກົມມະສິດ,

 ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ

ພະນະທ່ານ ລັດຖະມົນຕີ ທີ່ນັບຖື,

ຂ້າພະເຈົ້າ ຂໍສົ່ງຄຳຊົມເຊີຍອັນຈິງໃຈມາຍັງ ພະນະທ່ານ ເນື່ອງໃນໂອກາດວັນປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ.

 ພວກເຮົາມີຄວາມເພິ່ງພໍໃຈ ຕໍ່ທວ່ງທ່າການພັດທະນາອັນດີ ຂອງການພົວພັນ ຣັດເຊຍ-ລາວ ກໍ່ຄືການຮ່ວມມື ທີ່ມີຄວາມໄວ້ເນື້ອເຊື່ອໃຈ ເຊິ່ງກັນ ແລະ ກັນ ໃນເວທີສາກົນ. ຂ້າພະເຈົ້າ ຂໍຢືນຢັນຄືນ ຄວາມພ້ອມຂອງພວກເຮົາ ໃນການປະຕິບັດບັນດາສັນຍາສອງຝ່າຍ, ໂດຍສະເພາະອັນທີ່ໄດ້ຮັບການຕົກລົງ ໃນການພົບປະຂອງພວກເຮົາ ໃນເດືອນ ສິງຫາ ທີ່ປະເທດ ສິງກະໂປ.

 ຂ້າພະເຈົ້າ ເຊື່ອໝັ້ນວ່າ ຄວາມພະຍາຍາມຮ່ວມກັນຂອງພວກເຮົາ ຈະເປັນສິ່ງຮັບປະກັນ ໃນການສືບຕໍ່ຮັດແຫນ້ນສາຍພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດ ເພື່ອຜົນປະໂຫຍດຂອງປະຊາຊົນສອງຊາດພວກເຮົາ ກໍ່ຄືການຮັບປະກັນສະຖຽນລະພາບ ແລະ ຄວາມຈະເລີນຮຸ່ງເຮືອງ ຢູ່ໃນຂົງເຂດອາຊີຕາ ເວັນອອກສ່ຽງໃຕ້ ແລະ ອາຊີ-ປາຊີຟິກ ໂດຍລວມ.

ຂ້າພະເຈົ້າ ຂໍອວຍພອນໃຫ້ ພະນະທ່ານ ຈົ່ງມີສຸຂະພາບແຂງແຮງ, ປະສົບຜົນສໍາເລັດ ໃນຫນ້າທີ່ອັນສູງສົ່ງຂອງຕົນ ແລະ ອວຍພອນໃຫ້ພະນັກງານກະຊວງການຕ່າງປະເທດ ທຸກທ່ານ ຈົ່ງມີຄວາມຜາສຸກ ແລະ ພະລານາໄມສົມບູນ.

                                                                             ດ້ວຍຄວາມນັບຖື,

                                                                           ທ່ານ ເຊີເກ ລາເວີຣົບ,

                                                        ລັດຖະມົນຕີກະຊວງການຕ່າງປະເທດ ແຫ່ງ ສ. ຣັດເຊຍ