ນະຄອນຫຼວງວຽງຈັນ, 21 ມັງກອນ 2019

ພະນະ​ທ່ານ,

​          ຂ້າພະ​ເຈົ້າ ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ຍິ່ງ ​ສົ່ງ​ຄຳ​ຊົມ​ເຊີຍ​ອັນ​ອົບ​ອຸ່ນມາ​ຍັງ ພະນະ​​ທ່ານ ​ໃນໂອກາດທີ່ພະນະທ່ານ ໄດ້​ຮັບເລືອກຕັ້ງ​​ໃຫ້ດຳລົງ​ຕຳ​ແໜ່​ງ ນາຍົກລັດຖະມົນຕີ ​ແຫ່ງ ສາທາລະນະລັດ ປະຊາຊົນ ບັງກະລາເທດ ອີກສະໄໝໜຶ່ງ. ​

ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ປະຊາຊົນ ບັງກະລາເທດ ມີສາຍພົວພັນມິດຕະພາບ ແລະ ການຮ່ວມມືອັນດີງາມນໍາກັນຕະຫຼອດໄລຍະຜ່ານມາ. ຂ້າພະເຈົ້້າ ເຊື່ອໝັ້ນ​ວ່າພາຍໃຕ້ການນໍາພາ ຂອງພະນະທ່ານ ສາທາລະນະລັດ ປະຊາຊົນ ບັງກະລາເທດ ຈະໄດ້ຮັບການພັດທະນາ, ຈະເລີນຮຸ່ງເຮືອງ ແລະ ສີວິໄລ. ຂ້າພະເຈົ້າ ພ້ອມແລ້ວທີ່ຈະຮ່ວມເຮັດວຽກກັບ ພະນະທ່ານ ສືບຕໍ່ເສີມຂະຫຍາຍສາຍພົວພັນມິດຕະພາບອັນດີ ລະຫວ່າງ ລາວ-ບັງກະລາເທດ ໃຫ້ນັບມື້ນັບແໜ້ນແຟ້ນຍິ່ງໆຂຶ້ນ ເພື່ອນໍາເອົາຜົນປະໂຫຍດມາສູ່ປະຊາຊົນສອງຊາດພວກເຮົາ.

ຂ້າພະ​ເຈົ້າ ຂໍ​ຖື​ໂອກາດນີ້ ອວຍ​ພອນໃຫ້ ​ພະນະ​ທ່ານ ຈົ່ງມີ​ພະ​ລາ​ນາ​ໄມ​ສົມບູນ, ມີ​ຄວາມຜາສຸກ ​ແລະ ​ປະສົມຜົນສໍາເລັດ ໃນໜ້າທີ່ອັນມີກຽດສູງສົ່ງຂອງພະນະທ່ານ.

ດ້ວຍ​ຄວາມ​ນັບຖື​ຢ່າງ​ສູງ.

​                                                         

                                                                          ທອງລຸນ ສີສຸລິດ

ພະນະທ່ານ ນາງ ເຊັກ ຮາຊີນາ

ນາຍົກລັດຖະມົນຕີ ແຫ່ງ ສາທາລະນະລັດ ປະຊາຊົນ ບັງກະລາເທດ

ທີ່ ດາກາ