ນະຄອນຫລວງວຽງຈັນ,​ ວັນທີ 4 ພຶດສະພາ 2020

ພະນະ​ທ່ານ,

ຂ້າພະ​ເຈົ້າ​ໄດ້ຮັບຂ່າວ ດ້ວຍຄວາມ​ເສົ້າ​ໂສກເສຍໃຈ ຕໍ່ຄວາມສູນເສຍທາງດ້ານຊີວິດ ແລະ ຊັບສິນຈຳນວນຫຼວງຫຼາຍ ແກ່ປະຊາຊົນ ສ.ເກົາຫລີ ຈາກເຫດການໄຟໄໝ້ສະຖານທີ່ກໍ່ສ້າງຄັງສິນຄ້າແຫ່ງໜຶ່ງ ຢູ່ເມືອງອິຊອນ, ແຂວງກຽງກີ ໃນວັນທີ 29 ເມສາ 2020 ຜ່ານມາ.

​          ຕາງໜ້າ​ໃຫ້ລັດຖະບານ ແລະ ປະຊາຊົນ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ, ຂ້າພະ​ເຈົ້າ ຂໍ​ສະ​ແດງ​ຄວາມເສຍ​ໃຈ ​ແລະ ​ເຫັນໃຈ​​​ຢ່າງ​ສຸດຊຶ້ງມາ​ຍັງ ພະນະ​ທ່ານ, ລັດຖະບານ ​ແລະ ປະຊາຊົນ ສ.ເກົາຫລີ ໂດຍສະເພາະແມ່ນຄອບຄົວຂອງຜູ້ຖືກເຄາະຮ້າຍ ທີ່ໄດ້ຮັບຜົນກະທົບ ຈາກເຫດການດັ່ງກ່າວ.

ຂ້າພະເຈົ້າເຊື່ອໝັ້ນວ່າ ດ້ວຍ​ຄວາມເອົາ​ໃຈ​ໃສ່ ​ຢ່າງ​ໃກ້​ຊິດຂອງ ລັດຖະບານ, ປະຊາຊົນ ສ.ເກົາຫລີ ທີ່ໄດ້ຮັບຜົນກະທົບ ຈາກເຫດການໄຟໄໝ້ໃນຄັ້ງນີ້ ​ ຈະ​ສາມາດ​ຜ່ານ​ຜ່າ​ຄວາມຫຍຸ້ງຍາກທີ່ເກີດຂຶ້ນ ແລະ ຟື້ນ​ຟູ​ຊີວິດການເປັນຢູ່ ໃຫ້ກັບຄືນສູ່ສະພາບປົກກະຕິໂດຍ​ໄວ.

ສະເຫລີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ນາງ ກັງ ກຽງ ຮວາ
ລັດຖະມົນຕີກະຊວງການຕ່າງປະເທດ ແຫ່ງ ສ.ເກົາຫລີ
ທີ່ ເຊອູນ