ນະຄອນຫຼວງວຽງຈັນ, 27 ຕຸລາ 2020
ສົມເດັດ,
ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງຊຸດຊຶ້ງ ທີ່ໄດ້ຮັບຂ່າວການຈາກໄປຂອງ ເຈົ້າຊາຍ ຮາຈິ ອັບດູນ ອາຊິມ ແຫ່ງ ບຣູໄນ ດາຣູຊາລາມ ໃນວັນທີ 24 ຕຸລາ 2020 ຜ່ານມາ.
ຕາງໜ້າປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ ພ້ອມຄອບຄົວ, ຂ້າພະເຈົ້າ ຂໍສົ່ງຄວາມໄຫວ້ອາໄລຢ່າງສຸດຊຶ້ງ ແລະ ແບ່ງປັນຄວາມໂສກເສົ້າມາຍັງ ສົມເດັດ ຊຸນຕານ ແຫ່ງ ບຣູໄນ ດາຣູຊາລາມ ແລະ ປະຊາຊົນ ບຣູໄນ ມານະໂອກາດນີ້ດ້ວຍ.
ຂໍໃຫ້ດວງວິນຍານຂອງ ເຈົ້າຊາຍ ຮາຈິ ອັບດູນ ອາຊິມ ຈົ່ງໄປສູ່ສຸກຂະຕິ.
ທອງລຸນ ສີສຸລິດ
ນາຍົກລັດຖະມົນຕີ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ສົມເດັດ ຊຸນຕານ ຮາຈິ ຮັດຊານານ ໂບນເກຍ
ແຫ່ງ ບຣູໄນ ດາຣູຊາລາມ
ທີ່ ບັນດາ ເສຣິ ເບກາວັນ