ນະຄອນຫຼວງວຽງຈັນ, ວັນທີ 11 ພະຈິກ 2020
ພະນະທ່ານ,
ໃນນາມລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ຂໍສົ່ງຄຳຊົມເຊີຍອັນອົບອຸ່ນ ມາຍັງ ພະນະທ່ານ ທີ່ພັກສັນນິບາດແຫ່ງຊາດເພື່ອປະຊາທິປະໄຕ ຂອງພະນະທ່ານ ທີ່ໄດ້ຮັບໄຊຊະນະຢ່າງຖ້ວມລົ້ນ ໃນການເລືອກຕັ້ງທົ່ວໄປ ໃນວັນທີ 08 ພະຈິກ 2020 ນີ້.
ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນຳພາອັນປີຊາສາມາດ ແລະ ປະສົບການອັນສູງສົ່ງຂອງພະນະທ່ານ, ລັດຖະບານມຽນມາ ຈະປະສົບຜົນສຳເລັດອັນຍິ່ງໃຫຍ່ກວ່າເກົ່າ ໃນຄວາມພະຍາຍາມ ເພື່ອເອົາຊະນະ ແລະ ຄວບຄຸມການແຜ່ລະບາດຂອງ ໂຄວິດ 19 ແລະ ການຟື້ນຟູເສດຖະກິດ ໃນມຽນມາ ເພື່ອນຳເອົາຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ ມາສູ່ປະຊາຊົນມຽນມາ ໃນຊຸມປີຕໍ່ໜ້າ. ຂ້າພະເຈົ້າ ມີຄວາມຍິນດີ ສືບຕໍ່ເຮັດວຽກຢ່າງໃກ້ຊິດກັບພະນະທ່ານ ເພື່ອຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ລາວ ແລະ ມຽນມາ ເພື່ອຜົນປະ ໂຫຍດລວມ ຂອງປະຊາຊົນສອງຊາດພວກເຮົາ.
ຂ້າພະເຈົ້າ ຂໍຖືໂອກາດນີ້ ອວຍພອນມາຍັງພະນະທ່ານ ຈົ່ງມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ອັນມີກຽດສູງສົ່ງ ຂອງພະນະທ່ານ.
ດ້ວຍຄວາມນັບຖືຢ່າງສູງ.
ທອງລຸນ ສີສຸລິດ
ພະນະທ່ານ ນາງ ອອງ ຊານ ຊູ ຈີ,
ທີ່ປຶກສາແຫ່ງລັດ
ແຫ່ງ ສາທາລະນະລັດ ສະຫະພາບ ມຽນມາ
ທີ່ ນະຄອນຫຼວງເນປິດໍ.