ສະຫາຍ ບຸນຍັງ ວໍລະຈິດ,

ເລຂາທິການໃຫຍ່ ຄະນະບໍລິຫານງານ ສູນກາງພັກປະຊາຊົນປະຕິວັດລາວ

ປະທານປະເທດ ເເຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ, ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນທີ່ສຸດ ມາຍັງ ສະຫາຍເລຂາທິການໃຫຍ່ ເເລະ ພັກ, ລັດຖະບານ ເເລະ ປະຊາຊົນລາວອ້າຍນ້ອງ.

ຕະຫຼອດໄລຍະ 45 ປີ ທີ່ຜ່ານມາ ເເຫ່ງການສະຖາປະນາ, ພາຍໃຕ້ການນໍາພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ສາທາລະນະລັເດ ປະຊາທິປະໄຕ ປະຊາຊົນລາວ ສາມາດໄດ້ບັນລຸຜົນສໍາເລັດອັນໃຫຍ່ຫຼວງໃນການຕໍ່ສູ້ ເພື່ອຢຶດໝັ້ນອຸດົມການສັງຄົມນິຍົມ ຢ່າງເເນ່ນອນ ເເລະ ເສີມຂະຫຍາຍລະບອບປະຊາທິປະໄຕປະຊາຊົນ ເເລະ ປັບປຸງຊີວິດການເປັນຢູ່ຂອງປະຊາຊົນ ໃນທ່າມກາງຄວາມຫຍຸ້ງຍາກຫຼາຍຢ່າງ ເເລະ ການທ້າທ້າຍນາໆປະການຂອງພາຍໃນ ເເລະ ພາຍນອກ.

ພວກຂ້າພະເຈົ້າ ຍາມໃດກໍ່ມີຄວາມຮູ້ສຶກດີໃຈຕໍ່ກັບສິ່ງດັ່ງກ່າວນີ້ ເເລະ ເຊື່ອໝັ້ນຢ່າງໜັກເເໜ້ນວ່າ ສາທາລະນະລັດ ປະຊາທິປະໄຕ ປະຊາຊົນລາວ ຈະສືບຕໍ່ມີຄວາມຈະເລີຍຮຸ່ງເຮືອງ ຢ່າງບໍ່ຢຸດຢັ້ງໃນອານາຄົດ.

ໃນໂອກາດນີ້, ຂ້າພະເຈົ້າ ສະເເດງຄວາມເຊື່ອໝັ້ນວ່າ ສາຍພົວພັນ ມິດຕະພາບ ເເລະ ການຮ່ວມມືອັນເປັນມູນເຊື້ອ ລະຫວ່າງ ສອງພັກ, ສອງປະເທດ ພວກຂ້າພະເຈົ້າ ຊຶ່ງໄດ້ຮັບການສ້າງຕັ້ງຂຶ້ນບົນເສັ້ນທາງເເຫ່ງການຕໍ່ສູ້ຮ່ວມກັນກ້າວສູ່ສັງຄົມນິຍົມ ເເລະ ຮັບການເພີ່ມພູນຄູນສ້າງມາ ຢ່າງບໍ່ມີການປ່ຽນເເປງ ຈະສືບຕໍ່ຮັບການເສີມຂະຫຍາຍໃຫ້ເເໜ້ນເເຟ້ນຍິ່ງໆຂຶ້ນ.

ຂໍອວຍພອນໄຊຢ່າງສຸດອົກສຸດໃຈ ໃຫ້ ສະຫາຍເລຂາທິການໃຫຍ່ ຈົ່ງມີ ສຸຂະພາບເເຂງເເຮງ ເເລະ ປະສົບຜົນສໍາເລັດ ອັນໃຫຍ່ຫຼວງກວ່າເກົ່າ ໃນພາລະໜ້າທີ່ອັນມີຄວາມຮັບຜິດຊອບຂອງສະຫາຍ.

ກິມ ເຈິງ ອຸນ

​ປະທານ ພັກເເຮງງານເກົາຫຼີ

​ປະທານ ຄະນະກໍາມະທິການກິດຈະການເເຫ່ງລັດ

​ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

​ວັນທີ 2 ທັນວາ, ປີ ຈຸດເຊ109(2020)

ນະຄອນຫຼວງພຽງຢາງ

------------------------------------------------------------------------------------------------------

ສະຫາຍ ທອງລຸນ ສີສຸລິດ,

     ນາຍົກລັດຖະມົນຕີ ເເຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ, ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນ ມາຍັງ ສະຫາຍ ເເລະ ຜ່ານສະຫາຍ ໄປຍັງ ລັດຖະບານ ເເລະ ປະຊາຊົນ ພວກສະຫາຍອ້າຍນ້ອງ.

ຕະຫຼອດໄລຍະ 45 ປີ ທີ່ຜ່ານມາ ເເຫ່ງການສະຖາປະນາ, ພາຍໃຕ້ການນໍາພາອັນຖືກຕ້ອງຂອງ ພັກປະຊາຊົນປະຕິວັດລາວ, ລັດຖະບານ ເເລະ ປະຊາຊົນ ສປປ ລາວ ໂດຍຢຶດໝັ້ນອຸດົມການສັງຄົມນິຍົມຢ່າງເເນວເເນ່ ໄດ້ຮັບການພັດທະນາທີ່ສໍາຄັນຍິ່ງ ໃນທຸກຂະເເໜງການຂອງເສດຖະກິດ-ສັງຄົມ.

ໃນໂອກາດນີ້, ຂ້າພະເຈົ້າຂໍອວຍພອນໄຊອັນປະເສີດ ໃຫ້ ສະຫາຍ ເເລະ ລັດຖະບານພວກສະຫາຍ ຈົ່ງປະສົບຜົນສໍາເລັດອັນໃຫຍ່ຫຼວງກວ່ສາເກົ່າໃນໜ້າທີ່ຂອງຕົນ ເພື່ອພັດທະນາປະເທດຊາດໃຫ້ມີຄວາມເຂັ້ມເເຂງ ເເລະ ຈະເລີນຮຸ່ງເຮືອງ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນມິດຕະພາບ ເເລະ ການຮ່ວມມືອັນດີງາມ ລະຫວ່າງ ສອງປະເທດພວກເຮົາ ຈະນັບມື້ນັບຮັບການພັດທະນາໃຫ້ເເໜ້ນແຟ້ນຂຶ້ນ.

ກິມ ດົກ ຮຸນ

​ນາຍົກລັດຖະມົນຕີ

​ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

​ວັນທີ 2 ທັນວາ, ປີ ຈຸດເຊ109(2020)

ນະຄອນຫຼວງພຽງຢາງ

------------------------------------------------------------------------------------------------------

ສະຫາຍ ສະເຫຼີມໄຊ ກົມມະສິດ,

     ລັດຖະມົນຕີ ກະຊວງການຕ່າງປະເທດ

     ເເຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ເນື່ອງໃນໂອກາດ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ, ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນ ເເລະ ຄໍາອວຍພອນອັນປະເສີດ ມາຍັງ ສະຫາຍ.

ການທີ່ສືບຕໍ່ພັດທະນາຢ່າງຕັ້ງໜ້າ ສາຍພົວພັນມິດຕະພາບ ເເລະ ການຮ່ວມມື ເກົາຫຼີ-ລາວ ທີ່ໄດ້ຖຶກສ້າງຕັ້ງຂຶ້ນ ໂດຍບັນດາຜູ້ນໍາໃນເມື່ອກ່ອນ ເເລະ ຜູກພັນຢ່າງໜັກເເໜ້ນດ້ວຍອຸດົມການສັງຄົມນິຍົມເເມ່ນ ຈຸດຢືນທີ່ບໍ່ປ່ຽນເເປງ ຂອງລັດຖະບານ ສາທາລະນະລັດພວກເຮົາ.

ຂ້າພະເຈົ້າ ເຊື່ອໝັ້ນວ່າ ສອງກະຊວງການຕ່າງປະເທດພວກເຮົາ ຈະສືບຕໍ່ເພີ່ມທະວີການເເລກປ່ຽນ ເເລະ ປະສານສົມທົບກັນ ເເລະ ກັນ ຢ່າງໃກ້ຊິດກວ່າເກົ່າ ເພື່ອໃຫ້ການພັດທະນາສາຍພົວພັນ ລະຫວ່າງ ສອງປະເທດ.

ຂໍອວຍພອນໄຊອັນປະເສີດ ໃຫ້ສະຫາຍ ຈົ່ງ ປະສົບຜົນສໍາເລັດອັນໃຫຍ່ຫຼວງກວ່າເກົ່າ ໃນໜ້າທີ່ຂອງສະຫາຍຊຶ່ງພັດທະນາ ສາຍພົວພັນກັບຕ່າງປະເທດຂອງປະເທດພວກສະຫາຍອ້າຍນ້ອງ.

ຣິ ເຊິນ ກວນ

​ລັດຖະມົນຕີ ກະຊວງການຕ່າງປະເທດ

​ແຫ່ງ ສາທາລະນະລັດ ປະຊາຊົນ ປະຊາທິປະໄຕ ເກົາຫຼີ

​ວັນທີ 2 ທັນວາ, ປີ ຈຸດເຊ109(2020)

ນະຄອນຫຼວງພຽງຢາງ