ພະນະທ່ານ ພັນຄໍາ ວິພາວັນ,

ນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ຂໍສະແດງຄວາມຍິນດີກັບ ພະນະທ່ານ ທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ການແຕ່ງຕັ້ງຄັ້ງນີ້ ສະທ້ອນໃຫ້ເຫັນເຖິງຄວາມໄວ້ວາງໃຈຕໍ່ ພະນະທ່ານ ທີ່ໄດ້ຮັບຈາກ ສະພາແຫ່ງຊາດ ແລະ ຈາກປະຊາຊົນລາວ. ຂ້າພະເຈົ້າ, ເຊື່ອໝັ້ນວ່າ ພາຍໃຕ້ການນໍາພາຂອງ ພະນະທ່ານ ປະຊາຊົນ ແລະ ປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຈະໄດ້ຮັບການພັດທະນາໃຫ້ຈະເລີນຮຸ່ງເຮືອງຍິ່ງໆຂື້ນໄປ.

ຂ້າພະເຈົ້າ, ມີຄວາມຍິນດີເປັນຢ່າງຍິ່ງທີ່ຈະໄດ້ຮ່ວມເຮັດວຽກກັບພະນະທ່ານ ເພື່ອສືບຕໍ່ຊຸກຍູ້ການພົວພັນ ລາວ-ໄທ ໃຫ້ແໜ້ນແຟ້ນຍິ່ງຂຶ້ນ ໃນຖານປະເທດບ້ານໃກ້ເຮືອນຄຽງ, ໂດຍສະເພາະຢ່າງຍິ່ງໃນໂອກາດທີ່ທັງສອງປະເທດກຳລັງສະເຫຼີມສະຫຼອງການຄົບຮອບ 70 ປີ ແຫ່ງການສ້າງຕັ້ງສາຍພົວພັນທາງການທູດລະຫວ່າງກັນ, ລວມໄປເຖິງການຮ່ວມກັນຍົກລະດັບການເປັນຄູ່ຮ່ວມມືຍຸດທະສາດ ເພື່ອການຈະເລີນເຕີບໂຕ ແລະ ພັດທະນາແບບຍືນຍົງ ໃຫ້ເປັນຮູບປະທຳເພື່ອຜົນປະໂຫຍດຂອງປະຊາຊົນທັງສອງປະເທດ ແລະ ເພື່ອໃຫ້ປະເທດໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ມີຄວາມໝັ້ນຄົງ, ຄວາມສົມບູນພູນສຸກ ແລະ ຍືນຍົງໄປພ້ອມກັນ.

ສຸດທ້າຍນີ້, ໃນນາມຂອງລັດຖະບານ ແລະ ປະຊາຊົນໄທ ຂ້າພະເຈົ້າ ຂໍວອນໄຫວ້ຄຸນພະສີຣັດຕະນະໄຕ ແລະ ສິ່ງສັກສິດທັງຫຼາຍ ຈົ່ງຊ່ວຍດົນບັນດານພອນໃຫ້ ພະນະທ່ານ ແລະ ຄອບຄົວຈົ່ງມີສຸຂະພາບທີ່ແຂງແຮງ,ປະສົບຜົນສຳເລັດ ແລະ ວັດທະຖານາວອນ.

ພົນເອກປຣະຢຸດ ຈັນໂອຊາ

ນາຍົກລັດຖະມົນຕີ ແຫ່ງ ຣາຊະອານາຈັກໄທ

------------------------------------------------------

ພະນະທ່ານ ສະເຫຼີມໄຊ ກົມມະສິດ

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ຂ້າພະເຈົ້າ ຂໍສະແດງຄວາມຍິນດີຢ່າງຍິ່ງ ທີ່ພະນະທ່ານໄດ້ຮັບການແຕ່ງຕັ້ງໃຫ້ດຳລົງຕຳແໜ່ງລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ອີກວາລະຫນຶ່ງ, ເຊິ່ງເປັນການສະແດງໃຫ້ເຫັນເຖິງຄວາມໄວ້ວາງໃຈທີ່ພະນະທ່ານໄດ້ຮັບຈາກ ສະພາແຫ່ງຊາດ, ພັກປະຊາຊົນປະຕິວັດລາວ ແລະ ປະຊາຊົນລາວ ຈາກຜົນງານຂອງພະນະທ່ານໃນການຊຸກຍູ້ໃຫ້ ສາທາລະນະລັດ ປະຊາທິປະໄຕ ປະຊາຊົນລາວ ມີບົດບາດທີ່ໂດດເດັ່ນດ້ານການຕ່າງປະເທດ ໃນໄລຍະທີ່ຜ່ານມາ.

ຂ້າພະເຈົ້າ ຮູ້ສຶກເປັນກຽດຢ່າງຍິ່ງ ທີ່ມີໂອກາດຮ່ວມງານກັບພະນະທ່ານຢ່າງໃກ້ຊິດໃນໄລຍະທີ່ຜ່ານມາ ແລະ ຍິນດີທີ່ຈະໄດ້ຮ່ວມງານກັບທ່ານຕໍ່ໄປ ເພື່ອສານຕໍ່ການຮ່ວມມືທີ່ໄດ້ລິເລີ່ມຮ່ວມກັນ ເພື່ອຄວາມໝັ້ນຄົງ, ສົມບູນ   ພູນສຸກ ແລະ ຍືນຍົງ ຂອງທັງສອງປະເທດ ແລະ ພາກພື້ນ. ນອກຈາກນີ້, ໃນໂອກາດທີ່ ໄທ ແລະ ສາທາລະນະລັດ ປະຊາທິປະໄຕ ປະຊາຊົນລາວ ກຳລັງສະເຫຼີມສະຫຼອງວັນຄົບຮອບ 70 ປີ ຂອງການສ້າງຕັ້ງສາຍພົວພັນທາງການທູດລະຫວ່າງກັນ ຂ້າພະເຈົ້າມີຄວາມມຸ້ງໝັ້ນທີ່ຈະປະສານງານກັບພະນະທ່ານຢ່າງໃກ້ຊິດ ເພື່ອຮ່ວມກັນຊຸກຍູ້ກິດຈະກຳຕ່າງໆ ໃຫ້ເກີດຜົນເປັນຮູບປະທຳ ແລະ ນຳມາເຊິ່ງຜົນປະໂຫຍດ ແລະ ຄວາມຜາສຸກຮ່ວມກັນ ຂອງປະຊາຊົນ ທັງສອງປະເທດ.

ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ທ່ານ ແລະ ຄອບຄົວ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດໃນໜ້າທີ່ວຽກງານອັນມີກຽດສູງສົ່ງຂອງທ່ານ.

ດອນ ປະຣະມັດວິໄນ

ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດແຫ່ງຣາຊະອານາຈັກໄທ