ສະຫາຍ ຫງວຽນ ຊວນ ຟຸກ

ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ທີ່ ນະຄອນຫຼວງຽຮ່າໂນ້ຍ

ສະຫາຍ ຫງວຽນ ຊວນ ຟຸກ ທີ່ ນັບຖື,

ຂ້າພະເຈົ້າ ຂໍສະແດງຄວາມຊົມເຊີຍ ຢ່າງຈິງໃຈມາຍັງ ສະຫາຍ ເນື່ອງໃນໂອກາດທີ່ ສະຫາຍ ໄດ້ຮັບເລືອກຕັ້ງຈາກກອງປະຊຸມຂອງ ສະພາແຫ່ງຊາດ ແຫ່ງ ສສ ຫວຽດນາມ ຄັ້ງທີ XI, ຊຸດທີ XIV ໃຫ້ດໍາລົງຕໍາ   ແໜ່ງເປັນ ປະທານປະເທດ ແຫ່ງ ສສ ຫວຽດນາມ.

ຂ້າພະເຈົ້າ ຢືນຢັນຄວາມພ້ອມທີ່ຈະຮ່ວມມືກັບ ສະຫາຍ ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫ່ຍ ແລະ ເປັນມູນເຊື້ອຖານສະຫາຍອ້າຍນ້ອງ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດຂອງພວກເຮົາ ທີ່ມີ ປະທານ ໂຮ່ຈີມີນ ຜູ້ນຳທີ່ຍິ່ງໃຫຍ່ ແລະ ປະທານ ໄກສອນ ພົມວິຫານ, ປະທານ ສຸພານຸວົງ ທີ່ແສນເຄົາລົບຮັກ ທີ່ໄດ້ສ້າງຕັ້ງມາແລ້ວນັ້ນ ແລະ ໄດ້ຮັບການປົກປັກຮັກສາ ແລະ ເສີມຂະຫຍາຍ ໂດຍການນຳຮຸ່ນຕໍ່ໆມາ ໃຫ້ນັບມື້ຈະເລີນງອກງາມ ແລະ ແຕກດອກອອກຜົນຂຶ້ນເລື້ອຍໆ ເພື່ອຜົນປະໂຫຍດຂອງປະຊາຊົນສອງຊາດພວກເຮົາ ກໍ່ຄື ເພື່ອສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາຢູ່ໃນພາກພື້ນ ແລະ ສາກົນ.

ຂໍອວຍພອນໃຫ້ສະຫາຍ ແລະ ຄອບຄົວ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ຍາດໄດ້ຜົນສຳເລັດໃໝ່ ໃຫຍ່ຫຼວງກວ່າເກົ່າ ໃນໜ້າທີ່ອັນສູງສົ່ງຂອງ ສະຫາຍ.

ອວຍພອນໃຫ້ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ຈົ່ງໝັ້ນຄົງຂະໜົງແກ່ນ ຕະຫລອດໄປ.

ດ້ວຍຄວາມຮັກແພງຖານອ້າຍນ້ອງ.

ທອງລຸນ ສີສຸລິດ

ປະທານປະເທດ ແຫ່ງ ສປປ ລາວ

ນະຄອນຫຼວງວຽງຈັນ, ວັນທີ 05 ເມສາ 2021

------------------------------------------------------------

ສະຫາຍ ຟ້າມ ມິງ ຈິງ

ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ

ທີ່ ນະຄອນຫຼວງຮ່າໂນ້ຍ

ສະຫາຍ ຟ້າມ ມິງ ຈິງ ທີ່ນັບຖື,

ຂ້າພະເຈົ້າ ຂໍສະແດງຄວາມຊົມເຊີຍຢ່າງຈິງໃຈ ມາຍັງ ສະຫາຍ ເນື່ອງໃນໂອກາດທີ່ ສະຫາຍ ໄດ້ຮັບເລືອກຕັ້ງຈາກ ກອງປະຊຸມສະພາແຫ່ງຊາດ ແຫ່ງ ສສ.ຫວຽດນາມ ຄັ້ງທີ XI, ຊຸດທີ XIV ໃຫ້ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສສ.ຫວຽດນາມ.

ການທີ່ ສະຫາຍ ໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ສະແດງໃຫ້ເຫັນເຖິງຄວາມເຊື່ອຫມັ້ນທີ່ ພັກ, ລັດຖະບານ ແລະ ປະຊາຊົນ ຫວຽດນາມອ້າຍນ້ອງ ມີຕໍ່ບົດບາດ, ຄວາມສາມາດ ແລະ ວິໄສທັດໃນການບໍລິຫານປະເທດ ຂອງ ສະຫາຍ ເພື່ອນຳພາປະເທດຫວຽດນາມ ສືບຕໍ່ມີຄວາມຈະເລີນກ້າວຫນ້າ ແລະ ວັດທະນະຖາວອນ ຍິ່ງໆຂຶ້ນ. ຂ້າພະເຈົ້າ ຈະເຮັດສຸດຄວາມສາມາດ ຮ່ວມກັບ ສະຫາຍ ປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ຂອງພວກເຮົາໃຫ້ເກີດດອກອອກຜົນຍິ່ງໆຂຶ້ນ ເພື່ອຜົນປະໂຫຍດລວມຂອງປະຊາຊົນສອງຊາດພວກເຮົາ ກໍ່ຄືເພື່ອສັນຕິພາບ, ສະຖຽນລະພາບ ຄວາມສົມບູນພູນສຸກຢູ່ໃນພາກພື້ນ ແລະ ສາກົນ.

ທ້າຍສຸດນີ້ ຂ້າພະເຈົ້າຂໍອວຍພອນໃຫ້ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃໝ່ໃຫຍ່ກວ່າເກົ່າ ໃນພາລະກິດອັນມີກຽດ ແລະ ສູງສົ່ງຂອງສະຫາຍ.

ອວຍພອນໃຫ້ ສາຍພົວພັນມິດຕະພາບ ອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ຈົ່ງໝັ້ນຄົງຂະນົງແກ່ນ ຕະຫຼອດກາລະນານ.

ດ້ວຍຄວາມຮັກແພງຖານອ້າຍນ້ອງ,

ພັນຄຳ ວິພາວັນ

ນາຍົກລັດຖະມົນຕີ ແຫ່ງ ສປປ ລາວ

ນະຄອນຫຼວງວຽງຈັນ, ວັນທີ 05 ເມສາ 2021