ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມໃຫຍ່ ຄັ້ງທີ XI ຂອງ ຜູ້ແທນຊາວຫນຸ່ມກະຊວງການຕ່າງປະເທດ

20200110-youth1

20200110-youth2

ຄະນະ​ບໍລິຫານ​ງານ​ຊາວ​ຫນຸ່ມກະຊວງ​ການ​ຕ່າງປະ​ເທດ ​ໄດ້​ດຳ​ເນີນກອງ​ປະຊຸມ​ໃຫຍ່​ຄັ້ງ​ທີ XI ຂອງ​ຕົນຂຶ້ນຢ່າງເປັນທາງການໃນ​ຕອນ​ເຊົ້າ​ຂອງ​ວັນ​ທີ 10 ມັງກອນ 2020, ທີ່​ຫ້ອງ​ປະຊຸມ​ໃຫຍ່ກະຊວງ​ການ​ຕ່າງປະ​ເທດ, ​ໂດຍພາຍໃຕ້​ການ​ເປັນ​ປະ​ທານ​ຂອງ​ ສະຫາຍ ​ອານຸພາບ ວົງໜໍ່ແກ້ວ, ກຳມະການ​ສູນ​ກາງ​ຊາວ​ຫນຸ່ມ​ປະຊາຊົນປະຕິວັດ​ລາວ, ​ເລຂາ​ຄະນະ​ບໍລິຫານ​ງານ​ຊາວ​ຫນຸ່ມກະຊວງ​ການ​ຕ່າງປະ​ເທດ ແລະ ໃຫ້ກຽດ​ເຂົ້າ​ຮ່ວມ​ຂອງ ສະຫາຍ ສະເຫລີມໄຊ ກົມມະສິດ, ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ​, ລັດຖະມົນຕີ​​​ກະຊວງ​ການ​ຕ່າງປະ​ເທດ, ສະຫາຍ ອາລຸນໄຊ ສຸນນະລາດ, ກຳມະການສຳຮອງສູນກາງພັກ, ເລຂາຄະນະພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະມາຊິກສະພາແຫ່ງຊາດຊຸດທີVIII,  ໂດຍມີ​ຄະນະພັກກະຊວງ, ເລຂາຫນ່ວຍພັກ ແລະ ຕາງຫນ້າຫນ່ວຍພັກຈາກຫ້ອງການ ແລະ ບັນດາກົມຕ່າງໆອ້ອມຂ້າງກະຊວງ, ​ອົງການ​ຈັດ​ຕັ້ງ​ມະຫາຊົນ​, ຄະນະ​ບໍລິຫານ​ງານ​ຊາວ​ຫນຸ່ມ, ສະມາຊິກຊາວ​ຫນຸ່ມກະຊວງການຕ່າງປະເທດ ແລະ ບັນດາ​ແຂກ​ຖືກ​ເຊີນຈາກສູນກາງຊາວຫນຸ່ມ ແລະ ກະຊວງອ້ອມຂ້າງຈຳນວນຫນຶ່ງ ​ເຂົ້າ​ຮ່ວມຢ່າງ​ພ້ອມພຽງ.

ກອງ​ປະຊຸມ​​ຄັ້ງໃຫຍ່​ນີ້ ​ໄດ້​ໄຂ​ຂຶ້ນ​ໃນທ່າມກາງບັນຍາກາດ ແຫ່ງການອອກແຮງຕັ້ງໜ້າເພື່ອທົບທວນຄືນຜົນຂອງການ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VII ຂອງຜູ້ແທນຊາວໜຸ່ມທົ່ວປະເທດ ກໍ່ຄືຂະບວນການກະກຽມໃຫ້ແກ່ການດຳເນີນກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ໃນປີ 2020 ແລະ ສໍາຄັນແມ່ນພາຍຫລັງທີ່ ຄະນະຊາວໜຸ່ມກະຊວງການຕ່າງປະເທດ ໄດ້ຮັບທຸງໄຊນໍາໜ້າໃນການປະຕິບັດຂໍ້ແຂ່ງຂັນ 4 ບຸກ ຂອງຊາວໜຸ່ມປະຊາຊົນປະຕິວັດລາວ. ກອງ​ປະຊຸມ​ໄດ້​ຮັບ​ຟັງ​ບົດ​ລາຍ​ງານ​ກ່ຽວກັບ​ການຈັດ​ຕັ້ງ​ປະຕິບັດວຽກງານຊາວຫນຸ່ມ ຂອງຄະນະ​ຊາວ​ຫນຸ່ມກະຊວງການຕ່າງປະ ເທດ ​ໃນ​ໄລຍະ​ຜ່ານ​ມາ ​ແລະ ການວາງ​ແຜນ​ການທິດ​ທາງ​ໃນຕໍ່ໜ້າຂອງ ຄະນະບໍລິຫານງານຊາວຫນຸ່ມກະຊວງການຕ່າງປະ ເທດ, ເຊິ່ງ​ໄດ້​ຍົກ​ໃຫ້​ເຫັນເຖິງຜົນສໍາເລັດຫລາຍຢ່າງ ທີ່ຊາວຫນຸ່ມຂະແຫນງການຕ່າງປະເທດສາມາດຍາດມາໄດ້ ໃນຕະຫລອດໄລຍະ 5 ປີ ຜ່ານມາ, ພ້ອມທັງຕີລາຄາຄືນຈຸດດີ ທີ່ຕ້ອງໄດ້ສືບຕໍ່ເສີມຂະຫຍາຍ ແລະ ຂໍ້ຄົງຄ້າງຈໍານວນໜຶ່ງ ທີ່ຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ.

ປັດຈຸບັນ,ຄະນະ​ບໍລິຫານງານຊາວ​ໜຸ່ມ​ກະຊວງ​ການ​ຕ່າງປະ​ເທດ ມີໜ່ວຍຊາວຫນຸ່ມຮາກຖານພາຍໃນຂຶ້ນກັບ ລວມມີ ​17 ຫນ່ວຍ, ມີສະມາຊິກທັງໝົດ 462 ສະຫາຍ, ຍິງ 203 ສະຫາຍ ແລະ ໜ່ວຍຊາວໜຸ່ມທີ່ຂຶ້ນກັບບັນດາສຳນັກງານການທູດ ຂອງ ສປປ ລາວ ຢູ່ຕ່າງປະເທດ ອີກ ຈຳນວນ 173 ໜ່ວຍ ແລະ 8 ຮາກຖານ ເຊິ່ງ ໃນນີ້, ມີຈໍານວນ​ສະມາຊິກຊາວໜຸ່ມລວມທັງໝົດ 4.728 ສະຫາຍ, ຍິງ 1.924 ສະຫາຍ. ​ຄະນະ​ບໍລິຫານ​ງານ​ຊາວໜຸ່ມ ໄດ້​ຖື​ເອົາ​ວຽກງານ​ໂຄສະນາ​ສຶກສາ​ອົບຮົມ​ວຽກງານການ​ເມືອງ-ແນວ​ຄິດ ແລະ ຄຸນສົມບັດ​ໃຫ້​ແກ່​ ສະມາຊິກ​ຊາວໜຸ່ມ​ຂອງ​ຕົນເປັນບູລິມະສິດສູງສຸດ ໄປຄຽງຄູ່ກັບ​ການ​ເຄື່ອນ​ໄຫວ​ວຽກງານວິຊາສະເພາະ​ຂອງຕົນ ແລະ ​ຖື​ເອົາ​ຂໍ້​ແຂ່ງຂັນ 4 ບຸກ ທີ່ ​ຄະນະ​ບໍລິຫານ​ງານ ສູນ​ກາງຊາວໜຸ່ມປະຊາຊົນ​ ປະຕິວັດ​ລາວ ​ວາງ​ອອກ​ເປັນຄາດໝາຍສູ້ຊົນ. ຕະຫລອດໄລຍະຜ່ານມາ, ຊາວໜຸ່ມຂະແຫນງການຕ່າງປະເທດ ໄດ້ຮັບນາມມະຍົດເປັນຊາວໜຸ່ມ ປປລ 4 ບຸກ ເຖິງ 3 ສະໄຫມຕິດຕໍ່ກັນ ແລະ ໄດ້ຮັບທຸງໄຊນຳຫນ້າໃນຂະບວນການແຂ່ງຂັນ 4 ບຸກ ຈາກ ຄະນະບໍລິຫານງານສູນກາງຊາວຫນຸ່ມປະຊາຊົນ ປະຕິວັດລາວ ໃນວັນທີ 8 ມັງກອນ 2020 ທີ່ຜ່ານມາ.

ກອງ​ປະຊຸມ​ຄັ້ງນີ້ ຍັງ​ໄດ້​ປ່ອນ​ບັດ​ຄັດ​ເລືອ​ກເອົາຄະນະບໍລິຫານ​ງານ​ຊາວໝຸ່ມຊຸດໃໝ່ຈໍານວນ 17 ສະຫາຍ, ໃນນັ້ນເພດຍິງ 03 ສະຫາຍ, ເພື່ອ​ສືບຕໍ່ຊີ້ນຳ-ນຳພາ​ວຽກງານ​ການຈັດ​​ຕັ້ງ​ປະຕິບັດ​ຕາມ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XI ​ຂອງ​ຄະນະ​ບໍລິ​ຫານ​ງານ​ຊາວໜຸ່ມກະຊວງ​ການ​ຕ່າງປະ​ເທດ ກໍຄືວຽກງານຂອງຊາວໜຸ່ມຂະແຫນງການຕ່າງປະເທດ​ໃຫ້​ປະກົດ​ຜົນ​ເປັນ​ຈິງ. ໃນ​ກອງ​ປະຊຸມຜູ້​ແທນ​ຍັງ​ໄດ້​ຮັບ​ຟັງ​ການ​ໂອ້​ລົມ​ຂອງ​ ສະຫາຍ ສະເຫລີມໄຊ ກົມມະສິດ, ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ​, ລັດຖະມົນຕີ​​​ກະຊວງ​ການ​ຕ່າງປະ​ເທດ ແລະ ສະຫາຍ ອາລຸນໄຊ ສຸນນະລາດ, ກຳມະການສຳຮອງສູນກາງພັກ, ເລຂາຄະນະພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ສະມາຊິກສະພາແຫ່ງຊາດຊຸດທີVIII, ເພື່ອເປັນເຂັັມຊີ້ທິດເຍືອງທາງ ແລະ ເປັນບ່ອນອີງສໍາຄັນ ໃຫ້ແກ່ຂະບວນການເຄື່ອນໄຫວຂອງຊາວໜຸ່ມຂະແຫນງ​ການ​ຕ່າງປະ​ເທດໃນຕໍ່ໜ້າ ມີຜົນສໍາເລັດໃຫມ່, ທັງປະກອບສ່ວນເປັນກໍາລັງແຮງໃນການຈັດຕັ້ງປະຕິບັດ ມະຕິຂອງກອງປະຊຸມໃຫຍ່ວຽກງານການຕ່າງປະເທດ ຄັ້ງທີ 14 ພາຍໃຕ້ຄໍາຂວັນ “ການທູດປ້ອງກັນເຫດ ແລະ ບຸກທະລຸ ເພື່ອພາລະກິດສ້າງສາ ແລະ ພັດທະນາປະເທດຊາດ”.

a
ແຈ້ງການ

*ຖະແຫຼງການຂອງກະຊວງການຕ່າງປະເທດ ກ່ຽວກັບ ສປປ ລາວ ສະແດງຄວາມຊົມເຊີຍ ແລະ ສະໜັບສະໜູນ ສປ ຈີນ ຕໍ່່ການຮັບຮອງເອົາກົດໝາຍ ວ່າດ້ວຍ ການຮັກສາຄວາມຫມັ້ນຄົງແຫ່ງ ຊາດຂອງເຂດປົກຄອງພິເສດຮົງກົງ.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
223614
ມື້ນີ້101
ມື້ວານ104
ອາທິດນີ້788
ເດືອນນີ້2299
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710