ໃນວັນທີ 17 ກໍລະກົດ 2015, ຢູ່ທີ່ ສູນກິລາ Goodlife,  ໄດ້ມີຈັດການແຂ່ງຂັນກິລາບານເຕະ ຊາວຫນຸ່ມກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ ຊິງຂັນທ່ານຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ເພື່ອຂໍ່ານັບຮັບຕ້ອນກອງປະ ຊຸມໃຫຍ່ ຄັ້ງທີ III ຂອງອົງຄະນະພັກກະຊວງ ຕປທ ແລະ ຄຕພ, ແລະວັນການທູດລາວ ຄົບຮອບ 70 ປີ. ໃຫ້ກຽດເຂົ້າຮ່ວມໃນພິທີໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີຊ່ວຍວ່າການກະຊວງ ການຕ່າງປະເທດ. ໂດຍມີຫົວໜ້າກົມ, ຮອງກົມ ແລະ ພະນັກງານກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ.

ການແຂ່ງຂັນບານເຕະຄັ້ງນີ້, ໄດ້ຈັດເປັນ 2 ປະເພດຄື: ປະເພດທີມຍິງ ຈຳນວນ 4 ທີມ ແລະ ປະເພດທີມຊາຍ ຈຳນວນ 8 ທີມ ໂດຍການປະສົມປະສານກັນລະຫວ່າງບັນດາກົມຢູ່ກະຊວງການ ຕ່າງປະເທດ ແລະ ຄຕພ. ເຊິ່ງຜົນການແຂ່ງຂັນປະກົດວ່າ ປະເພດທີມຍິງແມ່ນ ກົມຈັດຕັ້ງພະນັກງານ ຮ່ວມກັບ  ກົມກວດກາ, ກົມສົນທິສັນຍາ ແລະ ກົດໝາຍ, ກົມເສດຖະກິດ ແລະ ຫ້ອງການບໍ ລິການສະຖານທູດ ທີ່ເປັນທີມຍຊະນະເລີດ, ສ່ວນປະເພດທີມຊາຍແມ່ນກົມເສດຖະກິດ ຮ່ວມກັບ ກົມອາຊຽນ ທີ່ເປັນຝ່າຍຊະນະ. ການແຂ່ງຂັນແມ່ນໄດ້ດໍາເນີນໄປດ້ວຍບັນຍາກາດຟົດຟື້ນມ່ວນຊື່ນ ແລະ ສາມັກຄີ.