ເພື່ອເປັນການສະເຫຼີມສະຫຼອງ ວັນແມ່ຍີງສາກົນ ຄົບຮອບ 112 ປີ, ການຕ້ອນຮັບການເປີດສົກຮຽນໃໝ່ ແລະ ເປັນກິດຈະກຳປະກອບສ່ວນຊ່ວຍເຫຼືອສັງຄົມ ໃນທ່າມກາງການແຜ່ລະບາດ ຂອງພະຍາດໂຄວິດ-19.
ໃນວັນທີ 19 ມີນາ 2022, 3 ອົງການຈັດຕັ້ງມະຫາຊົນ (ກຳມະບານ, ຊາວໜຸ່ນ ແລະ ແມ່ຍິງ)ສະຖາບັນການຕ່າງປະເທດ, ໄດ້ຈັດກິດຈະກຳມອບເຄື່ອງຊ່ວຍເຫຼືອ ເຊິ່ງປະກອບມີ ອຸປະກອນການຮຽນ-ການສອນ, ເຄື່ອງກິລາ ແລະ ອຸປະກອນປ້ອງກັນໂຄວິດ-19 ໃຫ້ແກ່ ໂຮງຮຽນອານຸບານ ແລະ ປະຖົມສົມບູນສືກສາກົກກ້ຽງ, ເມືອງ ແກ້ວອຸດົມ, ແຂວງ ວຽງຈັນ, ນຳພາໂດຍ ທ່ານ ໄມ ໄຊຍະວົງສ໌, ຫົວໜ້າສະຖາບັນການຕ່າງປະເທດ ແລະ ພະນັກງານສະຖາບັນການຕ່າງປະເທດ, ເຂົ້າຮ່ວມພິທີມອບ-ຮັບເຄື່ອງຊ່ວຍເຫຼືອ ຄັ້ງນີ້ມີຫົວໜ້າຫ້ອງການສືກສາ-ກິລາ ເມືອງແກ້ວອຸດົມ, ນາຍບ້ານ, ອຳນວຍການ, ຄູອາຈານ ແລະ ນ້ອງນ້ອຍນັກຮຽນ ເຂົ້າຮ່ວມທັງໝົດ 200 ກວ່າຄົນ.