ຕອນບ່າຍຂອງວັນທີ 26 ມີນາ 2024, ທີ່ ກະຊວງການຕ່າງປະເທດ ສະຫາຍ ທອງຜ່ານ ສະຫວັນເພັດ, ຄະນະປະຈໍາພັກກະຊວງ, ຮອງລັດຖະມົນຕີກະຊວງການຕ່າງປະເທດ, ຜູ້ຊີ້ນໍາວຽກງານອົງການຈັດຕັ້ງມະຫາຊົນ ໄດ້ຕ້ອນຮັບສະຫາຍ ທອງຈັນ ພູມີພັນ, ຮອງເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍຄະນະ.
ຫຼັງຈາກນັ້ນ, ສະຫາຍ ທອງຈັນ ພູມີພັນ, ຮອງເລຂາຄະນະບໍລິຫານງານ ສຊປລ ໄດ້ລົງຊຸກຍູ້ການກະກຽມດຳເນີນກອງປະຊຸມໃຫຍ່ ຄະນະຊາວໜຸ່ມປະຊາຊົນປະຕິວັດລາວ ກະຊວງການຕ່າງປະເທດ. ໃນໂອກາດນີ້ ໄດ້ຮັບຟັງການການລາຍງານ ແລະ ສະຫຼຸບການຈັດຕັ້ງປະຕິບັດວຽກງານຊາວໜຸ່ມຂອງ ກະຊວງການຕ່າງປະເທດ ໃນໄລຍະຜ່ານມາ ໂດຍ ສະຫາຍ ນ. ມຸກດາວັນ ສີສຸລິດ, ເລຂາຄະນະບໍລິຫານງານຊາວໜຸ່ມກະຊວງ.