ພະນະທ່ານ ບຸນຍັງ ວໍລະຈິດ,
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ,
ພະນະທ່ານ,
ຂ້າພະເຈົ້າ ມີຄວາມພາກພູມໃຈ ຂໍສົ່ງຄວາມຊົມເຊີຍມາຍັງ ພະນະທ່ານ ທີ່ໄດ້ຖືກເລືອກຕັ້ງໃຫ້ດຳລົງຕຳແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ໃນໂອກາດນີ້, ຂ້າພະເຈົ້າ ຂໍອວຍພອນໄຊມາຍັງ ພະນະທ່ານ ຈົ່ງປະສົບຜົນສຳເລັດໃນໜ້າທີ່ວຽກງານໃໝ່ຂອງພະນະທ່ານ, ເພື່ອຄວາມວັດທະນະຖາວອນຂອງປະເທດ.
ຂ້າພະເຈົ້າ ຂໍຖືໂອກາດນີ້ສະແດງຄວາມຊົມເຊີຍມາຍັງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ຮັບກຽດເປັນປະທານໝູນວຽນອາຊຽນ ປີ 2016, ຊຶ່ງເປັນເວລາທີ່ສຳຄັນ. ການເຂົ້າປະຊາຄົມເສດຖະກິດອາຊຽນນີ້ ແມ່ນຈະພັດທະນາການເຊື່ອມໂຍງດ້ານການເມືອງ, ເສດຖະກິດ ແລະ ສັງຄົມ-ວັດທະນະທຳ ຢູ່ໃນອາຊີຕາເວັນອອກສຽງໃຕ້ ໃຫ້ນັບມື້ນັບສູງຍິ່ງຂຶ້ນ. ຂ້າພະເຈົ້າ ເຊື່ອໝັ້ນວ່າ ການເປັນຄູ່ຮ່ວມຂະແໜງການ ລະຫວ່າງ ອາຊຽນ ແລະ ສະວິດເຊີແລນ ຈະເປັນການປະກອບສ່ວນອັນສຳຄັນເຂົ້າໃນພາລະກິດນີ້ ແລະ ຂ້າພະເຈົ້າ ຂໍສະແດງຄວາມຂອບໃຈຕໍ່ ສປປ ລາວ ທີ່ໃຫ້ການສະໜັບສະໜູນແກ່ ສະວິດ ໃນບັນຫາດັ່ງກ່າວ.
ຂ້າພະເຈົ້າ ຂໍຢ້ຳຄືນເຖິງພັນທະອັນໜັກແໜ້ນຂອງ ສະວິດເຊີແລນ ທີ່ຈະສະໜັບສະໜູນ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອພັດທະນາເສດຖະກິດ ແລະ ສັງຄົມ ໃນຂົງເຂດຕ່າງໆທີ່ສຳຄັນ ເຊັ່ນ: ກະສິກຳ ແລະ ຄ້ຳປະກັນສະບຽງອາຫານເຊັ່ນດຽວກັບ ຂົງເຂດການສ້າງວຽກເຮັດງານທຳ ແລະ ອາຊີວະສຶກສາ ແລະ ການຝຶກອົບຮົມ.
ຂ້າພະເຈົ້າ ເຊື່ອໝັ້ນວ່າສາຍພົວພັນມິດຕະພາບທີ່ມີມາ ລະຫວ່າງ ສອງປະເທດພວກເຮົາ ຈະໄດ້ຮັບການສືບຕໍ່ເສີມຂະຫຍາຍ ແລະ ຈະເລີນງອກງາມຍິ່ງຂຶ້ນໃນໄລຍະການດຳລົງດຳແໜ່ງຂອງພະນະທ່ານ ແລະ ຂ້າພະເຈົ້າ ຫວັງວ່າການຮ່ວມມືຂອງພວກເຮົາຈະແຕກດອກອອກຜົນຢ່າງເຕັມສ່ວນ.
ຂ້າພະເຈົ້າຂໍສະແດງຄວາມນັບຖືເປັນຢ່າງສູງມານະໂອກາດນີ້.
ໂຈຮັນ ນິເຄຼົ້າສ ສະນາຍເດີ້-ອາມມັນ
ປະທານາທິບໍດີ ແຫ່ງ ສະມາພັນທະລັດສະວິດ
ທີ່ ເບີນ, ວັນທີ 26 ເມສາ 2016
ພະນະທ່ານ ທອງລຸນ ສີສຸລິດ,
ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ທີ່ ນະຄອນຫຼວງວຽງຈັນ,
ພະນະທ່ານ,
ໃນນາມສະພາ ແຫ່ງ ສະມາພັນທະລັດ ສະວິດ, ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ຂໍສະແສງຄວາມຊົມເຊີຍຢ່າງຈິງໃຈມາຍັງ ພະນະທ່ານ ທີ່ໄດ້ຮັບການເລືອກຕັ້ງໃຫ້ດຳລົງຕຳແໜ່ງເປັນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ. ໃນໂອກາດນີ້, ຂ້າພະເຈົ້າ ຂໍອວຍພອນໄຊໃຫ້ ພະນະທ່ານ ຈົ່ງປະສົບຜົນສຳເລັດໃນໜ້າທີ່ວຽກງານໃໝ່ຂອງພະນະທ່ານ, ເພື່ອຄວາມວັດທະນະຖາວອນຂອງປະເທດ.
ຂ້າພະເຈົ້າ ຂໍຖືໂອກາດນີ້ສະແດງຄວາມຊົມເຊີຍມາຍັງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ຮັບກຽດເປັນປະທານໝູນວຽນອາຊຽນ ປີ 2016, ຊຶ່ງເປັນເວລາທີ່ສຳຄັນ. ການເຂົ້າປະຊາຄົມເສດຖະກິດອາຊຽນນີ້ ແມ່ນຈະພັດທະນາການເຊື່ອມໂຍງດ້ານການເມືອງ, ເສດຖະກິດ ແລະ ສັງຄົມ-ວັດທະນະທຳ ຢູ່ໃນອາຊີຕາເວັນອອກສຽງໃຕ້ ໃຫ້ນັບມື້ນັບສູງຍິ່ງຂຶ້ນ. ຂ້າພະເຈົ້າ ເຊື່ອໝັ້ນວ່າ ການເປັນຄູ່ຮ່ວມຂະແໜງການ ລະຫວ່າງ ອາຊຽນ ແລະ ສະວິດເຊີແລນ ຈະປະກອບສ່ວນອັນສຳຄັນເຂົ້າໃນພາລະກິດດັ່ງກ່າວນີ້ ແລະ ຂ້າພະເຈົ້າ ຂໍສະແດງຄວາມຂອບໃຈຕໍ່ ສປປ ລາວ ທີ່ໃຫ້ການສະໜັບສະໜູນແກ່ ສະວິດ ໃນບັນຫາດັ່ງກ່າວ.
ຂ້າພະເຈົ້າ ຂໍຢ້ຳຄືນເຖິງພັນທະອັນໜັກແໜ້ນຂອງ ສະວິດເຊີແລນ ທີ່ຈະສະໜັບສະໜູນ ສາທາລະນະລັດ ປະຊາທິປະໄຕ ປະຊາຊົນລາວ ເພື່ອພັດທະນາເສດຖະກິດ ແລະ ສັງຄົມ ໃນຂົງເຂດຕ່າງໆທີ່ສຳຄັນ ເຊັ່ນ: ກະສິກຳ ແລະ ຄ້ຳປະກັນສະບຽງອາຫານເຊັ່ນດຽວກັບຂົງເຂດການສ້າງວຽກເຮັດງານທຳ ແລະ ອາຊີວະສຶກສາ ແລະ ການຝຶກອົບຮົມ.
ຂ້າພະເຈົ້າ ເຊື່ອໝັ້ນວ່າສາຍພົວພັນມິດຕະພາບອັນດີ ລະຫວ່າງ ສອງປະເທດພວກເຮົາ ຈະໄດ້ຮັບການສືບຕໍ່ເສີມຂະຫຍາຍ ແລະ ຈະເລີນງອກງາມຍິ່ງຂຶ້ນໃນໄລຍະການດຳລົງດຳແໜ່ງຂອງພະນະທ່ານ ແລະ ຂ້າພະເຈົ້າ ຫວັງວ່າການຮ່ວມມື ຂອງພວກເຮົາຈະແຕກດອກອອກຜົນຢ່າງເຕັມສ່ວນ.
ຂ້າພະເຈົ້າຂໍສະແດງຄວາມນັບຖືເປັນຢ່າງສູງມານະໂອກາດນີ້.
ໂຈຮັນ ນິເຄຼົ້າສ ສະນາຍເດີ້-ອາມມັນ
ປະທານາທິບໍດີ ແຫ່ງ ສະມາພັນທະລັດສະວິດ
ທີ່ ເບີນ, ວັນທີ 26 ເມສາ 2016