ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ໂທລະເລກຊົມເຊີຍວັນຊາດ ແຫ່ງ ສປປ ລາວ ຈາກບັນດາການນຳ ແຫ່ງ ສປ ຈີນ

                                           ເຖິງ: ສະຫາຍ ບຸນຍັງ ວໍລະຈິດ    

                                                  ເລຂາທິການໃຫຍ່ຄະນະບໍລິຫານງານສູນກາງ

ພັກປະຊາຊົນ ປະຕິວັດລາວ ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ທີ່ ນະຄອນຫຼວງວຽງຈັນ

ຮຽນ ສະຫາຍ ເລຂາທິການໃຫຍ່ ປະທານປະເທດ ທີ່ນັບຖື,

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍຕາງໜ້າພັກກອມມູນິດຈີນ ປະຊາຊົນຈີນ ແລະ ໃນນາມສ່ວນຕົວ ສະແດງຄວາມຊົມເຊີຍຢ່າງສຸດອົກສຸດໃຈ ມາຍັງ ສະຫາຍ ແລະ ໂດຍຜ່ານສະຫາຍໄປຍັງ ພັກປະຊາຊົນ ປະຕິວັດລາວ ແລະ ປະຊາຊົນລາວອ້າຍນ້ອງ.

ໃນ 1 ປີຜ່ານມາ, ປະເທດລາວ ມີຄວາມໝັ້ນຄົງປອງດອງດ້ານການເມືອງ ແລະ ສັງຄົມ ເສດຖະກິດຂະຫຍາຍຕົວຢ່າງຕໍ່ເນື່ອງ ຊີວິດການເປັນຢູ່ຂອງປະຊາຊົນ ສືບຕໍ່ຮັບການປັບປຸງ ແລະ ບົດບາດໃນສາກົນນັບມື້ນັບສູງຂຶ້ນ. ໃນຖານະເປັນສະຫາຍ ແລະ ເພື່ອນມິດ ຂ້າພະເຈົ້າຮູ້ສຶກປິຕິຍິນດີເປັນຢ່າງຍິ່ງຕໍ່ຜົນງານດັ່ງກ່າວ ແລະ ເຊື່ອໝັ້ນວ່າ ພາຍໃຕ້ການນຳພາຂອງສູນກາງພັກ ປະຊາຊົນ ປະຕິວັດລາວ ທີ່ມີສະຫາຍເລຂາທິການໃຫຍ່ ບຸນຍັງ ວໍລະຈິດ ເປັນຜູ້ນຳພານັ້ນ, ປະຊາຊົນລາວ ຈະປະສົບຜົນສຳເລັດໃນການບັນລຸໜ້າທີ່ເປົ້າໝາຍທີ່ກອງປະຊຸມໃຫຍ່ ຄັ້ງທີ X ຂອງພັກ ໄດ້ວາງອອກ ແລະ ຍາດໄດ້ຜົນສຳເລັດໃຫມ່ໃຫຍ່ຫຼວງກວ່າເກົ່າ ໃນພາລະກິດແຫ່ງການສ້າງສາປະເທດຊາດ.

ສາຍພົວພັນຈີນ-ລາວ ສືບຕໍ່ຮັກສາທ່າອ່ຽງພັດທະນາດີງາມ ໃນປີນີ້ຜ່ານມາ. ການນຳຂັ້ນສູງຂອງທັງສອງປະເທດ ໄດ້ພັດປ່ຽນກັນຢ້ຽມຢາມເປັນປະຈຳ, ຍຸດທະສາດແຫ່ງການພັດທະນາ ເຊື່ອມໂຍງກັນຕາມປົກກະຕິ ການຮ່ວມມືຂອງໂຄງການໃຫຍ່ດຳເນີນໄດ້ດີ ການແລກປ່ຽນພົວພັນລະຫວ່າງ ປະຊາຊົນ ແລະ ວັດທະນະທຳສອງຊາດ ໄດ້ກ້າວເຂົ້າສູ່ລວງເລິກ ເຊິ່ງໄດ້ນຳເອົາ ຜົນປະໂຫຍດຕົວຈິງມາສູ່ທັງສອງປະເທດ ແລະ ປະຊາຊົນສອງຊາດ ຈີນ-ລາວ. ຂ້າພະເຈົ້າ ຍິນດີຮ່ວມກັບສະຫາຍທຳຄວາມພະຍາຍາມພ້ອມກັນ ເພື່ອສົ່ງເສີມການສ້າງສາຄູ່ຮ່ວມຊາຕາກຳ ທີ່ມີຄວາມໝາຍຍຸດທະສາດ ຂອງສອງປະເທດ ຈີນ-ລາວ.

ຂໍອວຍພອນໃຫ້ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງຈະເລີນຮຸ່ງເຮືອງ, ປະຊາຊົນລາວ ຈົ່ງມີຄວາມຜາສຸກ.

ຂໍອວຍພອນໃຫ້ສາຍພົວພັນຄູ່ຮ່ວມຍຸດທະສາດຮອບດ້ານ ລະຫວ່າງ ສອງປະເທດ ຈີນ-ລາວ ຈົ່ງຮັດແໜ້ນ ແລະ ພັດທະນາຢ່າງບໍ່ຢຸດຢັ້ງ.

 

ສີ ຈິ້ນຜິງ

ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ

ປະທານປະເທດ ແຫ່ງ ສາທາລະນະລັດ ປະຊາຊົນຈີນ

ທີ່ ນະຄອນຫຼວງປັກກິ່ງ, ວັນທີ 2 ທັນວາ ປີ 2017.


 

                                            ເຖິງ: ສະຫາຍ ທອງລຸນ ສີສຸລິດ  

                                                   ນາຍົກລັດຖະມົນຕີ ແຫ່ງ ສາທາລະນະລັດ

 ປະຊາທິປະໄຕ ປະຊາຊົນລາວ

 ທີ່ ນະຄອນຫຼວງວຽງຈັນ

 

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍຕາງໜ້າລັດຖະບານຈີນ ແລະ ໃນນາມສ່ວນຕົວ ສະແດງຄວາມ ຊົມເຊີຍຢ່າງສຸດໃຈ ມາຍັງ ສະຫາຍ ແລະ ໂດຍຜ່ານສະຫາຍ ໄປຍັງ ລັດຖະບານລາວ.

 ຂ້າພະເຈົ້າ ຮູ້ສຶກປິຕິຍິນດີທີ່ໄດ້ເຫັນວ່າ ປະເທດລາວມີຄວາມໝັ້ນຄົງ ແລະ ຜາສຸກ ພາລະກິດສ້າງສາພັດທະນາປະເທດຊາດລາວ ສືບຕໍ່ກ້າວໜ້າໃຫມ່ໃນ 1 ປີ ຜ່ານມາ. ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ, ສາຍພົວພັນສອງປະເທດ ຈີນ-ລາວ ໄດ້ຮັກສາທ່າອ່ຽງພັດທະນາຢ່າງດີງາມ ແລະ ການຮ່ວມມືໃນຂົງເຂດຕ່າງໆຂະຫຍາຍຕົວຢ່າງໝັ້ນທ່ຽງ. ຝ່າຍຈີນ ຍິນດີຮ່ວມກັບ ຝ່າຍລາວ ເຮັດໃຫ້ສາຍພົວພັນຄູ່ຮ່ວມຍຸດທະສາດຮອບດ້ານ ລະຫວ່າງ ສອງປະເທດ ນັບມື້ນັບມີຄວາມອຸດົມສົມບູນ ແລະ ສ້າງຜົນປະໂຫຍດຕົວຈິງຫຼາຍຂຶ້ນ ໃຫ້ປະຊາຊົນສອງຊາດ.

 ຂໍອວຍພອນໃຫ້ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງຈະເລີນຮຸ່ງເຮືອງ, ປະຊາຊົນລາວ ມີຄວາມຜາສຸກ.

 ຂໍອວຍພອນໃຫ້ສາຍພົວພັນຄູ່ຮ່ວມຍຸດທະສາດຮອບດ້ານ ລະຫວ່າງ ສອງປະເທດ ຈີນ-ລາວ ຈົ່ງຮັດແໜ້ນ ແລະ ພັດທະນາຢ່າງບໍ່ຢຸດຢັ້ງ.

 

 ລີ ເຄີຊຽງ

 ນາຍົກລັດຖະມົນຕີ ຄະນະລັດຖະບານ

 ແຫ່ງ ສາທາລະນະລັດ ປະຊາຊົນຈີນ


 

                                            ເຖິງ: ສະຫາຍ ປານີ ຢາທໍ່ຕູ້            

                                                   ປະທານສະພາແຫ່ງຊາດ ແຫ່ງ ສາທາລະນະລັດ

ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ.

 

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍຕາງໜ້າ ສະພາຜູ້ແທນປະຊາຊົນທົ່ວປະເທດຈີນ ແລະ ໃນນາມສ່ວນຕົວ ສະແດງຄວາມຊົມເຊີຍຢ່າງສຸດໃຈ ມາຍັງ ສະຫາຍ ແລະ ໂດຍຜ່ານສະຫາຍ ໄປຍັງ ສະພາແຫ່ງຊາດລາວ.

ໃນ 1 ປີຜ່ານມາ ພາລະກິດປະຕິຮູບໃໝ່ຂອງປະເທດລາວ ໄດ້ກ້າວໜ້າພັດທະນາຢ່າງຕໍ່ເນື່ອງ. ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ, ສາຍພົວພັນຈີນ-ລາວ ໄດ້ຂະຫຍາຍຕົວຢ່າງແຂງແຮງ ແລະ ໝັ້ນທ່ຽງ ສະພາຜູ້ແທນປະຊາຊົນທົ່ວປະເທດຈີນ ແລະ ສະພາແຫ່ງຊາດລາວ ໄດ້ຮັດແໜ້ນ ແລະ ເພີ່ມທະວີການຮ່ວມມືມິດຕະພາບຢ່າງບໍ່ຢຸດຢັ້ງ. ຝ່າຍຈີນ ຍິນດີທີ່ຈະຮ່ວມກັນກັບຝ່າຍລາວ ຊຸກຍູ້ການແລກປ່ຽນຮ່ວມມືລະຫວ່າງອົງການຮັບຜິດຊອບການສ້າງກົດໝາຍຂອງທັງສອງປະເທດ ແລະ ປະກອບສ່ວນອັນຕັ້ງໜ້າເຂົ້າໃນການລົງເລິກ ສາຍພົວພັນຄູ່ຮ່ວມມືຍຸດທະສາດຮອບດ້ານ ລະຫວ່າງ ສອງປະເທດ ຈີນ-ລາວ.

ຂໍອວຍພອນໃຫ້ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງຈະເລີນຮຸ່ງເຮືອງ, ປະຊາຊົນລາວ ຈົ່ງມີຄວາມຜາສຸກ.

ຂໍອວຍພອນໃຫ້ສາຍພົວພັນຄູ່ຮ່ວມຍຸດທະສາດຮອບດ້ານ ລະຫວ່າງ ສອງປະເທດ ຈີນ-ລາວ ຈົ່ງຮັດແໜ້ນ ແລະ ພັດທະນາຢ່າງບໍ່ຢຸດຢັ້ງ.

 

 

ຈັງ ເດີຈຽງ

ປະທານຄະນະປະຈຳສະພາຜູ້ແທນປະຊາຊົນທົ່ວປະເທດ

ສາທາລະນະລັດ ປະຊາຊົນຈີນ


 

                                                        ເຖິງ: ສະຫາຍ ສະເຫຼີມໄຊ ກົມມະສິດ      

                                                              ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ.

 

ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ, ຂ້າພະເຈົ້າ ຂໍສະແດງຄວາມຊົມເຊີຍຢ່າງສຸດໃຈ ມາຍັງ ສະຫາຍ.

ໃນ 1 ປີຜ່ານມາ, ພາລະກິດສ້າງສາພັດທະນາຂອງປະເທດລາວ ໄດ້ກ້າວໜ້າຢ່າງໝັ້ນທ່ຽງ, ປະເທດລາວ ມີບົດບາດນັບມື້ນັບສຳຄັນ ໃນເວທີພາກພື້ນ ແລະ ສາກົນ. ປະຈຸບັນນີ້ ສາຍພົວພັນສອງປະເທດຈີນ ແລະ ລາວ ໄດ້ພັດທະນາເຂົ້າສູ່ລວງເລິກຢ່າງບໍ່ຢຸດຢັ້ງ ສອງຝ່າຍຮັກສາການຮ່ວມມືປະສານສົມທົບຢ່າງໃກ້ຊິດ ໃນກິດຈະການພາກພື້ນ ແລະ ສາກົນ. ຂ້າພະເຈົ້າ ຍິນດີທີ່ຈະຮ່ວມກັບສະຫາຍ ຈັດຕັ້ງປະຕິບັດຕາມຂໍ້ຕົກລົງຂອງການນຳຂັ້ນສູງສອງຝ່າຍ ທຳຄວາມພະຍາຍາມຢ່າງຕັ້ງໜ້າ ເພື່ອສ້າງສາຄູ່ຮ່ວມຊາຕາກຳທີ່ມີຄວາມໝາຍຍຸດທະສາດ ລະຫວ່າງ ສອງຊາດ.

ຂໍອວຍພອນໃຫ້ ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງຈະເລີນຮຸ່ງເຮືອງ, ປະຊາຊົນລາວ ຈົ່ງມີຄວາມຜາສຸກ.

ຂໍອວຍພອນໃຫ້ກະຊວງການຕ່າງປະເທດ ທັງສອງຊາດ ຈີນ ແລະ ລາວ ຈົ່ງສືບຕໍ່ເພີ່ມທະວີການຮ່ວມມືຢ່າງບໍ່ຢຸດຢັ້ງ.

 

 

ວັງ ຢິ

ລັດຖະມົນຕີວ່າການກະຊວງການຕ່າງປະເທດ

ແຫ່ງ ສາທາລະນະລັດ ປະຊາຊົນຈີນ

 

 

 

a
ແຈ້ງການ

* ຮອງປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ຈະດຳເນີນການຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງວັນທີ 19-22 ມິຖຸນາ 2018

* ນາຍົກລັດຖະມົນຕີ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມ (ACMECS) ຄັ້ງທີ 8 ແລະ ກອງປະຊຸມ(CLMV) ຄັ້ງທີ 9 ໃນວັນທີ 15-16 ມິຖຸນາ 2018

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດຂອງຜູ້ນຳ ສປປ ເກົາຫຼີ ແລະ ສ. ອາເມຣິກາ

* ເຊີນຮ່ວມແຂ່ງຂັນອອກແບບ ຮູບພາບສັນຍາລັກ ການຮ່ວມມື ແມ່ນ້ຳຂອງ-ແມ່ນ້ຳລ້ານຊ້າງ ສຳລັບປີ 2018-2020

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

* ແຈ້ງເຕືອນ ການເຂົ້າ-ອອກ ປະເທດ ສິງກະໂປ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
148594
ມື້ນີ້41
ມື້ວານ97
ອາທິດນີ້109
ເດືອນນີ້1564
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710