Ministry of Foreign Affairs of Laos - ປະທານປະເທດລາວ ສົ່ງສານຊົມເຊີຍເຖິງຄູ່ຮ່ວມຕຳແໜ່ງໃຫມ່ ແຫ່ງ ສາທາລະນະລັດ ເຄັນຢາ

ປະທານປະເທດລາວ ສົ່ງສານຊົມເຊີຍເຖິງຄູ່ຮ່ວມຕຳແໜ່ງໃຫມ່ ແຫ່ງ ສາທາລະນະລັດ ເຄັນຢາ

ພະນະທ່ານ ອຸຮູຣູ ເຄັນຢັດຕາ

ປະທານາທິບໍດີ ແຫ່ງ ສາທາລະນະລັດ ເຄັນຢາ

ທີ່ ໄນໂຣບີ

ພະນະທ່ານ,

ຂ້າພະເຈົ້າ ຂໍະສະແດງຄວາມຊົມເຊີຍຢ່າງຈິງໃຈມາຍັງ ພະນະທ່ານ ທີ່ ໄດ້ຖືກເລືອກຕັ້ງດຳລົງຕຳແໜ່ງ ປະທານາທິບໍດີ ແຫ່ງ ສາທາລະນະລັດ ເຄັນຢາ ອີກຄັ້ງໜຶ່ງ.

ຂ້າພະເຈົ້າ ເຊື່ອໝັ້ນວ່າ ດ້ວຍປະສົບການອັນຫຼວງຫຼາຍ, ພະນະທ່ານ ຈະສາມາດສືບຕໍ່ນຳພາ ສາທາລະນະລັດ ເຄັນຢາ ໃຫ້ມີຄວາມຈະເລີນກ້າວໜ້າຍິ່ງຂຶ້ນ. ຂ້າພະເຈົ້້າ ຫວັງວ່າ ຈະໄດ້ເຮັດວຽກຮ່ວມກັບພະນະທ່ານ ເພື່ອສືບຕໍ່ເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເຄັນຢາ ເພື່ອຜົນປະໂຫຍດຮ່ວມກັນຂອງປະຊາຊົນສອງຊາດພວກເຮົາ.

ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດ ມາຍັງພະນະທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສຳເລັດໃນການປະຕິບັດໜ້າທີ່ອັນມີກຽດ ຂອງພະນະທ່ານ.

ດ້ວຍຄວາມນັບຖືຢ່າງສູງ.

ບຸນຍັງ ວໍລະຈິດ

ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ, ສິງຫາ 2017

ມື້ນີ້	84
ມື້ວານ	228
ອາທິດນີ້	6
ເດືອນນີ້	1037

-

ເຊື່ອມຕໍ່ເວັບໄຊພາຍໃນລາວ

ທູດລາວທີ່ປະຈຳຢູ່ຕ່າງປະເທດ

ປະທານປະເທດລາວ ສົ່ງສານຊົມເຊີຍເຖິງຄູ່ຮ່ວມຕຳແໜ່ງໃຫມ່ ແຫ່ງ ສາທາລະນະລັດ ເຄັນຢາ

ຂ່າວອື່ນໆທີ່ກ່ຽວຂ້ອງ

ແຈ້ງການ

ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ