ນິກໂຄລາ ປອນທາຣາ
ຫົວໜ້າຫ້ອງການທະນາຄານໂລກ ທີ່ ນະຄອນຫຼວງວຽງຈັນ, ສປປ ລາວ
ວັນທີ 25 ກໍລະກົດ 2018
ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ,
ພະນະທ່ານ,
ຕາງໜ້າໃຫ້ກຸ່ມທະນາຄານໂລກ, ພວກຂ້າພະເຈົ້າ ຂໍສະແດງຄວາມເສຍໃຈຢ່າງສຸດຊຶ້ງ ມາຍັງປະຊາຊົນລາວ ທີ່ໄດ້ຮັບການສູນເສຍ ທັງຊີວິດ ແລະ ຊັບສິນ ໃນອຸບັດຕິເຫດໂຄງການກໍ່ສ້າງເຄື່ອນໄຟຟ້າ ເຊປຽນ-ເຊນໍ້ານ້ອຍ. ພວກຂ້າພະເຈົ້າ ຫວັງຢ່າງຍິ່ງວ່າ ຜູ້ສູນຫາຍຈໍານວນຮ້ອຍກວ່າຊີວິດ ໃນໄພນໍ້າຖ້ວມຄັ້ງນີ້ ຈະປອດໄພກັບຄືນມາ.
ພວກຂ້າພະເຈົ້າ ກຽມພ້ອມທີ່ຈະຮ່ວມເຮັດວຽກຢ່າງໃກ້ຊິດກັບລັດຖະບານຂອງ ສປປ ລາວ ແລະ ເພື່ອນຮ່ວມພັດທະນາອື່ນ ໃນການເຂົ້າໄປເຖິງຂອບເຂດເສຍຫາຍ ແລະ ການຟື້ນຟູຜົນກະທົບດັ່ງກ່າວ ໃຫ້ກັບມາສູ່ສະພາບປົກກະຕິດ້ວຍໄວ.
ປະຈຸບັນ, ທະນາຄານໂລກ ໄດ້ໃຫ້ການສະໜັບສະໜູນ ການຄຸ້ມຄອງຄວາມສ່ຽງດ້ານໄພພິບັດ ໃຫ້ແກ່ ສປປ ລາວ ແລະ ຈະສືບຕໍ່ໃຫ້ການຊ່ວຍເຫຼືອ ແລະ ສົ່ງຊ່ຽວຊານເຂົ້າໄປຊ່ວຍ ໃນໄລຍະເວລາທີ່ໄດ້ຮັບວິກິດ ຕາມຄວາມຮຽກຮ້ອງຕົວຈິງຂອງສະພາບການ.
ດ້ວຍຄວາມນັບຖືເປັນຢ່າງສູງ,
ນິກໂຄລາ ປອນທາຣາ
ຫົວໜ້າຫ້ອງການທະນາຄານໂລກ ປະຈໍາ ສປປ ລາວ,
ອາຊີຕາເວັນອອກ ແລະ ພາກພື້ນປາຊີຟິກ