ວັນທີ 27 ກໍລະກົດ 2018
ພະນະທ່ານ ບຸນຍັງ ວໍລະຈິດ
ປະທານປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງພະນະທ່ານ, ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເນື່ອງໃນໂອກາດ ຄົບຮອບ 25 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ບຣູໄນ ດາຣູຊາລາມ ແລະ ສປປ ລາວ.
ບຣູໄນ ດາຣູຊາລາມ ແລະ ສປປ ລາວ ໄດ້ສືບຕໍ່ມີສາຍພົວພັນອັນອົບອຸ່ນ ແລະ ການຮ່ວມມືອັນໃກ້ຊິດນຳກັນ ເຊິ່ງສະແດງອອກໃນການໄປມາຫາສູ່ຢ່າງເປັນປົກກະຕິ ຂອງປະຊາຊົນສອງຊາດ ຂອງພວກເຮົາ. ຂີດໝາຍແຫ່ງຜົນສຳ ເລັດທີ່ສຳຄັນນີ້ ໄດ້ຮັບການເສີມຂະຫຍາຍ ໂດຍຜ່ານການຮ່ວມມືໃນຂະແໜງການສຶກສາ, ວັດທະນະທຳ, ຊາວໜຸ່ມ ແລະ ກິລາ. ໃນຖານະເປັນເພື່ອນມິດທີ່ສຳຄັນ ໃນພາກພື້ນ ບຣູໄນ ດາຣູຊາລາມ ຈະສືບຕໍ່ສົ່ງເສີມສາຍພົວພັນທີ່ສຳຄັນດັ່ງກ່າວ ໃຫ້ຂະຫຍາຍຕົວເພີ້ມຂຶ້ນ ເພື່ອນຳເອົາຜົນປະໂຫຍດຊຶ່ງກັນ ແລະ ກັນ ມາສູ່ປະຊາຊົນ ແລະ ປະເທດຊາດ ຂອງພວກເຮົາ.
ຂໍອວຍພອນໃຫ້ພະນະທ່ານ ຈົ່ງມີສຸຂະພາບເຂັ້ມແຂງ ແລະ ມີຄວາມສຸກຕະຫຼອດໄປ.
ສົມເດັດ ຊຸນຕານ ຮາຈິ ຮັດຊານານ ໂບນເກຍ
ແຫ່ງ ບຣູໄນ ດາຣູຊາລາມ
ວັນທີ 27 ກໍລະກົດ 2018
ພະນະທ່ານ
ປອ. ທອງລຸນ ສີສຸລິດ, ນາຍົກລັດຖະມົນຕີ
ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ຂ້າພະເຈົ້າ ມີຄວາມຮູ້ສຶກ ປິຕິຍິນດີ ສົ່ງຄຳຊົມເຊີຍອັນອົບອຸ່ນ ມາຍັງພະນະທ່ານ, ລັດຖະບານ ແລະ ປະ ຊາຊົນ ແຫ່ງ ສາທາລະນະລັດ ປະຊາທິປະໄຕປະຊາຊົນລາວ ໃນໂອກາດຄົບຮອບ 25 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງສອງປະເທດ ຂອງພວກເຮົາ.
ສາຍພົວພັນມິດຕະພາບທີ່ເປັນມູນເຊື້ອອັນຍາວນານ ຂອງພວກເຮົາ ໄດ້ສືບຕໍ່ຂະຫຍາຍຕົວ ຢ່າງຕໍ່ເນືື່ອງ ໃນຊຸມປີຜ່ານມາ ໂດຍຜ່ານການແລກປ່ຽນການຮ່ວມມືອັນຫ້າວຫັນ ໃນດ້ານການສຶກສາ, ວັດທະນະທຳ, ຊາວໜຸ່ມ ແລະ ກິລາ. ການໄປມາຫາສູ່ກັນ ລະຫວ່າງປະຊາຊົນເຫຼົ່ານີ້ ໄດ້ຢ້ຳຄືນເຖິງຄວາມໝາຍໝັ້ນ ໃນການເສີມສ້າງສາຍພົວພັນມິດຕະພາບ, ຄວາມໄວ້ເນື້ອເຊື່ອໃຈ ແລະ ຄວາມເຂົ້າໃຈ ເຊິ່ງກັນ ແລະ ກັນ ໃຫ້ເລີກເຊິ່ງຍິ່ງໆຂຶ້ນ. ຂ້າພະເຈົ້າ ຫວັງວ່າຈະໄດ້ພັດທະນາ ສາຍພົວພັນສອງຝ່າຍທີ່ມີສຳຄັນ ແລະ ການເປັນຄຸ່ຮ່ວມມືໃນພາກພື້ນ ແລະ ສາກົນ ຈະໄດ້ຮັບການຜັນຂະຫຍາຍໃຫ້ນັບມື້ນັບຂະຫຍາຍຕົວຍິ່ງໆຂຶ້ນ ເພື່ອນຳເອົາຜົນປະໂຫຍດຊຶ່ງກັນ ແລະ ກັນ ມາສູ່ປະຊາຊົນ ແລະ ປະເທດຊາດ ຂອງພວກເຮົາ.
ຂໍອວຍພອນໃຫ້ແກ່ພະນະທ່ານ ຈົ່ງປະສົບຜົນສຳເລັດ ແລະ ມີສຸຂະພາບເຂັ້ມແຂງຕະຫຼອດໄປ.
ສົມເດັດ ຊຸນຕານ ຮາຈິ ຮັດຊານານ ໂບນເກຍ
ແຫ່ງ ບຣູໄນ ດາຣູຊາລາມ