ພະນະທ່ານ ບຸນຍັງ ວໍລະຈິດ

ປະທານປະເທດ ແຫ່ງ ສປປ ລາວ

ທີ່ ນະຄອນຫລວງວຽງຈັນ

ພະນະທ່ານ ປະທານປະເທດ,

ຂ້າພະເຈົ້າ ຂໍສະແດງຄວາມເສົ້າສະຫຼົດໃຈຢ່າງສຸດຊຶ້ງ ຕໍ່ເຫດການໄພພິບັດນ້ຳຖ້ວມຢ່າງຮຸນແຮງ ຢູ່ແຂວງພາກໃຕ້ຂອງ ສປປ ລາວ, ຊຶ່ງເຮັດໃຫ້ມີການສູນເສຍຊີວິດ, ສັບສິນ ແລະ ຜູ້ສູນຫາຍ ເປັນຈຳນວນຫລວງ ຫລາຍ.

ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ມາຍັງຄອບຄົວ ພ້ອມດ້ວຍຍາດຕິພີ່ນ້ອງ ລວມທັງທຸກໆຄົນ ທີ່ໄດ້ຮັບເຄາະຮ້າຍຈາກໄພພິບັດຄັ້ງນີ້.

ດ້ວຍຄວາມນັບຖືຢ່າງສູງ,

ວະລາດີເມຍ ປູຕິນ

ປະທານາທິບໍດີ ແຫ່ງ ສະຫະພັນ ຣັດເຊຍ

ພະນະທ່ານ ທອງລຸນ ສີສຸລິດ

ນາຍົກລັດຖະມົນຕີ ແຫ່ງ ສປປ ລາວ

ທີ່ ນະຄອນຫລວງວຽງຈັນ

ພະນະທ່ານ ນາຍົກລັດຖະມົນຕີ,

ໃນນາມລັດຖະບານ ແຫ່ງ ສະຫະພັນ ຣັດເຊຍ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສົ້າສະຫລົດໃຈຢ່າງສຸດຊຶ້ງ ຕໍ່ເຫດໄພພິບັດນ້ຳຖ້ວມທີ່ເຮັດໃຫ້ມີຜູ້ໄດ້ຮັບເຄາະຮ້າຍເປັນຈຳນວນຫລວງຫລາຍ ຢູ່ທາງພາກໃຕ້ຂອງ ສປປ ລາວ.

ຂ້າພະເຈົ້າ ຂໍສະແດງຄວາມເຫັນອົກເຫັນໃຈ ມາຍັງຄອບຄົວ, ຍາດຕິພີ່ນ້ອງທີ່ໄດ້ຮັບເຄາະຮ້າຍ ແລະ ຜູ້ສູນຫາຍ ຈາກຜົນກະທົບໄພພິບັດຄັ້ງນີ້ ແລະ ຫວັງວ່າສະພາບຈະກັບຄືນມາສູ່ປົກກະຕິໂດຍໄວ.

ເດີມີຕີຣ ເມັດເວດເດບ

ນາຍົກລັດຖະມົນຕີ ແຫ່ງ ສະຫະພັັນ ຣັດເຊຍ