26 ກໍລະກົດ 2018
ປະເທດສະມາຊິກອາຊຽນ ມີຄວາມເສົ້າສະຫຼົດໃຈຕໍ່ການສູນເສຍຊີວິດ ແລະ ຊັບສິນຖືກທໍາລາຍ ຢ່າງຫຼວງຫຼາຍ ເນື່ອງຈາກໄພນໍ້າຖ້ວມຢ່າງກະທັນຫັນ ທີ່ເກີດຈາກຄູກັ້ນນໍ້າຂອງເຂື່ອນໄຟຟ້າ ເຊປຽນ-ເຊນໍ້ານ້ອຍ ພັງ ຢູ່ແຂວງ ອັດຕະປື, ສປປ ລາວ ໃນວັນທີ 23 ກໍລະກົົດ 2018 ອັນເນື່ອງມາຈາກ ຝົນຕົກໜັກ.ອາຊຽນ ສະແດງຄວາມເຫັນອົກເຫັນໃຈ ຢ່າງເລິກເຊິ່ງຕໍ່ຜູ້ໄດ້ຮັບຜົນກະທົບຈາກໄພນໍ້າຖ້ວມດັ່ງກ່າວ.
ອາຊຽນ ຢືນຢັນຄືນຄວາມສາມັກຄີເປັນນໍ້າໜຶ່ງໃຈດຽວ ກັບ ລັດຖະບານ ແລະ ປະຊາຊົນ ແຫ່ງ ສປປ ລາວ ໃນເວລາທີ່ມີຄວາມຫຍຸ້ງຍາກລໍາບາກນີ້ ແລະ ພ້ອມທີ່ຈະສະໜັບສະໜູນຄວາມພະຍາຍາມ ໃນການບັນເທົາທຸກໄພນໍ້າຖ້ວມຄັ້ງນີ້, ລວມທັງ ການຊ່ວຍເຫຼືອຜ່ານສູນປະສານງານອາຊຽນ ເພື່ອການຊ່ວຍເຫຼືອດ້ານມະນຸດສະທໍາ ກ່ຽວກັບການຄຸ້ມຄອງໄພພິບັດ.