ສົມ​ເດັດ ອັກຄະມະຫາ​ເສນາ​ບໍດີ ເຕ​ໂຈ ຮຸນ ​ແຊນ

ນາຍົກລັດຖະມົນຕີ ແຫ່ງ ຣາຊະ​ອານາຈັກ ​ກຳປູ​ເຈຍ

                                       ​             ພະນົມ​ເປັນ, ວັນ​ທີ 26 ກໍລະກົດ 2018

ພະນະ​ທ່ານ ປອ. ທອງລຸນ ສີສຸລິດ

ນາຍົກ​ລັດຖະມົນຕີ

​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

ນະຄອນຫຼວງ​ວຽງ​ຈັນ

ພະນະ​ທ່ານ,

​​        ຂ້າພະເຈົ້າ ຂໍຮູ້ສຶກເສຍໃຈຢ່າງເລິກເຊິ່ງຕໍ່ກັບອຸບັດຕິເຫດ ເຂື່ອນໄຟຟ້າເຊປຽນ-ເຊນໍ້ານ້ອຍ ຢູ່ແຂວງອັດຕະປື, ສາທາລະນະລັດ ປະຊາທິປະໄຕ ປະຊາຊົນລາວ, ໃນວັນທີ 23 ກໍລະກົດ 2018, ຊຶ່ງໄດ້ເຮັດໃຫ້ມີຜູ້ເສຍຊີວິດເປັນຈໍານວນຫຼາຍ, ປະຊາຊົນຫຼາຍພັນຄົນສູນຫາຍ ແລະ ອີກຫຼາຍພັນຄົນບໍ່ມີທີ່ຢູ່ອາໃສ.

ໃນນາມລັດຖະບານ ແຫ່ງ ຣາຊະອານາຈັກກໍາປູເຈຍ ແລະ ປະຊາຊົນກໍາປູເຈຍ, ຂ້າພະເຈົ້າ ຂໍສະແດງຄວາມເຫັນອົກເຫັນໃຈຢ່າງເລິກເຊິ່ງມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງລັດຖະບານ ແລະ ປະຊາຊົນ ແຫ່ງ ສປປ ລາວ ກໍຄືຄອບຄົວຜູ້ໄດ້ຮັບຜົນກະທົບ ແລະ ຂໍສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ການສູນເສຍຄັ້ງໃຫຍ່ໃນເຫດການທີ່ບໍ່ຄາດຝັນ.

ດ້ວຍ​ຄວາມເຄົາລົບ ແລະ​ ນັບ​ຖື​ຢ່າງ​ສູງ,

(ລາຍ​ເຊັນ)

ຮຸນ ​ແຊນ

ຮອງນາຍົກລັດຖະມົນຕີ                   

ພະນົມເປັນ, 25 ກໍລະກົດ 2018

ພະນະທ່ານ ສອນໄຊ ສີພັນດອນ

ຮອງນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ນະຄອນຫຼວງວຽງຈັນ

ພະນະທ່ານ,

        ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າສະຫຼົດໃຈ ຕໍ່ເຫດການອຸບັດຕິເຫດໂຄງການກໍ່ສ້າງເຂື່ອນ ຢູ່ ແຂວງອັດຕະປື, ສາທາລະນະລັດ ປະຊາທິປະໄຕ ປະຊາຊົນລາວ ໃນຕອນແລງວັນຈັນ ວັນທີ 23 ກໍລະກົດ 2018, ອັນເປັນເຫດເຮັດໃຫ້ມີຜູ້ຫາຍສາບສູນຫຼາຍຮ້ອຍຄົນ, ເສຍຊີວິດຈໍານວນຫຼາຍ ແລະ ປະຊາຊົນບໍ່ມີທີ່ຢູ່ອາໃສເປັນຈໍານວນຫຼາຍພັນຄົນ.

        ທ່າມກາງຄວາມໂສກເສົ້າຂອງ ປະຊາຊົນລາວ, ໃນນາມລັດຖະບານ ແລະ ປາຊາຊົນ ແຫ່ງ ຣາຊະອານາຈັກກໍາປູເຈຍ, ຂ້າພະເຈົ້າ ຂໍສະແດງຄວາມເຫັນໃຈ ແລະ ຄວາມເສົ້າສະຫຼົດໃຈມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງລັດຖະບານ ແຫ່ງ ສປປ ລາວ ກໍຄືຄອບຄົວຜູ້ໄດ້ຮັບຜົນກະທົບຕໍ່ກັບເຫດການໃນຄັ້ງນີ້.

        ດ້ວຍຄວາມນັບຖືເປັນຢ່າງສູງ

(ລົງລາຍເຊັນ)

ຮໍ ນໍາຮົງ

ລັດຖະມົນຕີອາວຸໂສ

ລັດຖະມົນຕີ​​ກະຊວງ​ການ​ຕ່າງປະ​ເທດ

​ແລະ ​​ຮ່ວມ​ມື​ສາກົນ

                                                   ພະນົມ​ເປັນ, ວັນ​ທີ 26 ກໍລະກົດ 2018

   ພະນະ​ທ່ານ ສະເຫຼີມໄຊ ກົມມະສິດ

     ລັດຖະມົນຕີ​​ກະຊວງ​ການ​ຕ່າງປະ​ເທດ

​                                                      ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ

   ນະຄອນຫຼວງ​ວຽງ​ຈັນ

ພະນະ​ທ່ານ, ​​ລັດຖະມົນຕີ ແລະ ສະຫາຍທີ່​ຮັກ​ແພງ

          ​ຂ້າພະເຈົ້າ ຮູ້ສຶກເສົ້າເສຍໃຈຢ່າງສຸດຊຶ້ງ ທີ່ໄດ້ຮັບຂ່າວການເສຍຊີວິດຂອງປະຊາຊົນຈໍານວນຫຼາຍ, ອີກຫຼາຍຮ້ອຍຄົນສູນຫາຍ, ຫຼາຍພັນຄົນບໍ່ມີທີ່ຢູ່ອາໃສ ຊຶ່ງໄດ້ສ້າງຄວາມເສຍຫາຍເປັນວົງກວ້າງ ເນື່ອງຈາກອຸບັດຕິເຫດ ເຂື່ອນໄຟຟ້າເຊປຽນ-ເຊນໍ້ານ້ອຍ ຢູ່ແຂວງອັດຕະປື, ສາທາລະນະລັດ ປະຊາທິປະໄຕ ປະຊາຊົນລາວ, ໃນວັນທີ 23 ກໍລະກົດ 2018.

          ໃນຊ່ວງໄລຍະເວລາທີ່ຫຍຸ້ງຍາກນີ້, ຂ້າພະເຈົ້າ ຂໍສະແດງຄວາມເຫັນອົກເຫັນໃຈເປັນຢ່າງຍິ່ງມາຍັງ ພະນະທ່ານ ແລະ ໂດຍຜ່ານ ພະນະທ່ານ ໄປຍັງປະຊາຊົນ ແຫ່ງ ສປປ ລາວ,ໂດຍສະເພາະ ຄອບຄົວຜູ້ໄດ້ຮັບຜົນກະທົບ ແລະ ຂໍສະແດງຄວາມເສົ້າສະຫຼົດໃຈຢ່າງເລິກເຊິ່ງຕໍ່ການສູນເສຍໃນຄັ້ງນີ້.

          ດ້ວຍຄວາມເຄົາລົບ ແລະ ​ນັບ​ຖື​​ຢ່າງ​ສູງ,

( ລາຍ​ເຊັນ )

ປຣາກ ໂຊຄົນ