ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ ອາຊຽນ-ອີຢູ

 

ASEANBRUSSEL

 

ໃນວັນທີ 11 ​ກຸມພາ 2020, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີຕ່າງປະເທດ ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງລາວ ໄດ້ນຳພາຄະນະຜູ້​ແທນ​ເຂົ້າຮ່ວມກອງ​ປະ​ຊຸມ ລະດັບ​ເຈົ້າ​ໜ້າ​ທີ່ອາ​ວຸ​ໂສ ອາ​ຊຽນ-ອີຢູ ໂດຍການເປັນປະທານຮ່ວມ ຂອງ ທ່ານ Gunnar Wiegand, ຫົວໜ້າກົມ ອາຊີ-ປາຊີຟິກ ສະຫະພາບເອີຣົບ ແລະ ທ່ານ Stanley Loh, ຫົວໜ້າຫ້ອງການ, ກະຊວງການຕ່າງປະເທດສິງກະໂປ, ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງສິງກະໂປ, ໂດຍມີບັນດາເຈົ້າໜ້າທີ່ອາວຸໂສ ອາຊຽນ ແລະ ອີຢູ, ກອງເລຂາອາຊຽນ ແລະ ຄະນະກຳມາທິການ ສະຫະພາບ ເອີລົບ.

ກອງປະຊຸມ ໄດ້ສະແດງຄວາມເພິ່ງພໍໃຈ ຕໍ່ ຄວາມຄືບໜ້າ​ໃນການ​ຈັດ​ຕັ້ງ​ປະ​ຕິ​ບັດ ການຮ່ວມມື ອາຊຽນ-ອີຢູ ຜ່ານມາ ໂດຍສະເພາະ ການຈັດຕັ້ງປະຕິບັດ​ແຜນ​ປະຕິບັດງານ ໄລ​ຍະ​ປີ 2018-2022. ພິເສດ, ກອງປະຊຸມໄດ້ປຶກສາຫາລື ແລະ ກຳນົດ ທິດທາງແຜນການຮ່ວມມື ອາຊຽນ-ອີຢູ ໃນຕໍ່ໜ້າ, ເຊິ່ງໄດ້ເຫັນດີເພີ່ມທະວີການຮ່ວມມືໃນດ້ານຕ່າງໆ ເຊັ່ນ: ການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ວິທະຍາສາດ, ເຕັກໂນໂລຢີ ແລະ ນະວັດຕະກຳ, ການເຊື່ອມຈອດ, ການ​ຮັດ​ແຄບ​ຄວາມ​ແຕກ​ໂຕນດ້ານການພັດທະນາ, ການຮັບມືກັບສະພາບການ​ປ່ຽນ​ແປງ​ດິນ​ຟ້າ​ອາ​ກາດ, ການພັດທະນາແບບຍືນຍົງ, ການພັດທະນາຕົວເມືອງ ອັດສະລິຍະ ແລະ ການສົ່ງເສີມການໄປມາຫາສູ່ ລະຫວ່າງ ປະຊາຊົນກັບປະຊາຊົນ.

ກອງປະຊຸມຫົ​ວ​ໜ້າ​ເຈົ້າ​ໜ້າ​ທີ່ ອາ​ວຸ​ໂສ ອາ​ຊຽນ-ອີຢູ ຄັ້ງນີ້ ຍັງໄດ້ແລກປ່ຽນຄວາມຄິດເຫັນ ຕໍ່ບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເພື່ອປະກອບສ່ວນເຂົ້າໃນການຮັກສາສັນຕິພາບ ແລະ ຄວາມໝັ້ນຄົງໃນພາກພື້ນ ກໍ່ຄືໃນໂລກ. ພ້ອມກັນນີ້, ກອງປະຊຸມຍັງໄດ້ປຶກສາຫາລື ແລະ ຊອກຫາຊ່ອງທາງໃນການຮ່ວມມືກັນ ເພື່ອຕ້ານການແພລະບາດ ຂອງ ພະຍາດປອດອັກເສບສາຍພັນໃໝ່ (novel Coronavirus) ແລະ ໄດ້ມີແຜນຈະຈັດກອງປະຊຸມວີດີໂອທາງໄກຮ່ວມກັນແນ່ໃສ່ ແລກປ່ຽນຂໍ້ມູນຂ່າວສານ ແລະ ມາດຕະການ ໃນການຮັບມືກັບພະຍາດດັ່ງກ່າວ.

ສຸດທ້າຍ, ກອງປະຊຸມໄດ້ພ້ອມກັນ ທົບທວນຄືນການຈັດຕັ້ງປະຕິບັດ ບັນດາຂໍ້ຕົກລົງຂອງກອງປະຊຸມ ລັດຖະມົນຕີ ອາຊຽນ-ອີຢູ ຄັ້ງທີ 22 ຈັດຂຶ້ນໃນຕົ້ນປີ 2019 ຜ່ານມາ, ໂດຍສະເພາະໄດ້ຢ້ຳຄືນການຕົກລົງເຫັນດີ ໃນດ້ານຫຼັກການ ໃນການຍົກລະດັບການພົວພັນຮ່ວມມື ອາຊຽນ-ອີຢູ ຂຶ້ນເປັນຄູ່ຮ່ວມຍຸດທະສາດ ແລະ ຈະສືບຕໍ່ ປຶກສາຫາລືກັນໃນລາຍລະອຽດຕື່ມ. ກອງປະຊຸມລະດັົເຈົ້າໜ້າທີ່ອາວຸໂສ ອາຊຽນ-ອີຢູ ຄັ້ງຕໍ່ໄປ ຄາດວ່າຈະຈັດ ໃນທ້າຍເດືອນພະຈິກ ຫຼື ທັນວາ ປີ 2020 ຢູ່ ສິງກະໂປ ຄວບຄູ່ໄປກັບການຈັດ ກອງປະຊຸມລະດັບລັດຖະມົນຕີ ອາຊຽນ-ອີຢູ ຄັ້ງທີ 23.

a
ແຈ້ງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195818
ມື້ນີ້67
ມື້ວານ98
ອາທິດນີ້138
ເດືອນນີ້2392
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710