ວັນທີ 01 ກໍລະກົດ 2020
ພະນະທ່ານ,
ປະຊາຊົນ ແຫ່ງ ສາທາລະນະລັດ ສະຫະພາບ ມຽນມາ ຮ່ວມກັບ ຂ້າພະເຈົ້າ ຂໍສົ່ງຄຳອວຍພອນ ແລະ ຊົມ ເຊີຍອັນອົບອຸ່ນ ມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ປະຊາຊົນ ແຫ່ງ ສປປ ລາວ ເນື່ອງໃນໂອກາດອັນສະຫງ່າລາສີ ຄົບຮອບ 65 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ສະຫະພາບ ມຽນມາ ແລະ ສາທາລະນະລັດ ປະຊາທິປະໄຕ ປະຊາຊົນລາວ.
ຕະຫຼອດໄລຍະ 65 ປີ ທີ່ຜ່ານມາ, ມຽນມາ ແລະ ສປປ ລາວ ໄດ້ມີສາຍພົວພັນມິດຕະພາບ ບົນພື້ນຖານ ຄວາມເປັນເພື່ອນບ້ານທີ່ດີ ແລະ ອີງໃສ່ 5 ຫຼັກການແຫ່ງການຢູ່ຮ່ວມກັນໂດຍສັນຕິ ແລະ ໄດ້ຮ່ວມມືກັນໃນຫຼາຍ ຂົງເຂດວຽກງານ ເພື່ອຜົນປະໂຫຍດຮ່ວມກັນ ຂອງປະຊາຊົນສອງຊາດພວກເຮົາ. ຂ້າພະເຈົ້າ ມີຄວາມພາກພູມໃຈເປັນ ຢ່າງຍິ່ງ ທີ່ພວກເຮົາກຳລັງເຫັນການເຕີບໃຫຍ່ຂະຫຍາຍຕົວຢ່າງເຂັ້ມແຂງທາງດ້ານສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືໃນດ້ານຕ່າງໆ, ລວມທັງການຄ້າ, ການທ່ອງທ່ຽວ, ວັດທະນະທຳ, ການເຊື່ອມຈອດ ແລະ ສິ່ງທີ່ສຳ ຄັນທີ່ສຸດແມ່ນ ການໄປມາຫາສູ່ເຊິ່ງກັນ ແລະ ກັນ ຂອງປະຊາຊົນ ໃນໄລຍະຊຸມປີຜ່ານມາ. ຂ້າພະເຈົ້າ ຍັງມີຄວາມພາກ ພູມໃຈໃນຄວາມເປັນປຶກແຜ່ນຂອງອາຊຽນ, ມຽນມາ ແລະ ສປປ ລາວ ກຳລັງຮ່ວມມືກັນໃນຫຼາຍຂອບການຮ່ວມມືໃນ ອະນຸພາກພື້ນຕ່າງໆ ເພື່ອສັນຕິພາບ ແລະ ຄວາມຈະເລີນຮຸ່ງເຮືອງຂອງພາກພື້ນຂອງພວກເຮົາ ແລະ ຊ່ວຍເຫຼືອເຊິ່ງກັນ ແລະ ກັນ ໃນຍາມຈຳເປັນ. ເນື່ອງໃນໂອກາດອັນພິເສດນີ້, ຂ້າພະເຈົ້າ ຂໍຢືນຢັນອີກເທື່ອໜຶ່ງວ່າ ພວກເຮົາກຽມພ້ອມທີ່ ຈະເຮັດວຽກຮ່ວມກັນ ເພື່ອຍົກລະດັບມິດຕະພາບ ແລະ ການເປັນຄູ່ຮ່ວມມື ຂອງພວກເຮົາ ໃຫ້ສູງຂຶ້ນໃນລະດັບໃໝ່ ໃນຊຸມປີຕໍ່ໜ້າ.
ຂ້າພະເຈົ້າ ຂໍຖືໂອກາດນີ້ ສະແດງຄວາມຊົມເຊີຍການນຳ ແຫ່ງ ສປປ ລາວ ຕໍ່ຜົນສຳເລັດໃນການຄວບຄຸມ ການແຜ່ລະບາດ ຂອງພະຍາດ ໂຄວິດ-19 ຢ່າງຜົນສໍາເລັດໃນຂອບເຂດທົ່ວປະເທດລາວ.
ຂ້າພະເຈົ້າ ຂໍອວຍພອນໄຊອັນປະເສີດໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດ ແລະ ຂໍໃຫ້ສາທາລະນະລັດ ປະຊາທິປະໄຕ ປະຊາຊົນລາວ ຈົ່ງສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຍິ່ງໆຂຶ້ນ.
ດ້ວຍຄວາມນັບຖື,
(ລາຍເຊັນ)
ວິນ ໝິນ
ພະນະທ່ານ ບຸນຍັງ ວໍລະຈິດ
ປະທານປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ.
ວັນທີ 01 ກໍລະກົດ 2020
ພະນະທ່ານ,
ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ຂໍສົ່ງຄຳຊົມເຊີຍອັນອົບອຸ່ນ ແລະ ອວຍພອນໄຊອັນປະເສີດ ມາຍັງ ພະນະທ່ານ ເນື່ອງໃນໂອກາດອັນສະຫງ່າລາສີ ຄົບຮອບ 65 ປີ ແຫ່ງ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ສະຫະພາບ ມຽນມາ ແລະ ສາທາລະນະລັດ ປະຊາທິປະໄຕ ປະຊາຊົນລາວ.
ມຽນມາ ຕີລາຄາສູງ ສາຍພົວພັນມິດຕະພາບ ແລະ ການຮ່ວມມືອັນໃກ້ຊິດກັບ ສາທາລະນະລັດ ປະຊາທິປະ ໄຕ ປະຊາຊົນລາວ. ຂ້າພະເຈົ້າ ເຊື່ອໝັ້ນຢ່າງແຮງກ້າວ່າ ຄົບຮອບ 65 ປີ ແຫ່ງ ການສ້າງຕັ້ງສາຍພົວພັນການທູດ ລະຫວ່າງ ສອງປະເທດພວກເຮົາ ຈະເປັນໂອກາດອັນດີ ໃນການເພີ່ມທະວີການເຮັດວຽກຮ່ວມກັນຢ່າງໃກ້ຊິດ ໃນ ການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືອັນໃກ້ຊິດໃນປະຈຸບັນ ເພື່ອຜົນປະ ໂຫຍດຮ່ວມກັນ ຂອງສອງປະເທດ ແລະ ປະຊາຊົນສອງຊາດພວກເຮົາ.
ຂ້າພະເຈົ້າ ຂໍຖືໂອກາດນີ້ ສົ່ງຄຳອວຍພອນອັນຈິງໃຈ ມາຍັງ ພະນະທ່ານ ຈົ່ງມີສຸຂະພາບແຂງແຮງ, ມີຄວາມ ຜາສຸກ ແລະ ປະສົບຜົນສໍາເລັດ ແລະ ຂໍໃຫ້ສາທາລະນະລັດ ປະຊາທິປະໄຕ ປະຊາຊົນລາວ ສືບຕໍ່ມີຄວາມກ້າວໜ້າ ແລະ ຈະເລີນຮຸ່ງເຮືອງຕະຫຼອດໄປ.
ດ້ວຍຄວາມນັບຖື,
(ລາຍເຊັນ)
ໝິນ ສະເວ
ພະນະທ່ານ ພັນຄຳ ວິພາວັນ
ຮອງປະທານປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ.
ວັນທີ 06 ກໍລະກົດ 2020
ພະນະທ່ານ,
ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນມາຍັງ ພະນະທ່ານ ເນື່ອງໃນໂອກາດພວກເຮົາ ສະເຫຼີມສະຫຼອງວັນ ສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ສະຫະພາບ ມຽນມາ ແລະ ສາທາລະນະລັດ ປະຊາທິປະໄຕ ປະຊາຊົນລາວ.
ນັບຕັ້ງແຕ່ພວກເຮົາ ສ້າງຕັ້ງສາຍພົວພັນການທູດເປັນຕົ້ນມາ, ພວກເຮົາ ໄດ້ຖະນຸຖະໜອມຮັກສາສາຍພົວພັນ ມິດຕະພາບທີ່ເປັນມູນເຊື້ອ ແລະ ການຮ່ວມມືອັນໃກ້ຊິດ ລະຫວ່າງ ສອງປະເທດ ແລະ ປະຊາຊົນສອງຊາດພວກເຮົາ. ຂ້າພະເຈົ້າ ຫວັງວ່າ ສາຍພົວພັນ ແລະ ການຮ່ວມມືອັນສະໜິດແໜ້ນ ຈະສືບຕໍ່ກ້າວໜ້າ ໃນຊຸມປີຕໍ່ໜ້າ.
ຂ້າພະເຈົ້າ ຂໍຖືໂອກາດນີ້ ຂໍສະແດງຄຳອວຍພອນໄຊອັນປະເສີດ ມາຍັງ ພະນະທ່ານ ຈົ່ງມີສຸຂະພາບແຂງແຮງ ແລະ ສືບຕໍ່ປະສົບຜົນສຳເລັດໃນຄວາມພະຍາຍາມຂອງພະນະທ່ານ ໃນອະນາຄົດ.
ດ້ວຍຄວາມນັບຖື.
(ລາຍເຊັນ)
ເຮັນຣີ ວັນ ທ່ຽວ
ພະນະທ່ານ ພັນຄຳ ວິພາວັນ,
ຮອງປະທານປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ.
ວັນທີ 06 ກໍລະກົດ 2020
ພະນະທ່ານ,
ໃນນາມລັດຖະບານ ແຫ່ງ ສາທາລະນະລັດ ສະຫະພາບ ມຽນມາແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງ ພະນະທ່ານ ແລະ ລັດຖະບານ ແຫ່ງ ສປປ ລາວ ເນື່ອງໃນໂອກາດອັນພິເສດ ຄົບຮອບ 65 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ສະຫະພາບ ມຽນມາ ແລະ ສາທາລະນະລັດ ປະຊາທິປະໄຕ ປະຊາຊົນລາວ.
ມຽນມາ ແລະ ລາວ ບໍ່ພຽງແຕ່ເປັນເພື່ອນບ້ານທີ່ໃກ້ຊິດ ແລະ ສະໜິດສະໜົມເທົ່ານັ້ນ ແຕ່ຍັງເປັນສະມາຊິກ ຂອງຄອບຄົວອາຊຽນ ອີກດ້ວຍ ແລະ ມີຄວາມຜູກພັນ ແລະ ຄຸນຄ່າຄວາມເຊື່ອຫຼາຍຢ່າງຄ້າຍຄືກັນ. ຂ້າພະເຈົ້າ ເຊື່ອ ໝັ້ນວ່າ ບົນພື້ນຖານສາຍພົວພັນອັນມູນເຊື້ອຍາວນານດັ່ງກ່າວ ຈະເຮັດໃຫ້ສາຍພົວພັນ ແລະ ການຮ່ວມມືສອງຝ່າຍ ທີ່ກຳລັງຈະເລີນງອກງາມ ລະຫວ່າງ ສອງປະເທດພວກເຮົາ ສືບຕໍ່ເຕີບໃຫຍ່ເຂັ້ມແຂງ ແລະ ເຂົ້າສູ່ລວງເລິກຍິ່ງຂຶ້ນເປັນ ກ້າວໆ ໃນຊຸມປີຕໍ່ໜ້າ.
ຂ້າພະເຈົ້າ ເຊື່ອວ່າ ຄົບຮອບ 65 ປີ ແຫ່ງການສ້າງຕັ້ງສາຍພົວພັນການທູດຂອງພວກເຮົາ ຈະເປັນການເປີດສັງ ກາດໃໝ່ຂອງສາຍພົວພັນສອງຝ່າຍ ແລະ ເປັນໂອກາດອັນຍິ່ງໃຫຍ່ໃຫ້ແກ່ພວກເຮົາ ເພື່ອເສີມຂະຫຍາຍຄວາມຕັ້ງໃຈ ຂອງ ພວກເຮົາ ໃນການເຮັດວຽກຮ່ວມກັນຢ່າງເຂັ້ມແຂງ ເພື່ອສົ່ງເສີມມິດຕະພາບ ແລະ ການຮ່ວມມື ຂອງພວກເຮົາ ທັງໃນຂອບສອງຝ່າຍ ແລະ ຫຼາຍຝ່າຍ ໃຫ້ມີຄວາມກ້າວໜ້າຂຶ້ນໄປເລື້ອຍໆ ໂດຍສະເພາະ ອາຊຽນ ແລະ ສະຫະປະຊາ ຊາດ.ພວກຂ້າພະເຈົ້າ ມີຄວາມຫວັງວ່າ ຈະຮ່ວມສົ່ງເສີມການຮ່ວມມືບໍ່ພຽງແຕ່ ລະຫວ່າງ ລັດຖະບານ ກັບ ລັດຖະບານໃຫ້ເຂັ້ມແຂງເທົ່ານັ້ນ ແຕ່ຍັງຈະສົ່ງເສີມການພົວພັນ ລະຫວ່າງ ປະຊາຊົນ ກັບ ປະຊາຊົນ ອີກດ້ວຍ ເພື່ອເຮັດໃຫ້ມິດຕະພາບ ລະຫວ່າງ ສອງ ປະເທດພວກເຮົາ ຍືນຍົງຄົງຕົວຍາວນານຕະຫຼອດໄປໃນອະນາຄົດ.
ຂ້າພະເຈົ້າ ຂໍຖືໂອກາດນີ້ ສະແດງຄຳອວຍພອນໄຊອັນປະເສີດ ມາຍັງ ພະນະທ່ານ ຈົ່ງມີສຸຂະພາບແຂງແຮງແລະມີຄວາມສຸກສ່ວນຕົວ ແລະ ຂໍໃຫ້ປະຊາຊົນ ແຫ່ງ ສປປ ລາວ ຈົ່ງມີຄວາມຈະເລີນຮຸ່ງເຮືອງຕະຫຼອດໄປ.
ດ້ວຍຄວາມນັບຖື,
(ລາຍເຊັນ)
ອອງ ຊານ ຊູ ຈີ
ພະນະທ່ານ ທອງລຸນ ສີສຸລິດ,
ນາຍົກລັດຖະມົນຕີ
ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ.
ວັນທີ 06 ກໍລະກົດ 2020
ພະນະທ່ານ ສະເຫຼີມໄຊ ກົມມະສິດ ທີ່ຮັກແພງ,
ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ອວຍພອນໄຊອັນປະເສີດມາຍັງ ພະນະທ່ານ, ເນື່ອງໃນໂອກາດອັນສະຫງ່າລາສີ ຄົບຮອບ 65 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ສະຫະພາບ ມຽນມາ ແລະ ສາທາລະນະລັດ ປະຊາທິປະໄຕ ປະຊາຊົນລາວ.
ຂ້າພະເຈົ້າ ມີຄວາມພາກພູມໃຈ ທີ່ພວກເຮົາໄດ້ມີວັດທະນະທຳ ແລະ ຄຸນຄ່າຄວາມເຊື່ອທີ່ຄ້າຍຄືກັນ, ມຽນມາ ແລະ ສປປ ລາວ ໄດ້ທະນຸຖະໜອມສາຍພົວພັນມິດຕະພາບທີ່ເປັນມູນເຊື້ອແບບອ້າຍນ້ອງ ແລະ ການຮ່ວມມືອັນໃກ້ຊິດສະໜິດສະໜົມ ນັບແຕ່ການສ້າງຕັ້ງສາຍພົວພັນການທູດໃນປີ 1955. ຂ້າພະເຈົ້າ ຍັງມີຄວາມຊົງຈຳອັນດີຕໍ່ຄວາມ ເພິ່ງພໍໃຈ ທີ່ໄດ້ມາຢ້ຽມຢາມຢ່າງເປັນທາງການປະເທດທີ່ສວຍງາມ ແລະ ສະຫງົບສຸກ ຂອງພະນະທ່ານແລະ ໄດ້ມີການ ປຶກສາຫາລືອັນມີໝາກມີຜົນໃນກອງປະຊຸມຄະນະກຳມາທິການຮ່ວມ ວ່າດ້ວຍການຮ່ວມສອງຝ່າຍ ຄັ້ງທີ 12 ຂອງ ພວກເຮົາ ໃນເມື່ອບໍ່ດົນມານີ້.
ຂ້າພະເຈົ້າ ເຊື່ອໝັ້ນວ່າ ການລະນຶກເຖິງວັນສ້າງຕັ້ງສາຍພົວພັນການທູດ ຄົບຮອບ 65 ປີ ເປັນໂອກາດທີ່ມີຄຸນ ຄ່າ ເພື່ອສືບຕໍ່ພັນທະຂອງພວກເຮົາ ໃນການເສີມຂະຫຍາຍມິດຕະພາບຂອງພວກເຮົາ ທັງໃນກອບສອງຝ່າຍ ແລະ ຫຼາຍ ຝ່າຍ ເພື່ອຜົນປະໂຫຍດຂອງສອງປະເທດ ແລະ ປະຊາຊົນສອງຊາດ ຂອງພວກເຮົາ ກໍຄືເພື່ອອາຊຽນ ໂດຍລວມ.
ໃນຂະນະທີ່ພວກເຮົາ ພະຍາຍາມສືບຕໍ່ການພັດທະນາເສດຖະກິດ-ສັງຄົມ ຂອງປະເທດຂອງພວກເຮົາ ໃນ ເວລາທີ່ມີສິ່ງທ້າທາຍທີ່ບໍ່ເຄີຍມີມາກ່ອນ, ຂ້າພະເຈົ້າ ຫວັງວ່າ ຈະໄດ້ຮ່ວມເຮັດວຽກຢ່າງໃກ້ຊິດຮ່ວມກັບ ພະນະທ່ານ ທັງໃນກອບສອງຝ່າຍ ແລະ ຫຼາຍຝ່າຍ ໃນຫຼາຍຂົງເຂດທີ່ມີຄວາມສົນໃຈຮ່ວມກັນ.
ຂ້າພະເຈົ້າ ຂໍອວຍພອນໄຊອັນປະເສີດ ມາຍັງ ພະນະທ່ານ ຈົ່ງມີສຸຂະພາບແຂງແຮງ ແລະ ສືບຕໍ່ປະສົບຜົນສຳ ເລັດ ແລະ ຂໍໃຫ້ປະຊາຊົນ ແຫ່ງ ສປປ ລາວ ສືບຕໍ່ມີຄວາມຈະເລີນຮຸ່ງເຮືອງ.
ດ້ວຍຄວາມນັບຖື,
(ລາຍເຊັນ)
ຈໍ ຕິນ
ພະນະທ່ານ ສະເຫຼີມໄຊ ກົມມະສິດ,
ລັດຖະມົນຕີກະຊວງການຕ່າງປະເທດ
ສາທາລະນະລັດ ປະຊາທິປະໄຕ ປະຊາຊົນລາວ
ນະຄອນຫຼວງວຽງຈັນ.