ເຖິງ ພະນະທ່ານ ທອງລຸນ ສີສຸລິດ
ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານ,
ຂ້າພະເຈົ້າ ມີຄວາມປິຕິຍິນດີສົ່ງຄໍາຊົມເຊີຍຢ່າງຈິງໃຈ ແລະ ພອນໄຊອັນປະເສີດ ມາຍັງ ພະນະທ່ານ ໃນໂອກາດທີ່ ພະນະທ່ານ ໄດ້ຮັບການເລືອກຕັ້ງໃຫ້ດຳລົງຕໍາແໜ່ງເປັນ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
ຂ້າພະເຈົ້າ ເຊື່ອໝັ້ນວ່າ ໂດຍຜ່ານວຽກງານອັນມີຜົນສໍາເລັດໃນໜ້າທີ່ຕໍາແໜ່ງອັນຊົງກຽດຂອງ ພະນະທ່ານ ແລະ ດ້ວຍຄວາມພະຍາຍາມຮ່ວມກັນຂອງພວກເຮົາ, ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ ແລະ ຍາວນານ ລະຫວ່າງ ອຸດສະເບກິດສະຖານ ແລະ ລາວ ຈະສືບຕໍ່ເສີມຂະຫຍາຍໃນອະນາຄົດ.
ຂ້າພະເຈົ້າ ຂໍຖືໂອກາດດັ່ງກ່າວນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມສຸກໂຊກດີໃນຊີວິດຄອບຄົວ ແລະ ປະສົບຜົນສໍາເລັດອັນໃໝ່ໃຫຍ່ຫຼວງກວ່າເກົ່າໃນຫນ້າທີ່ຮັບຜິດຊອບຂອງຕົນ. ພ້ອມທັງອວຍພອນໃຫ້ ປະຊາຊົນລາວ ຈົ່ງມີສັນຕິສຸກ, ຄວາມຈະເລີນຮຸ່ງເຮືອງ ແລະ ຄວາມຜາສຸກ.
ຂໍສະແດງຄວາມນັບຖືຢ່າງສູງ,
ຊາບກັດ ມີຣຊິໂຢເຢບ
ປະທານາທິບໍດີ ແຫ່ງ ສາທາລະນະລັດ ອຸດສະເບກິດສະຖານ
ທີ່ ຕັດສະເກັນ,
26 ມີນາ 2021