ວັນທີ 26 ມີນາ 2021

ພະນະທ່ານ ທອງລຸນ ສີສຸລິດ

ປະທານປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ,

ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ມາຍັງພະນະທ່ານ ທີ່ໄດ້ຮັບເລືອກຕັ້ງ ດຳລົງຕຳແໜ່ງເປັນປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

ຂ້າພະເຈົ້າ ພ້ອມດ້ວຍປະຊາຊົນ ຟິລິບປິນ ຂໍອວຍພອນໄຊມາຍັງພະນະທ່ານ ຈົ່ງປະສົບຜົນສຳເລັດ ໃນການປະຕິບັດໜ້າທີ່ໃໝ່ຂອງ ພະນະທ່ານ ເພື່ອສັນຕິພາບ, ຄວາມກ້າວໜ້າ ແລະຄວາມຈະເລີນຮຸ່ງເຮືອງຂອງປະຊາຊົນລາວ.

ຂ້າພະເຈົ້າ ເຊື່ອໝັ້ນວ່າ ສາຍພົວພັນທີ່ດີເລີດລະຫວ່າງສອງປະເທດຂອງພວກເຮົາ ຈະໄດ້ຮັບການສືບ ຕໍ່ແຕກດອກອອກຜົນ ເພື່ອຜົນປະໂຫຍດຂອງປະຊາຊົນສອງຊາດຂອງພວກເຮົາ, ພາກພື້ນອາຊຽນ ແລະໃນໂລກ.

ຂ້າພະເຈົ້າ ພ້ອມແລ້ວທີ່ ຈະໄດ້ສືບຕໍ່ເຮັດວຽກຮ່ວມກັບ ພະນະທ່ານ ຢ່າງໃກ້ຊິດ ເພື່ອຟື້ນຟູເສດຖະກິດ ແລະຮັບປະກັນຄວາມຍືນຍົງທາງດ້ານເສດຖະກິດຈາກການລະບາດຂອງພະຍາດໂຄວິດ-19.

ດ້ວຍຄວາມນັບຖືຢ່າງສູງ,

[ລາຍເຊັນ]

ໂຣດຣິໂກ ໂຣອາ ດູເຕີເຕ້