ໂນໂຣດົມ ສີຫາໂມນີ
ພະມະຫາກະສັດແຫ່ງ ຣາຊະອານາຈັກ ກຳປູເຈຍ
ເຖິງ
ພະນະທ່ານປອ. ທອງລຸນ ສີສຸລິດ, ປະທານປະເທດ
ແຫ່ງສາທາລະນະລັດ ປະຊາທິປະໄຕ ປະຊາຊົນລາວ
ພະນະທ່ານປະທານປະເທດ,
ເນື່ອງໃນໂອກາດອັນເບີກບານມ່ວນຊື່ນວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຮ່ວມກັບປະຊາຊົນ ແຫ່ງ ຣາຊະອານາຈັກ ກໍາປູເຈຍ ຂໍສົ່ງຄໍາຊົມເຊີຍເປັນຢ່າງຍິ່ງ ມາຍັງ ພະນະທ່ານ ແລະ ພີ່ນ້ອງຮ່ວມຊາດທຸກໆຄົນ ຂອງພະນະທ່ານ.
ຂ້າພະເຈົ້າ ເຊື່ອໝັ້ນວ່າ ການພົວພັນຮ່ວມມືທີ່ມີມາແຕ່ດົນນານ ລະຫວ່າງ ຣາຊະອານາຈັກ ກໍາປູເຈຍ ແລະ ສາທາ ລະນະລັດ ປະຊາທິປະໄຕ ປະຊາຊົນລາວ ທັງກອບສອງຝ່າຍ ຫຼື ພາຍໃນອາຊຽນ ແລະ ຝຣັ່ງໂກໂຟນນີ ຈະສືບຕໍ່ຈະເລີນຮຸ່ງເຮືອງຍິ່ງໆຂຶ້ນ.
ຂ້າພະເຈົ້າ ຂໍອວຍພອນໃຫ້ ພະນະທ່ານ ຈົ່ງມີສຸຂະພາບແຂງແຮງ ແລະ ປະສົບຜົນສໍາເລັດ ກໍ່ຄື ສືບຕໍ່ຄວາມກ້າວໜ້າ ແລະ ຈະເລີນຮຸ່ງເຮື່ອງຕໍ່ປະເທດຂອງພະນະທ່ານ.
ດ້ວຍຄວາມນັບຖືຢ່າງສູງ,
ນະຄອນຫຼວງພະນົມເປັນ, ວັນທີ 29 ພະຈິກ 2021
------------------------------------------
ສົມເດັດ ອັກຄະ ມະຫາ ເສນາ ບໍດີ ເຕໂຈ ຮຸນ ແຊນ
ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ
ນະຄອນຫຼວງພະນົມເປັນ, ວັນທີ 29 ພະຈິກ2021
ພະນະທ່ານປອ. ພັນຄໍາ ວິພາວັນ
ນາຍົກລັດຖະມົນຕີ
ສາທາລະນະລັດປະຊາທິປະໄຕປະຊາຊົນລາວ
ທີ່ນະຄອນຫຼວງວຽງຈັນ
ພະນະທ່ານ,
ໃນນາມລັດຖະບານແລະ ປະຊາຊົນ ແຫ່ງ ຣາຊະອານາຈັກ ກຳປູເຈຍ, ຂ້າພະເຈົ້າ ຂໍສົ່ງຄໍາຊົມເຊີຍອັນອົບອຸ່ນ ແລະ ອວຍພອນໄຊອັນປະເສີດ ມາຍັງ ພະນະທ່ານ ແລະ ຜ່ານພະນະທ່ານ ໄປຍັງ ລັດຖະບານ ແລະ ປະຊາຊົນລາວອ້າຍນ້ອງ ເນື່ອງໃນໂອກາດອັນສະຫງ່າລາສີ ວັນຊາດ ແຫ່ງ ສາທາລະນະລັດ ປະຊາທິປະໄຕປະຊາຊົນລາວຄົບຮອບ 46ປີ.
ຂ້າພະເຈົ້າ ມີຄວາມປິຕິຍິນດີ ທີ່ເຫັນວ່າ ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ບົນພື້ນຖານນໍ້າໃຈຄວາມສາມັກຄີ ແລະ ຄວາມເປັນບ້ານໃກ້ເຮືອນຄຽງທີ່ດີ ໄດ້ຮັບການເສີມຂະຫຍາຍຍິ່ງໆຂຶ້ນ ເພື່ອຜົນປະໂຫຍດຮ່ວມກັນ ແລະ ຄວາມຈະເລີນຮຸ່ງເຮືອງ ຂອງສອງຊາດພວກເຮົາ. ຂ້າພະເຈົ້າ ເຊື່ອໝັ້ນວ່າ ການຢ້ຽມຢາມກຳປູເຈຍ ຢ່າງເປັນທາງການ ຂອງພະນະທ່ານ ໃນເດືອນພະຈິກນີ້ ຈະສືບຕໍ່ຮັດແໜ້ນສາຍພົວພັນສອງຝ່າຍທີ່ໃກ້ຊິດຂອງພວກເຮົາ.
ຂ້າພະເຈົ້າ ຂໍຖືໂອກາດນີ້ ສະແດງຄວາມຂອບໃຈຕໍ່ການສະໜັບສະໜູນທີ່ສະເໝີຕົ້ນສະເໝີປາຍ ຂອງພະນະທ່ານ ທີ່ມີຕໍ່ກຳປູເຈຍ ໃນການເປັນເຈົ້າພາບຈັດກອງປະຊຸມສຸດຍອດ ASEM ຄັ້ງທີ13ທີ່ຜ່ານມາ ແລະ ການເປັນປະທານອາຊຽນ ໃນປີ 2022 ພາຍໃຕ້ຫົວຂໍ້ “ASEANA.C.T: ແກ້ໄຂສິ່ງທ້າທາຍຮ່ວມກັນ”.
ດ້ວຍຄວາມເຄົາລົບ ແລະ ນັບຖືຢ່າງສູງ ແລະ ອວຍພອນໄຊອັນປະເສີດ ມາຍັງ ພະນະທ່ານ ຈົ່ງມີສຸຂະພາບເຂັ້ມ ແຂງ, ມີຄວາມຜາສຸກ ແລະ ສືບຕໍ່ໄດ້ຮັບຜົນສໍາເລັດ ເພື່ອຄວາມຈະເລີນຍິ່ງໆຂຶ້ນຂອງປະຊາຊົນລາວ.
ຮຸນ ແຊນ
------------------------------------------
ຮອງນາຍົກລັດຖະມົນຕີ
ລັດຖະມົນຕີກະຊວງການຕ່າງປະເທດ
ແລະການຮ່ວມມືສາກົນ
ນະຄອນຫຼວງພະນົມເປັນ, ວັນທີ 29 ພະຈິກ 2021
ພະນະທ່ານສະເຫຼີມໄຊ ກົມມະສິດ
ລັດຖະມົນຕີກະຊວງການຕ່າງປະເທດ
ສາທາລະນະລັດປະຊາທິປະໄຕປະຊາຊົນລາວ
ທີ່ນະຄອນຫຼວງວຽງຈັນ
ພະນະທ່ານສະເຫຼີມໄຊ ທີ່ຮັກແພງ,
ຂ້າພະເຈົ້າ ມີຄວາມພາກພູມໃຈເປັນຢ່າງຍິ່ງ ຂໍສົ່ງຄໍາຊົມເຊີຍອັນຈິງໃຈ ແລະ ອວຍພອນໄຊອັນປະເສີດ ມາຍັງ ພະ ນະທ່ານ ແລະ ພະນັກງານກະຊວງການຕ່າງປະເທດ ແຫ່ງ ສປປ ລາວ ທຸກຖ້ວນໜ້າ ເນື່ອງໃນໂອກາດອັນເບີກບານມ່ວນຊື່ນ ແຫ່ງ ການສະເຫຼີມສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 46ປີ.
ເປັນທີ່ສັງເກດວ່າ ການພົວພັນທາງການທູດຂອງພວກເຮົາ ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ດ້ວຍນໍ້າໃຈ ຄວາມສາມັກຄີ, ມິດຕະພາບອັນເປັນມູນເຊື້ອ ແລະ ຄວາມເປັນບ້ານໃກ້ເຮືອນຄຽງທີ່ດີ. ຂ້າພະເຈົ້າ ເຊື່ອໝັ້ນວ່າ ດ້ວຍຄວາມມຸ່ງມາດປາດຖະໜາຮ່ວມກັນຂອງພວກເຮົາ, ກຳປູເຈຍ ແລະ ລາວ ຈະສືບຕໍ່ເຮັດວຽກຮ່ວມກັນຢ່າງໃກ້ຊິດ ເພື່ອສົ່ງ ເສີມການພົວພັນຄູ່ຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານ ເພື່ອຜົນປະໂຫຍດຮ່ວມກັນຂອງປະຊາຊົນສອງປະເທດພວກເຮົາ, ພ້ອມທັງປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ ຢູ່ໃນພາກພື້ນ ແລະ ໃນໂລກ.
ດ້ວຍຄວາມເຄົາລົບ ແລະ ນັບຖືຢ່າງສູງ ແລະ ອວຍພອນໄຊອັນປະເສີດ ມາຍັງ ພະນະທ່ານ ຈົ່ງມີສຸຂະພາບແຂງ ແຮງ, ມີຄວາມຜາສຸກ ແລະ ສືບຕໍ່ປະສົບຜົນສຳເລັດໃນໜ້າທີ່ວຽກງານອັນສູງສົ່ງ ຂອງພະນະທ່ານ.
ປຣາກໂຊຄົນ
------------------------------------------