ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະນະທ່ານ ທອງລຸນ ສີສຸລິດ

ພະນະທ່ານປະທານປະເທດ,

ເນື່ອງໃນໂອກາດທີ່ມີຄວາມໝາຍສໍາຄັນຄົບຮອບ 30 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ອຸດສະເບກິດສະຖານ ແລະ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍ ສົ່ງຄຳຊົມເຊີຍອັນຈິງໃຈ ມາຍັງ ພະນະທ່ານ ແລະ ປະຊາຊົນລາວ ທຸກຖ້ວນໜ້າ.

ຂ້າພະເຈົ້າ ເຊື່ອໝັ້ນວ່າດ້ວຍຄວາມພະຍາຍາມຮ່ວມກັນ, ສາຍພົວພັນອັນອົບອຸ່ນ, ຕ່າງຝ່າຍຕ່າງມີຜົນປະໂຫຍດ ແລະ ການເປັນຄູ່ຮ່ວມມືທີ່ຍາວນານ ລະຫວ່າງ ສອງປະເທດເພື່ອນມິດພວກເຮົາ ຈະສືບຕໍ່ພັດທະ ນາຢ່າງຕໍ່ເນື່ອງ.

ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມສຸກໃນຊີວິດຄອບຄົວ, ປະສົບຜົນສຳເລັດໃນພາລະກິດນໍາພາປະເທດຊາດທີ່ເຕັມໄປດ້ວຍຄວາມຮັບຜິດຊອບຂອງ ພະນະທ່ານ, ພ້ອມທັງອວຍພອນໃຫ້ ປະຊາຊົນ ລາວ ສືບຕໍ່ມີສັນຕິພາບ, ວັດທະນະຖາວອນ ແລະ ຄວາມຜາສຸກ.

ດ້ວຍຄວາມນັບຖືຢ່າງສູງ,

ຊາບກັດ ເມຊິໂຢເຢັບ

ປະທານາທິບໍດີ ແຫ່ງ ສາທາລະນະລັດ ອຸດສະເບກິດສະຖານ

ທີ່ ຕັດສະເກັນ

ວັນທີ 10 ກັນຍາ 2022

ທີ່ ຕັດສະເກັນ, ວັນທີ 10 ກັນຍາ 2022

ພະນະທ່ານ,

ເນື່ອງໃນໂອກາດອັນສະຫງ່າລາສີ ຄົບຮອບ 30 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ອຸດສະເບກິດສະຖານ ແລະ ສາທາລະນະລັດ ປະຊາທິປະໄຕ ປະຊາຊົນລາວ, ຂ້າພະເຈົ້າ ຂໍ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ພະນະທ່ານ ແລະ ປະຊາຊົນລາວ ເພື່ອນມິດທຸກຖ້ວນໜ້າ.

ຂ້າພະເຈົ້າ ພ້ອມທີ່ຈະສືບຕໍ່ເສີມຂະຫຍາຍການພັດທະນາສາຍພົວພັນອັນຈິງໃຈ ລະຫວ່າງ ສອງປະເທດພວກເຮົາ, ລວມທັງການສືບຕໍ່ຮັດແໜ້ນການຮ່ວມມືໃນຂົງເຂດການເມືອງ, ການຄ້າ, ເສດຖະກິດ, ການພັດ ທະນາບຸກຄະລາກອນ ແລະ ຂົງເຂດອື່ນໆ.

ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ ພະນະທ່ານ ຈົ່ງມີສຸຂະພາບເຂັ້ມແຂງ, ມີຄວາມຈະເລີນກ້າວໜ້າ ແລະ ປະສົບຜົນສຳເລັດໃນພາລະກິດທີ່ເຕັມໄປດ້ວຍຄວາມຮັບຜິດຊອບອັນສູງສົ່ງຂອງ ພະນະທ່ານ, ພ້ອມທັງອວຍພອນໃຫ້ ປະຊາຊົນ ລາວ ສືບຕໍ່ມີຄວາມຈະເລີນກ້າວໜ້າ ແລະ ວັດທະນະຖາວອນ.

ດ້ວຍຄວາມນັບຖືຢ່າງສູງ,

ວະລາດີເມຍ ໂນຣົບ

ຮັກສາການ ລັດຖະມົນຕີ

ພະນະທ່ານ ສະເຫຼີມໄຊ ກົມມະສິດ

ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ທີ່ ນະຄອນຫຼວງວຽງຈັນ