ນະຄອນ​ຫລວງວຽງຈັນ, ວັນ​ທີ 31 ຕຸລາ 2022

ພ​ະນະ​ທ່ານ,
 

ຂ້າພະ​ເຈົ້າ​ ຮູ້ສຶກເສົ້າໃຈເປັນຢ່າງຍິ່ງ ທີ່ຮັບຊາບຂ່າວກ່ຽວກັບເຫດການເສົ້າສະຫລົດໃຈ ທີ່ເກີດຂຶ້ນຢູ່ເຂດເມືອງອີແຕວອນ, ນະຄອນຫຼວງເຊອູນ ສ.ເກົາຫຼີ ໃນວັນທີ 29 ຕຸລາ 2022 ຜ່ານມາ ອັນໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບ ຈໍານວນຫຼາຍ.

ຂ້າພະເຈົ້າ ຕາງໜ້າໃຫ້ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍ່ຄືໃນນາມສ່ວນຕົວ, ຂໍສະແດງຄວາມເສົ້າໃຈ ແລະ ເຫັນໃຈຢ່າງສຸດຊຶ້ງ ມາຍັງ ພະນະທ່ານ ແລະ ໂດຍຜ່ານພະນະທ່ານ ໄປຍັງປະຊາຊົນ ແຫ່ງ ສາທາລະນະລັດ ເກົາຫຼີ ໂດຍສະເພາະ ຕໍ່ຄອບຄົວຂອງຜູ້ໄດ້ຮັບເຄາະຮ້າຍ ຈາກເຫດການໃນຄັ້ງນີ້.

ດ້ວຍ​ຄວາມ​ນັບຖື​ຢ່າງ​ສູງ,         

ທອງລຸນ ສີສຸລິດ
ປະທານປະເທດ
ແຫ່ງ​ ສາທາລະນະ​ລັດ ປະຊາທິປະ​ໄຕ ປະຊາ​ຊົນ​ລາວ

ພະນະ​ທ່ານ ຢູນ ຊອກ ຢອນ
ປະທານາທິບໍດີ ແຫ່ງ ສາທາລະນະ​ລັດ ​ເກົາ​ຫຼີ
ທີ່ ​ເຊ​ອູ​ນ

ນະຄອນ​ຫລວງວຽງຈັນ, ວັນ​ທີ 31 ຕຸລາ 2022

ພ​ະນະ​ທ່ານ,
 

ຂ້າພະ​ເຈົ້າ​ ຮູ້ສຶກຕົກໃຈ ແລະ ເສົ້າໃຈເປັນຢ່າງຍິ່ງ ທີ່ໄດ້ຊາບຂ່າວເຫດການທີ່ເສົ້າສະຫລົດໃຈ ຢູ່ເຂດເມືອງອີແຕວອນ, ນະຄອນຫຼວງເຊອູນ ສ.ເກົາຫຼີ ໃນວັນທີ 29 ຕຸລາ 2022 ຜ່ານມາ, ອັນໄດ້ເຮັດໃຫ້ມີຜູ້ເສຍຊີວິດ ແລະ ບາດເຈັບຈຳນວນຫລາຍ.

ໃນນາມ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍ່ຄືໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເສຍໃຈຢ່າງສຸດຊຶ້ງ ແລະ ຂໍແບ່ງເບົາຄວາມໂສກເສົ້າ ມາຍັງ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ເກົາຫຼີ ກໍຄືຄອບຄົວ ແລະ ຍາດພີ່ນ້ອງຂອງຜູ້ໄດ້ຮັບເຄາະຮ້າຍຈາກເຫດການໃນຄັ້ງນີ້.   

ດ້ວຍ​ຄວາມ​ນັບຖື​ຢ່າງ​ສູງ,         

ພັນຄໍາ ວິພາວັນ
ນາຍົກລັດຖະມົນຕີ
ແຫ່ງ​ ສາທາລະນະ​ລັດ ປະຊາທິປະ​ໄຕ ປະຊາ​ຊົນ​ລາວ

ພະນະ​ທ່ານ ຮັນ ດອກ ຊູ
ນາຍົກລັດຖະມົນຕີ ແຫ່ງ ສາທາລະນະ​ລັດ ​ເກົາ​ຫຼີ
ທີ່ ​ເຊ​ອູ​ນ

ນະຄອນ​ຫລວງວຽງຈັນ, ວັນ​ທີ 31 ຕຸລາ 2022

ພ​ະນະ​ທ່ານ,
 

ຂ້າພະ​ເຈົ້າ​ ໄດ້ຮັບຂ່າວສະຫລົດໃຈ ຕໍ່ເຫດການໂສກນາດຕະກຳທີ່ເກີດຂຶ້ນຢູ່ເຂດອີແຕວອນ, ນະຄອນຫຼວງເຊອູນ ສ.ເກົາຫຼີ ໃນວັນທີ 29 ຕຸລາ 2022 ຜ່ານມາ ອັນເປັນເຫດນຳໄປສູ່ການສູນເສຍຊີວິດຂອງປະຊາຊົນ ສ.ເກົາຫຼີ ເປັນຈຳນວນຫລາຍ.

​         

ຂ້າພະເຈົ້າ ຂໍຕາງໜ້າໃຫ້ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍ່ຄືໃນນາມສ່ວນຕົວ, ຂໍສະແດງຄວາມເສຍໃຈ ແລະ ເຫັນໃຈຢ່າງສຸດຊຶ້ງມາຍັງ ພະນະທ່ານ ແລະ ໂດຍຜ່ານພະນະທ່ານໄປຍັງລັດຖະບານ ແລະ ປະຊາຊົນ ແຫ່ງ ສາທາລະນະລັດ ເກົາຫຼີ ໂດຍສະເພາະສະມາຊິກຄອບຄົວຜູ້ໄດ້ຮັບເຄາະຮ້າຍຈາກເຫດການໃນຄັ້ງນີ້.

ດ້ວຍ​ຄວາມ​ນັບຖື​ຢ່າງ​ສູງ,         

ສະເຫຼີມໄຊ ກົມມະສິດ
ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ
ແຫ່ງ​ ສາທາລະນະ​ລັດ ປະຊາທິປະ​ໄຕ ປະຊາ​ຊົນ​ລາວ

ພະນະ​ທ່ານ ປາກ ຈິນ
ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະ​ລັດ ​ເກົາ​ຫຼີ
ທີ່ ​ເຊ​ອູ​ນ