ນະຄອນຫລວງວຽງຈັນ, ວັນທີ 4 ພະຈິກ 2022

ພະນະທ່ານ

ຂ້າພະເຈົ້າ ໄດ້ຮັບຂ່າວດ້ວຍຄວາມເສົ້າໃຈຕໍ່ເຫດການນໍ້າຖ້ວມ ແລະ ດິນເຈື່ອນ ທີ່ເກີດຈາກຜົນກະທົບຈາກ ພາຍຸນາແກ ທີ່ພັດເຂົ້າພາກໃຕ້ຂອງ ຟີລິບປິນ, ເຊິ່ງໄດ້ສ້າງຄວາມເສຍຫາຍທາງດ້ານຊີວິດ ແລະ ຊັບສິນ ເປັນຈຳນວນຫລວງຫລາຍ ຂອງ ປະຊາຊົນ ຟີລິບປິນ ທີ່ດຳລົງຊີວິດ ຢູ່ໃນພື້ນທີ່ດັ່ງກ່າວ.

ໃນນາມ ລັດຖະບານ ແລະ ປະຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມເຫັນໃຈ ແລະ ເສົ້າສະຫຼົດໃຈຢ່າງສຸດຊຶ້ງ ມາຍັງ ພະນະທ່ານ, ລັດຖະບານ ແລະ ປະຊາຊົນ ຟີລິບປິນ ໂດຍສະເພາະແມ່ນຄອບຄົວຂອງຜູ້ທີ່ຖືກເຄາະຮ້າຍຈາກເຫດການຄັ້ງນີ້.

ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນຳພາອັນປີຊາສາມາດຂອງ ພະນະທ່ານ, ລັດຖະບານ ແລະ ປະຊາຊົນ ຟີລິບປິນ ຈະສາມາດຜ່ານຜ່າຄວາມຫຍຸ້ງຍາກທີ່ເກີດຈາກໄພພິບັດໃນຄັ້ງນີ້ ແລະ ຟື້ນຟູພື້ນທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.

                                    ດ້ວຍຄວາມເຄົາລົບ ແລະ ນັບຖືຢ່າງສູງ,

     ພັນຄໍາ ວິພາວັນ

       ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະ​ນະ​ທ່ານ ເຟີດີນານ ໂຣມູນເດັດສ໌ ມາກ໋ອດ ຈູເນຍ,

ປະທານາທິບໍດີ ແຫ່ງ ສາທາລະນະລັດ ຟິລິບປິນ ທີ່ ມະນີລາ

--------------------------------------------------------------------------------------

ນະຄອນຫຼວງວຽງຈັນ, ວັນທີ 2 ພະຈິກ 2022

ພະ​ນະ​ທ່ານ,

ຂ້າ​ພະ​ເຈົ້າ ໄດ້​ຮັ​ບ​ຂ່​າວ​ວ່າ ເຫດການນໍ້າຖ້ວມ ແລະ ດິນເຈື່ອນ ຜົນກະທົບຈາກພາຍຸເຂດຮ້ອນ ນາແກ ຢູ່​ໃນທາງພາກໃຕ້ຂອງ ສາ​ທາ​ລະ​ນະ​ລັດ ຟິລິບປິນ ເຊິ່ງ​ໄດ້​ສ້າງ​ຄວາມ​ເສຍ​ຫາຍ​ຕໍ່​ຊີວິດ ແລະ ຊັບ​ສິນ​ຂອງ​ປະ​ຊາ​ຊົນ ຟິລິບປິນ ທີ່ອາໄສຢູ່ເຂັດດັ່ງກ່າວ ເປັນ​ຈຳ​ນວນຫຼວງຫຼາຍ.

ໃນນາມລັດ​ຖະ​ບານ ແລະ ປະ​ຊາ​ຊົນ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ໃນ​ນາມ​ສ່ວນ​ຕົວ ຂ້າພະ​ເຈົ້າ​ ຂ​ໍ​ສະ​ແດງ​ຄວາມ​ເຫັນ​ອົກ​ເຫັນ​ໃຈ ແລະ ຄວາມໂສກເສົ້າອັນສຸດຊຶ້ງ ໂດຍຜ່ານ ພະ​ນະ​ທ່ານ, ລັດ​ຖະ​ບານ ແລະ ປະ​ຊາ​ຊົນ​  ຟິລິບປິນ ໂດຍ​ສະ​ເພາະ​ ຕໍ່​ບັນ​ດາ​ຄອບ​ຄົວ​ຜູ້​ທີ່​ໄດ້​ຮັບ​ເຄາະ​ຮ້າຍ​ຈາກ​ໄພ​ພິ​ບັດ​ທຳ​ມະ​ຊາດ​ໃນ​ຄັ້ງນີ້.

ຂ້າ​ພະ​ເຈົ້າ ເຊື່ອ​ໝັ້ນ​ວ່າ ພາຍໃຕ້ຄວາມເອົາໃຈໃສ່ຢ່າງເອົາຈິງເອົາຈັງ ຂອງລັດຖະບານ ຟິລິບປິນ, ປະຊາຊົນຟີລິບປິບ ຈະ​ສາ​ມາດຜ່ານ​ຜ່າ​ຄວາມຫ​ຍຸ້ງ​ຍາກ​ຕ່າງໆ ແລະ ຟື້ນຟູ​ຊິີວິດ​ການ​ເປັນ​ຢູ່​ຂອງ​ປະ​ຊາ​ຊົນ ໃນ​ເຂດ​ທີ່​ຖືກ​ເສຍ​ຫາຍ​ຈາກ​ໄພ​ພິ​ບັດ​ຄັ້ງ​ນີ້ ກັບ​ຄືນ​ສູ່​ສະ​ພາບ​ປົກ​ກະ​ຕິ​ໂດຍ​ໄວ.

ດ້ວຍ​ຄວາມ​ນັບ​ຖື​ຢ່າງ​ສູງ,

ສະເຫຼີມໄຊ ກົມມະສິດ

ພະນະທ່ານ ທີໂອໂດໂຣ ແອວ. ລອກຊິນ ຈູເນຍ.

ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຟິລິບປິນທີ່ ມະນີລາ