ທີ່ ນະຄອນຫຼວງຮ່າໂນ້ຍ.

ສະຫາຍນາຍົກລັດຖະມົນຕີ ທີ່ນັບຖື ແລະ ຮັກແພງ,

ຂ້າພະເຈົ້າ ສຸດທີ່ມີຄວາມເປັນຫ່ວງ ເມື່ອໄດ້ຊາບຂ່າວເກີດເຫດໄຟໄໝ້ຕຶກອາຄານທີ່ຢູ່ອາໃສຂອງປະຊາຊົນ ຢູ່ນະຄອນຫຼວງຮ່າໂນ້ຍ  ໃນຄືນວັນທີ 12 ກັນຍາ 2023 ຜ່ານມາ ອັນໄດ້ສົ່ງຜົນກະທົບຢ່າງໃຫຍ່ຫຼວງຕໍ່ຊີວິດ, ຊັບສິນ, ແລະ ຊີວິດການເປັນຢູ່ ຂອງປະຊາຊົນ ຫວຽດນາມອ້າຍນ້ອງ.

 ຕາງໜ້າໃຫ້ພັກ, ລັດຖະບານ ສປປ ລາວ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຢື້ຢາມຖາມຂ່າວ ແລະ ຄວາມເປັນຫ່ວງອັນຈິງໃຈ ແລະ ເລິກເຊິ່ງ ເຖິງສະຫາຍ ແລະ ຜ່ານສະຫາຍ ໄປຍັງຄອບຄົວຜູ້ປະສົບໄພ ກໍ່ຄືປະຊາຊົນ ຫວຽດນາມ ອ້າຍນ້ອງ.

ຂ້າພະເຈົ້າເຊື່ອໝັ້ນວ່າ, ພາຍໃຕ້ຄວາມເປັນຫ່ວງເປັນໃຍ ຊີ້ນໍາຂອງລັດຖະບານ, ບັນດາຂະແໜງການ ແລະ ອໍານາດການປົກຄອງນະຄອນຫຼວງຮ່າໂນ້ຍ, ປະຊາຊົນ ແລະ ຄອບຄົວຜູ້ສູນເສຍໃນຄັ້ງນີ້ ຈະຜ່ານຜ່າຄວາມຫຍຸ້ງຍາກ, ເຮັດໃຫ້ຊີວິດການເປັນຢູ່ຂອງປະຊາຊົນ ກ້າວເຂົ້າສູ່ສະພາບປົກກະຕິໂດຍໄວ.

ໃນຊ່ວງເວລາອັນໂສກເສົ້ານີ້, ພວກຂ້າພະເຈົ້າ ຂໍແບ່ງເອົາຄວາມທຸກໂສກ ແລະ ສົ່ງຄວາມເຫັນອົກເຫັນໃຈ ມາຍັງ ພັກ, ລັດ ແລະ ປະຊາຊົນຫວຽດນາມອ້າຍນ້ອງ ໂດຍສະເພາະຕໍ່ຄອບຄົວ, ຍາດພີ່ນ້ອງ ຂອງຜູ້ປະສົບໄພມານະໂອກາດນີ້.

 ລັດຖະບານ ແລະ ປະຊາຊົນ ລາວ ຍາມໃດກໍ່ຢູ່ຄຽງຂ້າງພັກ, ລັດຖະບານ ແລະ ປະຊາຊົນ ຫວຽດນາມ         ອ້າຍນ້ອງ ໃນເວລາພົບຄວາມຫຍຸ້ງຍາກນີ້ ແລະ ຍົກສູງມູນເຊື້ອ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.

ດ້ວຍຄວາມນັບຖື ແລະ ຮັກແພງ.                      

ນະຄອນຫຼວງວຽງຈັນ, ວັນທີ  14 ກັນຍາ 2023

ສອນໄຊ ສີພັນດອນ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.

--------------------------------------------------------

ທີ່ ນະຄອນຫຼວງຮ່າໂນ້ຍ.

ສະຫາຍ ລັດຖະມົນຕີ ທີ່ນັບຖື ແລະ ຮັກແພງ,

ຂ້າພະເຈົ້າ ສຸດທີ່ມີຄວາມເປັນຫ່ວງ ເມື່ອໄດ້ຊາບຂ່າວເກີດເຫດໄຟໄໝ້ຕຶກອາຄານທີ່ຢູ່ອາໃສຂອງປະຊາຊົນ ຢູ່ນະຄອນຫຼວງຮ່າໂນ້ຍ  ໃນຄືນວັນທີ 12 ກັນຍາ 2023 ຜ່ານມາ ອັນໄດ້ສົ່ງຜົນກະທົບຢ່າງໃຫຍ່ຫຼວງຕໍ່ຊີວິດ, ຊັບສິນ, ແລະ ຊີວິດການເປັນຢູ່ຂອງປະຊາຊົນ ຫວຽດນາມອ້າຍນ້ອງ.

ຕາງໜ້າຄະນະນໍາ, ພະນັກງານກະຊວງການຕ່າງປະເທດ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຢື້ຢາມຖາມຂ່າວ ແລະ ຄວາມເປັນຫ່ວງອັນຈິງໃຈ ແລະ ເລິກເຊິ່ງ ເຖິງສະຫາຍ ແລະ ຜ່ານສະຫາຍ ໄປຍັງຄອບຄົວຜູ້ປະສົບໄພ ກໍ່ຄືປະຊາຊົນ ຫວຽດນາມ ອ້າຍນ້ອງ.

ຂ້າພະເຈົ້າເຊື່ອໝັ້ນວ່າ, ພາຍໃຕ້ຄວາມເປັນຫ່ວງເປັນໃຍ ຊີ້ນໍາຂອງລັດຖະບານ, ບັນດາຂະແໜງການ ແລະ ອໍານາດການປົກຄອງນະຄອນຫຼວງຮ່າໂນ້ຍ, ປະຊາຊົນ ແລະ ຄອບຄົວຜູ້ປະສົບໄພໃນຄັ້ງນີ້ ຈະຜ່ານຜ່າຄວາມຫຍຸ້ງຍາກ, ກ້າວເຂົ້າສູ່ສະພາບປົກກະຕິໂດຍໄວ.

ໃນຊ່ວງເວລາອັນໂສກເສົ້ານີ້, ຕາງໜ້າໃຫ້ ຄະນະພັກ, ຄະນະນໍາກະຊວງ ແລະ ພະນັກງານລັດຖະກອນ ກະຊວງການຕ່າງປະເທດ ຂ້າພະເຈົ້າ ຂໍແບ່ງເບົາຄວາມທຸກໂສກ ຕໍ່ການສູນເສຍດ້ານຊີວິດ ແລະ ຊັບສິນ ຂອງປະຊາຊົນຫວຽດນາມ ອ້າຍນ້ອງ.   

ດ້ວຍຄວາມນັບຖື ແລະ ຮັກແພງ.                      

                                                                        ນະຄອນຫຼວງວຽງຈັນ, ວັນທີ  14 ກັນຍາ 2023

ສະເຫຼີມໄຊ ກົມມະສິດ

ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.