ນະ​ຄອນຫຼວງວຽງ​ຈັນ, ວັນ​ທີ 15 ພຶດສະພາ 2024

ພະ​ນະ​ທ່ານ,

ໃນນາມລັດ​ຖະ​ບານ ແຫ່ງ​ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ກໍຄື ໃນ​ນາມ​    ສ່ວນ​ຕົວ, ຂ້າພະເຈົ້າ ຂໍສະແດງຄວາມຊົມ​ເຊີຍຢ່າງຈິງໃຈ ມາ​ຍັງ ​ພະ​ນະ​ທ່ານ ເນື່ອງໃນ​ໂອ​ກາດ​ທີ່​ ພະ​ນະ​ທ່ານ ​ໄດ້ຮັບການແຕ່ງຕັ້ງ​ໃຫ້​ດຳ​ລົງ​ຕຳ​ແໜ່ງ ເປັນ​ນາ​ຍົກ​ລັດ​ຖະ​ມົນ​ຕີ ແຫ່ງ ​ສາທາລະນະລັດ ສິງກະໂປ. ​

ຂ້າ​ພະ​ເຈົ້າ ​ຫວັງຢ່າງຍິ່ງວ່າ ຈະໄດ້ຮ່ວມເຮັດວຽກກັບ ພະນະທ່ານ ຢ່າງໃກ້ຊິດ ເພື່ອສືບຕໍ່ຮັດ     ແໜ້ນການພົວພັນອັນດີ ແລະ ການຮ່ວມມືອັນໃກ້ຊິດຂອງພວກເຮົາ ຕະຫຼອດໄລຍະ 5 ທົດສະວັດທີ່ຜ່ານມາ ທັງໃນຂອບສອງຝ່າຍ ແລະ ຫຼາຍຝ່າຍ ກໍຄື ຄອບຄົວອາຊຽນ ແນ່ໃສ່ນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດພວກເຮົາ ໃຫ້ນັບມື້ນັບເພີ່ມຂຶ້ນ. ຂ້າພະເຈົ້້າ ເຊື່ອໝັ້ນວ່າ ພາຍໃຕ້ການນໍາພາອັນສະຫຼາດສ່ອງໃສຂອງພະນະນທ່ານ, ສາທາລະນະລັດ ສິງກະໂປ ຈະສືບຕໍ່ໄດ້ຮັບການພັດທະນາ ແລະ ຈະເລີນຮຸ່ງເຮືອງຍິ່ງໆຂຶ້ນ ໃນຊຸມປີຕໍ່ໜ້າ.

ຂ້າ​ພະ​ເຈົ້າ ​ຂໍຖືໂອກາດນີ້ອວຍ​ພອນ​ໄຊອັນປະເສີດ ມາຍັງ​ ພະ​ນະ​ທ່ານ ຈົ່ງ​ມີ​ສຸ​ຂ​ະ​ພາບ​ເຂັ້ມ​ແຂງ, ມີ​ຄວາມ​ຜາ​ສຸກ ແລະ ປະ​ສົບ​ຜົນ​ສຳ​ເລັດໃນໜ້າທີ່ອັນສູງສົ່ງຂອງພະນະທ່ານ ​ ແລະ ຫວັງວ່າຈະໄດ້ພົບປະກັບ ພະນະທ່ານ ໃນອະນາຄົດອັນໃກ້ນີ້.

ດ້ວຍ​ຄວາມ​ນັບ​ຖື​ຢ່າງ​ສູງ,

ສອນໄຊ ສີພັນດອນ

ນາຍົກລັດຖະມົນຕີ

ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ

ພະ​ນະ​ທ່ານ ລໍເຣນສ ວອງ

ນາ​ຍົກ​ລັດ​ຖ​ະ​ມົນ​ຕີ​ ແຫ່ງ ສາທາລະນະລັດ ສິງກະໂປ

ທີ່ ສິງກະໂປ