ເຖິງ: ສະຫາຍ ເຈິ່ນ ດ້າຍ ກວາງ, ປະທານປະເທດ
ແຫ່ງ ສາທາລະນະລັດ ສັງຄົມນິຍົມ ຫວຽດນາມ
ທີ່ ນະຄອນຫຼວງຮ່າໂນ້ຍ
ສະຫາຍ ເຈິ່ນ ດ້າຍ ກວາງ ທີ່ນັບຖື,
ຂ້າພະເຈົ້າໄດ້ຕິດຕາມຜົນສຳເລັດຂອງກອງປະຊຸມສະພາແຫ່ງຊາດ ຫວຽດນາມ ຄັ້ງທີ 11 ຊຸດທີ XIII ດ້ວຍຄວາມຊົມຊື່ນຍິນດີເປັນຢ່າງຍິ່ງ ແລະ ຂໍຖືໂອກາດນີ້ສະແດງຄວາມຊົມເຊີຍຢ່າງສຸດອົກສຸດໃຈມາຍັງສະຫາຍທີ່ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ຊຶ່ງເປັນການຢັ້ງຢືນເຖິງຄວາມໄວ້ເນື້ອເຊື່ອໃຈ ແລະ ຕີລາຄາສູງ ຂອງພັກ, ລັດຖະບານ ແລະ ປະຊາຊົນ ຫວຽດນາມ ຕໍ່ການຊີ້ນຳນຳພາ ແລະ ການບໍລິຫານງານຂອງສະຫາຍ ຕະຫຼອດໄລຍະຜ່ານມາ.
ຂ້າພະເຈົ້າເຊື່ອໝັ້ນຢ່າງໜັກແໜ້ນວ່າ ດ້ວຍຄວາມສາມາດ, ບົດຮຽນ ແລະ ປະສົບການອັນອຸດົມສົມບູນຂອງສະຫາຍ, ສສ ຫວຽດນາມ ສືບຕໍ່ມີສະຖຽນລະພາບ, ເສດຖະກິດຂະຫຍາຍຕົວ, ຊີວິດການເປັນຢູ່ຂອງປະຊາຊົນໄດ້ຮັບການຍົກສູງ, ຖານະບົດບາດຂອງຫວຽດນາມໃນເວທີສາກົນ ນັບມື້ນັບໄດ້ຮັບການຍົກສູງເດັ່ນຂຶ້ນ.
ທ້າຍນີ້, ຂ້າພະເຈົ້າຂໍອວຍພອນໃຫ້ສະຫາຍ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ຍາດໄດ້ຜົນສຳເລັດໃໝ່ໃຫຍ່ຫຼວງກວ່າເກົ່າໃນໜ້າທີ່ອັນສູງສົ່ງຂອງຕົນ.
ດ້ວຍຄວາມຮັກແພງຖານອ້າຍນ້ອງ,
ນະຄອນຫຼວງວຽງຈັນ, ວັນທີ 2 ເມສາ 2016
ຈູມມາລີ ໄຊຍະສອນ
ປະທານປະເທດ
ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ