ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ການພົວພັນ ລາວ-ຈີນ ຍຸກໂລກາພິວັດໃນຂອບການຮ່ວມມືຫຼາຍຝ່າຍ

 

 

ໂດຍ: ສະຖາບັນການຕ່າງປະເທດ, ກະຊວງການຕ່າງປະເທດ

(ໂຄງການຄົ້ນຄວ້າຮ່ວມ ລາວ-ຈີນ)

ສປປ ລາວ​ ແລະ ສປ ຈີນ ເປັນທັງ​ເພື່ອນ​ມິດ​ຍຸດ​ທະ​ສາດ, ທີ່ມີມູນເຊື້ອສາຍພົວພັນມິດຕະພາບອັນແໜ້ນແກ່ນມາແຕ່ຍາວນານ, ທັງເປັນປະເທດບ້ານໃກ້ເຮືອນຄຽງທີ່ດີ ແລະ ສິ່ງສໍາຄັນສອງປະເທດ ລ້ວນແຕ່ເດີນຕາມເສັ້ນທາງສັງ ຄົມນິຍົມ​.

ສາຍພັວພັນ ແລະ ການຮ່ວມມື ລາວ-ຈີນ ແມ່ນພື້ນຖານຄວາມເຫັນອົກເຫັນໃຈ ແລະ ໃຫ້ການສະໜັບສະໜູນຊ່ວຍເຫຼືອເຊິ່ງກັນ ແລະ ກັນມາໂດຍຕະຫຼອດ, ໄດ້ມີການປະສານສົມທົບກັນຢ່າງສະໜິດແໜ້ນ, ມີການແລກປ່ຽນທັດສະນະຮ່ວມກັນຢ່າງເປັນປົກກະຕິ ແລະ ໄດ້ກຳນົດຈຸດສຸມການຮ່ວມມື ເພື່ອຮັດແໜ້ນ ແລະ ເສີມຂະຫຍາຍສາຍພົວພັນຮ່ວມມືໃຫ້ກ້າວເຂົ້າສູ່ລວງເລິກ ແລະ ລວງກວ້າງ ຕາມແຕ່ລະໄລຍະຢ່າງມີແບບແຜນ. ນອກຈາກນີ້, ນັບແຕ່ໄດ້ດຳເນີນນະໂຍບາຍເປີດປະຕູສູ່ພາຍນອກ ກໍຄື ໃນຍຸກໂລກາພິວັດ, ສອງປະເທດ ລາວ-ຈີນ ກໍໄດ້ເພີ່ມທະວີການຮ່ວມມືກັບສາກົນໃນຂອບຫຼາຍຝ່າຍ ທັງໃນລະດັບອະນຸພາກພື້ນ, ພາກພື້ນ ແລະ ສາກົນ ຢ່າງຕັ້ງໜ້າ ໂດຍຍຶດໝັ້ນນະໂຍບາຍການຕ່າງປະເທດຂອງຕົນ ຢ່າງສະເໜີຕົ້ນສະເໜີປາຍ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສົ່ງເສີມສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ ແລະ ໃນໂລກ ແນໃສ່ສ້າງເງື່ອນໄຂທີ່ເອື້ອອຳນວຍໃຫ້ແກ່ການສ້າງສາພັດທະນາເສດຖະກິດ-ສັງຄົມ ໃຫ້ມີຄວາມເຂັ້ມແຂງ ກໍຄື ປັບປຸງຄຸນນະພາບຊີວິດການເປັນຢູ່ຂອງປະຊາ ຊົນໃນປະເທດຂອງຕົນ ລວມທັງປະຊາຄົມພາກພື້ນ ແລະ ສາກົນ ໃຫ້ມີຄວາມຜາສຸກ ໂດຍໄດ້ລົງເລິກການຮ່ວມມືກັບທຸກປະເທດ ທາງດ້ານເສດຖະກິດ, ການຄ້າ, ການລົງທຶນ, ການພັດທະນາຊັບພະຍາກອນມະນຸດ, ວິທະຍາສາດ-ເຕັກໂນໂລຊີ ແລະ ອື່ນໆ ໂດຍບໍ່ຈໍາແນກລະບອບການເມືອງ, ຜູກມິດ-ໄມຕີທີ່ປອດໃສ ແລະ ໃຫ້ການສະໜັບສະໜູນທຸກຂໍ້ລິເລີ່ມການຮ່ວມມື ທັງໃນຂອບສອງຝ່າຍ ແລະ ຫຼາຍຝ່າຍ ທີ່ເຫັນວ່າຈະນຳມາເຊິ່ງຜົນປະໂຫຍດຕໍ່ປະເທດຊາດ, ພາກພື້ນ ແລະ ສາກົນໂດຍລວມ.

ໃນຍຸກໂລກາພິວັດ, ການພົວພັນສາກົນ ພາຍໃຕ້ກົນໄກການຮ່ວມມືໃນຂອບຫຼາຍຝ່າຍ ເປັນເວທີອັນມີຄວາມໝາຍຄວາມສໍາຄັນ ສໍາລັບ ສປປ ລາວ ແລະ ສປ ຈີນ ໃນຖານະເປັນສະມາຊິກ ໄດ້ຮ່ວມກັນຈັດຕັ້ງປະຕິບັດພັນທະຂອງຕົນຢ່າງຕັ້ງໜ້າ ບົນພື້ນຖານຄວາມຮັບຜິດຊອບສູງ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ ເຊັ່ນ: ການຮ່ວມມືໃນຂອບຂອງອົງການສະຫະປະຊາຊາດ (UN), ອົງການການຄ້າໂລກ (WTO), ອົງການອະນາໄມໂລກ (WHO), ອາຊຽນ (ASEAN+1, ASEAN+3...),ແມ່ນໍ້າຂອງ-ແມ່ນໍ້າລ້ານຊ້າງ(MLC), ອະນຸພາກພື້ນແມ່ນໍ້າຂອງ(GMS), ຂໍ້ລິເລີ່ມໜຶ່ງແລວໜຶ່ງເສັ້ນທາງ (BRI),ສະພາການຮ່ວມມືດ້ານຄວາມໝັ້ນຄົງໃນອາຊີ-ປາຊີຟິກ (CSCAP) ແລະ ອື່ນໆ. ການຮ່ວມມືໃນກົນໄກເຫຼົ່ານີ້ ໄດ້ນໍາມາເຊິ່ງຜົນປະໂຫຍດອັນມະຫາສານຕໍ່ພາກພື້ນ ແລະ ສາກົນ. ເວົ້າສະເພາະ ກົນໄກການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ທີ່ສອງປະເທດເປັນທັງສະມາຊິກ ແລະ ເປັນເຈົ້າຂອງແມ່ນໍ້າຮ່ວມກັນ, ພ້ອມທັງໄດ້ມີການຮ່ວມມືກັບອີກ 4 ປະເທດພາຄີ (ຫວຽດນາມ, ກໍາປູເຈຍ, ມຽນມາ ແລະ ໄທ)ໄດ້ປະກອບສ່ວນ​ເຂົ້າ​ໃນ​ການພັດທະນາເສດຖະກິດ-ສັງຄົມ ຂອງບັນດາປະເທດໃນອະນຸພາກພື້ນ,ສົ່ງເສີມຄວາມຢູ່ດີກິນດີຂອງປະຊາຊົນ, ຮັດແຄບຄວາມແຕກໂຕນດ້ານການພັດທະນາ ລະຫວ່າງບັນດາປະເທດພາກພື້ນ ແລະ ສະໜັບສະໜູນການສ້າງປະຊາຄົມອາ ຊຽນ ເພື່ອການພັດທະນາແບບຍືນຍົງ ບົນພື້ນຖານການຮ່ວມມືລະຫວ່າງປະເທດກຳລັງພັດທະນາ (ການຮ່ວມມືໃຕ້-ໃຕ້).ພ້ອມດຽວກັນນີ້, ສອງປະເທດ ລາວ-ຈີນ ຍັງໄດ້ເຂົ້າຮ່ວມເຄື່ອນໄຫວກິດຈະກໍາຕ່າງໆໃນຂອບການຮ່ວມມືຂອງອາຊຽນຢ່າງຫ້າວຫັນ ໂດຍສະເພາະ ໄດ້ປະກອບສ່ວນເຂົ້າໃນການຈັດຕັ້ງຜັນຂະຫຍາຍແຜນແມ່ບົດ ສໍາລັບການເຊື່ອມໂຍງເຊື່ອມຈອດພາກພື້ນຂອງອາຊຽນ ກໍຄື ການສ້າງປະຊາຄົມອາຊຽນ ທີ່ມີຄວາມສອດຄ່ອງກັບຍຸດທະສາດໃນການເຊື່ອມໂຍງພາກພື້ນ, ໂດຍສະເພາະຍຸດທະສາດການຫັນປ່ຽນສະຖານະພາບຂອງປະເທດທີ່ບໍ່ມີຊາຍແດນຕິດຈອດກັບທະເລໃຫ້ກາຍເປັນປະເທດເຊື່ອມໂຍງພາກພື້ນ ຂອງລາວ ແລະ ຂໍ້ລິເລີ່ມໜຶ່ງແລວໜຶ່ງເສັ້ນທາງຂອງຈີນ, ຜ່ານການຈັດ ຕັ້ງປະຕິບັດໂຄງການພັດທະນາພື້ນຖານໂຄງລ່າງເພື່ອການເຊື່ອມຈອດພາກພື້ນພາຍໃນປະເທດຂອງຕົນ ລວມທັງມີການເສີມຂະຫຍາຍການພົວພັນອັນດີກັບບັນດາປະເທດເພື່ອນມິດ ແລະ ສະມາຊິກອື່ນໆໃນພາກພື້ນ. ສິ່ງສຳຄັນ, ທັງສອງປະເທດ ໄດ້ມີການຮ່ວມມືກັນດ້ານການພັດທະນາຊັບພະຍາກອນມະນຸດ ໂດຍການສະໜອງທຶນການສຶກສາ, ຝຶກອົບຮົມໄລຍະສັ້ນ ແລະ ຍາວ, ລວມທັງຈັດກອງປະ ຊຸມແລກປ່ຽນຖອດຖອນບົດຮຽນ ເພື່ອສ້າງຂີດຄວາມສາມາດດ້ານບຸກຄະລາກອນຮ່ວມກັນຢ່າງຮອບດ້ານທັງໃນລະດັບທ້ອງຖິ່ນ ກໍຄື ສູນກາງ.​ນອກນີ້, ລາວ-ຈີນ ຍັງມີການຮ່ວມມືທີ່ດີໃນຂົງເຂດເສດຖະກິດ, ການຄ້າ ແລະ ການລົງທຶນ ເຊິ່ງສະແດງໃຫ້ເຫັນ ໂດຍບໍລິມາດດ້ານການຄ້າ ແລະ ມູນຄ່າການລົງທຶນສອງຝ່າຍທີ່ນັບມື້ນັບສູງຂຶ້ນ. ປັດຈຸບັນ, ສປ ຈີນ ໄດ້ກາຍເປັນຄູ່ຄ້າອັນດັບສອງຂອງລາວຮອງຈາກໄທ ແລະ ມີການລົງທຶນທີ່ຫຼາຍທີ່ສຸດຢູ່ ສປປ ລາວ.

ປີ 2021 ປັນປີໜຶ່ງທີ່ມີຄວາມສໍາຄັນໃນການຮ່ວມມືສາກົນພາຍໃຕ້: ຂໍ້ລິເລີ່ມໜຶ່ງແລວໜຶ່ງເສັ້ນທາງໂຄງການເສັ້ນທາງລົດໄຟ ລາວ-ຈີນ ທີ່ໄດ້ເລີ່ມລົງມືກໍ່ສ້າງມາແຕ່ຕົ້ນປີ 2017 ແລະ ຄາດວ່າຈະສາມາດນຳໃຊ້ບໍລິການໃນທ້າຍປີນີ້. ເສັ້ນທາງລົດໄຟ ລາວ-ຈີນ ແມ່ນເປັນສ່ວນໜຶ່ງທີ່ສໍາຄັນຂອງເຄືອຂ່າຍເສັ້ນທາງລົດໄຟຄຸນໝິງ-ສິງກະໂປ ເຊິ່ງຈະມີບົດບາດສໍາຄັນ ໃນການເປັນຂົວຕໍ່ໃຫ້ແກ່ການເຊື່ອມໂຍງ-ການເຊື່ອມຈອດພາກພື້ນ ໂດຍການປະກອບສ່ວນເຂົ້າໃນການຈັດຕັ້ງຜັນຂະຫຍາຍແຜນແມ່ບົດໃນການເຊື່ອມຈອດອາຊຽນກໍຄື ປະກອບສ່ວນໃນການກໍ່ສ້າງປະຊາຄົມອາ ຊຽນ ໃຫ້ປະກົດຜົນເປັນຈິງ ຜ່ານການເຊື່ອມຕໍ່ກັບເສັ້ນທາງລົດໄຟ ໄທ-ຈີນ, ມາເລເຊຍ-ຈີນ ລົງໄປເຖິງສິງກະໂປ ທີ່ຈະເຮັດໃຫ້ບັນດາປະເທດໃນອະນຸພາກພື້ນ ແລະ ພາກພື້ນມີການເຊື່ອມຈອດກັນຫຼາຍຂຶ້ນ. ໃນເມື່ອບັນດາປະເທດມີການເຊື່ອມໂຍງກັນ, ຄ່າບໍລິການໃນການຂົນສົ່ງສິນຄ້າ, ການບໍລິການ ແລະ ການເດີນທາງຂອງຜູ້ໂດຍສານລະຫວ່າງປະເທດ ຈະມີຄວາມສະດວກສະບາຍ, ວ່ອງໄວ ແລະ ປະຢັດຄ່າໃຊ້ຈ່າຍຫຼາຍເທົ່າຕົວ, ໂດຍສະເພາະການເດີນທາງຢູ່ເຂດພາກ   ເໜືອຂອງລາວທີ່ມີຄວາມຫຍຸ້ງຍາກ ຍ້ອນມີພູຜາສູງຊັນ, ເຊິ່ງຈະຊ່ວຍສົ່ງເສີມໃຫ້ມີກິດຈະກໍາການຄ້າຂາຍ, ການລົງທຶນ, ການທ່ອງທ່ຽວ, ການໄປມາຫາສູ່ ແລະ ແລກປ່ຽນວັດທະນະທໍານໍາກັນຫຼາຍຂຶ້ນ. ໝາຍວ່າ ເສັ້ນທາງລົດໄຟ ລາວ-ຈີນ ຈະເປັນຂົວຕໍ່ໃຫ້ແກ່ການພົວພັນກັນໃນທຸກໆດ້ານ ໃຫ້ກ້າວເຂົ້າສູ່ລວງເລິກ ແລະ ຂະຫຍາຍອອກສູ່ລວງກວ້າງ. ທັງໝົດນີ້ຈະປະກອບ ສ່ວນຊຸກຍູ້ໃຫ້ເສດຖະກິດຂອງລາວ ແລະ ຈີນ ກໍຄື ຂອງພາກພື້ນມີການຂະຫຍາຍຕົວ.

ພິເສດ, ໃນຊ່ວງໄລຍະທີ່ມີການແຜ່ລະບາດຂອງເຊື້ອພະຍາດປອດອັບເສບສາຍພັນໃໝ່ (ໂຄວິດ-19), ລາວ-ຈີນ ກໍໄດ້ເຂົ້າຮ່ວມໂຄງການຮ່ວມມືດ້ານສາທາລະນະສຸກພາຍໃຕ້ຂອບການຮ່ວມມືຂອງອົງການອະນາໄມໂລກ (WHO) ຫຼື ໂຄງການໂຄແວັກ (COVAX FACILITY GAVI)ເພື່ອຮັບປະກັນໃຫ້ບັນດາປະເທດ ທີ່ມີລາຍຮັບຕໍ່າສາມາດເຂົ້າເຖິງວັກແຊັງໄດ້ຢ່າງທົ່ວເຖິງ. ອີງຕາມອົງການອະນາໄມໂລກ ມາຮອດປັດຈຸບັນ, ໂຄງການດັ່ງກ່າວ ໄດ້ວາງແຜນແຈກຢາຍວັກແຊັງ ເປັນຈໍານວນເຖິງ 2.000 ລ້ານຫຼອດ ໃຫ້ແກ່ 92 ປະເທດທົ່ວໂລກໃຫ້ທົ່ວເຖິງ ໃນທ້າຍປີ 2021 ນີ້. ພ້ອມດຽວກັນນີ້, ຈີນ ຍັງໄດ້ປະກາດໃຫ້ການຊ່ວຍເຫຼືອແກ່ອົງການອະນາໄມໂລກ ເປັນຈໍານວນເງິນ 2.000 ລ້ານໂດລາສະຫະລັດ (ວັນທີ 07 ມີນາ 2020). ໃນຂອບອາຊຽນ+1, ສປ ຈີນ ກໍໄດ້ມອບເງິນຊ່ວຍເຫຼືອເຂົ້າກອງທຶນຮັບມືກັບການລະບາດຂອງພະຍາດໂຄວິດ-19 ຂອງອາຊຽນ ຈໍານວນ 1 ລ້ານໂດລາສະຫະລັດ. ນອກຈາກນີ້, ຈີນ ກໍຍັງໄດ້ໃຫ້ ການຊ່ວຍເຫຼືອອຸປະກອນການແພດ, ຜ້າອັດປາກອັດດັງ, ນໍ້າຢາຂ້າເຊື້ອແລະ ນໍ້າຢາລ້າງມື ໃຫ້ແກ່ຫຼາຍປະເທດ ເພື່ອຮ່ວມກັນສະກັດກັ້ນ ແລະ ປ້ອງກັນການແຜ່ລະບາດຂອງເຊື້ອພະຍາດ ໂຄວິດ-19. ສປປ ລາວ ແມ່ນໜຶ່ງໃນບັນດາປະເທດທີ່ໄດ້ຮັບການຊ່ວຍເຫຼືອດ້ານສາທາລະນະສຸກ ທັງໃນຂອບຫຼາຍຝ່າຍ ແລະ ສອງຝ່າຍ. ສະເພາະໃນຂອບສອງຝ່າຍ, ສປ ຈີນ ໄດ້ໃຫ້ການຊ່ວຍເຫຼືອ ສປປ ລາວ ຫຼາຍລາຍການ, ໃນນັ້ນມີທັງວັກແຊັງ ຈໍານວນ 1,1 ລ້ານກວ່າຫຼອດ (ງວດທີ 1 ຈໍານວນ 3 ແສນຫຼອດ ແລະ ງວດຫຼ້າສຸດຈໍານວນ 8 ແສນຫຼອດ) ແລະ ອຸປະກອນການແພດຮັບໃຊ້ໃຫ້ແກ່ການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດ ໂຄວິດ-19 ອັນໄດ້ປະກອບສ່ວນເຮັດໃຫ້ ສປປ ລາວ ຫຼຸດຜ່ອນຄວາມສ່ຽງຈາກການແຜ່ລະບາດຂອງເຊື້ອພະຍາດ ໂຄວິດ-19. ສະນັ້ນ, ປັດຈຸບັນ ກໍຄື ອະນາຄົດ ການປະ ກອບສ່ວນຮ່ວມມືກັນ ເພື່ອເສີມຂະຫຍາຍການຮ່ວມມືໃນຂອບຫຼາຍຝ່າຍ ແມ່ນມີຄວາມສໍາຄັນດ້ວຍການແບ່ງປັນ ລະ ຫວ່າງປະເທດໃຫຍ່ແລະປະເທດນ້ອຍ, ປະເທດພັດທະນາແລະດ້ອຍພັດທະນາ, ເພື່ອຕື່ມເຕັມຄວາມຮູ້ເລື່ອງເຕັກ ນິກ-ວິທະຍາສາດ ທີ່ທັນສະໄໝເຊິ່ງກັນແລະກັນ. ເວົ້າສະເພາະນັບແຕ່ນີ້ໄປ ສອງຊາດ ລາວ-ຈີນ ຕ້ອງໄດ້ເພິ່ມທະວີການຮ່ວມມືກັບພາກພື້ນ ແລະ ສາກົນ ເພື່ອຮ່ວມກັນຊອກຫາມາດຕະການຟື້ນຟູເສດຖະກິດ ກໍຄື ເຊື່ອມຕໍ່ຄືນຕ່ອງໂສ້ການຜະລິດ ທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດ ໂຄວິດ-19.

ສປປ ລາວ ແຕ່ໃດມາແມ່ນໄດ້ຍຶດໝັ້ນຫຼັກການຢູ່ຮ່ວມກັນໂດຍສັນຕິ,ບໍ່ແຊກແຊງເຂົ້າກິດຈະການພາຍໃນຂອງກັນແລະກັນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ, ອີງໃສ່ນະໂຍບາຍການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍໃນການພົວພັນກັບປະເທດຕ່າງໆ, ບໍ່ສະເພາະແຕ່ກັບ ສປ ຈີນ ເທົ່ານັ້ນ ແຕ່ຍັງມີການຮ່ວມມື ແລະ ຍາດແຍ່ງເອົາການຊ່ວຍເຫຼືອດ້ານທຶນຮອນ, ວິທະຍາສາດ ແລະ ເຕັກໂນໂລຊີຈາກເພື່ອນມິດຍູດທະສາດ ແລະ ຄູ່ຮ່ວມພັດທະນາອື່ນໆລວມທັງ ຍີ່ປຸ່ນ, ສ. ເກົາຫຼີ, ອົດສະຕາຣີ, ຣັດເຊຍແລະ ສ. ອາເມຣິກາເພື່ອເປັນກໍາລັງແຮງຍູ້ໜູນ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງລາວ ແນໃສ່ເຮັດໃຫ້ປະເທດຊາດຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 202ກໍຄື ເພື່ອບັນລຸເປົ້າໝາຍຂອງການພັດທະນາແບບຍືນຍົງ ໃນປີ 2030.

ແຈ້ງການ

*(ໃຫມ່) ບົດຄວາມ  ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ຄົບຮອບ 61 ປີ ບົດທີ 1 (ການພົວພັນ ລະຫວ່າງ ການນຳຂັ້ນສູງ ສອງພັກ ສອງລັດ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 2 (ຄູ່ຮ່ວມຊາຕາກຳ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 3 (ສ້າງຄວາມຜາສຸກໃຫ້ແກ່ປະຊາຊົນ ລາວ-ຈີນ ຈີນ-ລາວ)

 

*(ໃໝ່) ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

 

*(ໃໝ່) ປະກາດຮັບສະໝັກພະນັກງານ ຂອງກະຊວງການຕ່າງປະເທດ ປະຈຳປີ 2022

 

* (ໃໝ່) ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດວັນສ້າງຕັ້ງ ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ 23 ມີນາ 2016 - 23 ມີນາ 2022

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022

 

*ຖະແຫຼງຂ່າວ ຂອງໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 11 ມັງກອນ 2022

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
324653
ມື້ນີ້89
ມື້ວານ175
ອາທິດນີ້405
ເດືອນນີ້6176