ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດວັນສ້າງຕັ້ງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ 23 ມີນາ 2016 - 23 ມີນາ 2022

   

           

   

ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ

ເນື່ອງໃນໂອກາດວັນສ້າງຕັ້ງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ

23 ມີນາ 2016 - 23 ມີນາ 2022

----------

               

ໃນວັນທີ 23 ມີນາ 2016, ບັນດາຜູ້ນຳຈາກປະເທດແມ່ນໍ້າຂອງ (ກໍາປູເຈຍ, ສປປ ລາວ, ສສ ມຽນມາ, ໄທ ແລະ ສສ. ຫວຽດນາມ) ແລະ ສປ ຈີນ ໄດ້ຮ່ວມກັນປະກາດສ້າງຕັ້ງ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຂຶ້ນຢ່າງເປັນທາງການໃນກອງປະຊຸມຜູ້ນຳ ແມ່ນໍ້າຂອງ-ແມ່ນໍ້າລ້ານຊ້າງ ຄັ້ງປະຖົມມະເລິກ ທີ່ ເມືອງຊັນຢາ, ໄຫໜານ, ສປ ຈີນ. ບັນດາປະເທດສະມາຊິກຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ໄດ້ຮ່ວມກັນວາງເປົ້າໝາຍ ເພື່ອການພັດທະນາເສດຖະກິດ-ສັງຄົມ ຮອບດ້ານ ບົນພື້ນຖານຄວາມສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ ແລະ ແນໃສ່ຫຼຸດຜ່ອນຄວາມແຕກໂຕນ ທາງດ້ານການພັດທະນາ ໂດຍແນໃສ່ 3  ເສົາຄໍ້າຄື: ການເມືອງ-ຄວາມຫມັ້ນຄົງ, ເສດຖະກິດ-ການພັດທະນາແບບຍືນຍົງ, ສັງຄົມ-ວັດທະນະທໍາ ແລະ ການແລກປ່ຽນ ລະຫວ່າງປະຊາຊົນກັບປະຊາຊົນ, ເຊິ່ງໃນນີ້ໄດ້ສຸມໃສ່ 5 ຂົງເຂດບູລິມະສິດເຊັ່ນ:            ການເຊື່ອມຈອດ, ສົ່ງເສີມຄວາມອາດສາມາດການຜະລິດເສດຖະກິດຂ້າມຊາຍແດນ, ການຄຸ້ມຄອງແຫຼ່ງຊັບພະຍາກອນນໍ້າ, ກະສິກໍາ ແລະ ການຫຼຸດຜ່ອນຄວາມທຸກຍາກ. ນັບແຕ່ນັ້ນມາ, ການຮ່ວມມື ລະຫວ່າງປະເທດສະມາຊິກ ແມ່ນໍ້າຂອງ-ແມ່ນໍ້າ   ລ້ານຊ້າງ ຍິ່ງເພີ່ມທະວີການພົວພັນ ແລະ ຂະຫຍາຍຂົງເຂດການຮ່ວມມືໃນດ້ານຕ່າງໆຫຼາຍຂຶ້ນ ເປັນຕົ້ນແມ່ນ: ການສຶກສາ, ສາທາລະນະສຸກ, ສ້າງສະພາບແວດລ້ອມທີ່ເອື້ອອໍານວຍຄວາມສະດວກ ດ້ານການຂົນສົ່ງສິນຄ້າ ແລະ ອື່ນໆ ໂດຍສະແດງອອກຈາກໝາກຜົນ ຂອງການຮ່ວມມືໃນໄລຍະຜ່ານມາ ເຊິ່ງໄດ້ໃຫ້ການຊ່ວຍເຫຼືອດ້ານທຶນຮອນ ແລະ ເຕັກນິກວິຊາການ ເພື່ອສ້າງຄວາມອາດສາມາດ ໃນການຍົກລະດັບການເຕີບໂຕ ທາງດ້ານເສດຖະກິດ ກໍຄືການຍົກລະດັບຊີວິດການເປັນຢູ່ ຂອງປະຊາຊົນ ໃນເຂດແມ່ນໍ້າຂອງ-ແມ່ນໍ້າລ້ານຊ້າງ.

          

ເລີ່ມຕັ້ງແຕ່ທ້າຍປີ 2019 ເປັນຕົ້ນມາ, ປະຊາຄົມໂລກໄດ້ປະເຊີນໜ້າກັບການແຜ່ລະບາດ ຂອງພະຍາດໂຄວິດ-19 ເຊິ່ງໄດ້ສົ່ງຜົນກະທົບ ຕໍ່ວິຖີການດຳລົງຊີວິດ, ການໄປມາຫາສູ່ລະຫວ່າງປະເທດ ແລະ ສະພາບເສດຖະກິດ ຢ່າງໜັກໜ່ວງ ລວມທັງການສູນເສຍຊີວິດ ຂອງປະຊາຊົນ ເປັນຈຳນວນຫຼວງຫຼາຍ. ທ່າມກາງສະພາບຄວາມຫຍຸ້ງຍາກ ແລະ ສິ່ງທ້າທາຍດັ່ງກ່າວ ບັນດາປະເທດສະມາຊິກແມ່ນໍ້າຂອງ-ແມ່ນໍ້າລ້ານຊ້າງ ກໍບໍ່ເຄີຍລົດລະຄວາມພະຍາຍາມ ຕໍ່ຄວາມໝາຍໝັັ້ນຂອງການຮ່ວມມື ແລະ ໄດ້ສືບຕໍ່ເພີ່ມທະວີການຮ່ວມມື ຢ່າງສະເໝີຕົ້ນສະເໝີປາຍ ພ້ອມທັງໄດ້ໃຫ້ການຊ່ວຍເຫຼືອ ເຊິ່ງກັນ ແລະ ກັນ ຕໍ່ສູ້ກັບໄພຂົ່ມຂູ່ຄັ້ງນີ້.

           

ເພື່ອເປັນການເພີ່ມທະວີການຮ່ວມມື ດັ່ງກ່າວ ສປ ຈີນ ກໍໄດ້ເປັນເຈົ້າພາບຈັດກອງປະຊຸມລັດຖະມົນຕີຕ່າງ ປະເທດແມ່ນໍ້້າຂອງ-ແມ່ນໍ້າລ້ານຊ້າງ ຄັ້ງທີ 6 ຂຶ້ນ ທີ່ນະຄອນສົງຊິງ, ສປ ຈີນ ໃນປີ 2021 ພາຍໃຕ້ການເປັນປະທານຮ່ວມຂອງ ສປ ຈີນ ແລະ ສສ ມຽນມາ. ກອງປະຊຸມໃນຄັ້ງນີ້ ໄດ້ມີຂໍ້ລິເລີ່ມທີ່ດີໃນການຂະຫຍາຍຂົງເຂດການຮ່ວມມືສູ່ລວງເລິກ ແລະ ລວງກວ້າງ ເຊັ່ນ: ການສົ່ງເສີມການຮ່ວມມື ເພື່ອການພັດທະນາແບບຍືນຍົງ, ການຮັດແໜ້ນການຮ່ວມມື ລະຫວ່າງອົງການປົກຄອງທ້ອງຖິ່ນ ແລະ ອື່ນໆ.

           

ຄ່ຽງຄູ່ກັບເປັນການຍົກສູງຖານະບົດບາດຂອງ ສປປ ລາວ ໃຫ້ສູງເດັ່ນຂຶ້ນໃນເວທີອະນຸພາກພື້ນ, ພາກພື້ນ ແລະ ສາກົນ ຈາກການເຂົ້າຮ່ວມ ແລະ ປະກອບສ່ວນໃນດ້ານຕ່າງໆແລ້ວ, ສປປ ລາວ ຍັງໄດ້ຮັບຜົນປະໂຫຍດ ທີ່ເປັນຮູບປະທໍາ ຈາກການຈັດຕັ້ງປະຕິບັດບັນດາໂຄງການຮ່ວມມືຕ່າງໆ ພາຍໃຕ້ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ, ເປັນຕົ້ນແມ່ນການ ຈັດຕັ້ງປະຕິບັດໂຄງການເຫັນຜົນໄວ ເຊັ່ນ: ໂຄງການທົດລອງແກ້ໄຂຄວາມທຸກຍາກ ລາວ-ຈີນ ມູນຄ່າ 33 ລ້ານຢວນ ຢູ່ ນະຄອນຫຼວງວຽງຈັນ ແລະ ແຂວງຫຼວງພະບາງ ທີ່ ສໍາເລັດໃນປີ 2020 ເຊິ່ງໄດ້ສ້າງພື້ນຖານໂຄງລ່າງຂະໜາດນ້ອຍຄື: ສ້າງສຸກສາລາ, ຫໍພັກຄູ-ອາຈານ, ສູນບໍາບັດຂີ້ເຫຍື້ອ ແລະ ສູນຝຶກອົບຮົມການເຮັດກະສິກໍາສະອາດ ໃຫ້ປະຊາຊົນໃນລະດັບບ້ານ ເພື່ອເປັນການສ້າງລາຍຮັບໃຫ້ປະຊາຊົນໃນເຂດດັ່ງກ່າວ. ພ້ອມດຽວກັນນີ້, ແຕ່ປີ 2017 ເປັນຕົ້ນມາ, ພາຍໃຕ້ກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ, ສປປ ລາວ ໄດ້ຮັບໂຄງການທັງຫມົດຈໍານວນ 56 ໂຄງການ, ຄິດເປັນມູນຄ່າລວມປະມານ 15 ລ້ານກວ່າໂດລາສະຫະລັດ. ມາເຖິງປັດຈຸບັນສາມາດປະຕິບັດສໍາເລັດແລ້ວ 11 ໂຄງການ, ກໍາລັງຈັດຕັ້ງປະຕິບັດຢູ່ 45 ໂຄງການ ເຊິ່ງບັນດາໂຄງການເຫລົ່ານັ້ນໄດ້ປະກອບສ່ວນສຳຄັນ ເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ແລະ ພາກພື້ນແມ່ນໍ້າຂອງ. 

             

ສປປ ລາວ ຕີລາຄາສູງຕໍ່ໝາກຜົນການຮ່ວມມື ພາຍໃຕ້ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ບົນຈິດໃຈການຮ່ວມມືເພື່ອສັນຕິພາບ, ສະຖຽນລະພາບ, ຄວາມສາມັກຄີປອງດອງ ແລະ ເປັນຈິດຫນຶ່ງໃຈດຽວ ໃນການພັດທະນາອະນຸພາກພື້ນແມ່ນໍ້າຂອງ ກໍ່ຄືການສົ່ງເສີມການຮ່ວມມື ໃຫ້ນັບມື້ນັບແຫນ້ນແຟ້ນ, ຂະຫຍາຍໄປສູ່ລວງກວ້າງ ແລະ ລວງເລິກ ຢ່າງມີປະສິດທິຜົນ ແລະ ມີຜົນປະໂຫຍດຮ່ວມກັນ ລະຫວ່າງປະເທດສະມາຊິກ. ສປປ ລາວ ຂໍຖືໂອກາດນີ້ ສະແດງຄວາມຂອບໃຈຢ່າງຈິງໃຈ ມາຍັງ ລັດຖະບານ ແຫ່ງ ສປ ຈີນ ທີ່ໄດ້ໃຫ້ຄວາມສຳຄັນ ແລະ ສະໜັບສະໜູນຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຕະຫຼອດມາ ໂດຍສະເພາະ ການສະໜັບສະໜູນທຶນຊ່ວຍເຫລືອ ເຂົ້າໃນກອງທຶນພິເສດ ແມ່ນໍ້າຂອງ-ແມ່ນໍ້າລ້ານຊ້າງ ເຊິ່ງເຮັດໃຫ້ບັນດາໂຄງການຮ່ວມມືຕ່າງໆ ໃນອະນຸພາກພື້ນແມ່ນໍ້າຂອງ ໄດ້ຮັບການຈັດຕັ້ງປະຕິບັດ ຢ່າງມີໝາກຜົນ ແລະ ເປັນຮູບປະທຳ.

                 

ຂ້າພະເຈົ້າ ຕາງໜ້າໃຫ້ລັດຖະບານແຫ່ງ ສປປ ລາວ ຂໍສະແດງຄວາມຊົມເຊີຍ ຕໍ່ການສ້າງຕັ້ງກົນໄກການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ ແລະ ຂໍອວຍພອນໃຫ້ການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ນັບມື້ນັບເຕີບໃຫຍ່ຂະຫຍາຍຕົວຂຶ້ນເລື້ອຍໆ ເພື່ອປະກອບສ່ວນເຂົ້າໃນການພັດທະນາອະນຸພາກພື້ນແມ່ນໍ້າຂອງ ໃຫ້ມີຄຸນນະພາບ ແລະ ຍືນຍົງ     ກໍຄື ຮັບປະກັນໃຫ້ເປັນອະນຸພາກພື້ນ ທີ່ມີສັນຕິພາບ, ສະຖຽນລະພາບ ແລະ ການພັດທະນາ ຢ່າງຮອບດ້ານ ທັງປະກອບສ່ວນ ເຂົ້າໃນການສ້າງປະຊາຄົມອາຊຽນ, ການຈັດຕັ້ງປະຕິບັດຂໍ້ລິເລີ່ມໜຶ່ງແລວ ໜຶ່ງເສັ້ນທາງ, ການຮ່ວມມືໃຕ້-ໃຕ້ ແລະ ການບັນລຸເປົ້າໝາຍພັດທະນາແບບຍືນຍົງ ຮອດປີ 2030 ຂອງອົງການສະຫະປະຊາຊາດ. ສປປ ລາວ ໃນຖານະປະເທດສະມາຊິກຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຈະສືບຕໍ່ຮ່ວມມືຢ່າງໃກ້ຊິດ ກັບ ສປ ຈີນ ແລະ ບັນດາປະເທດແມ່ນໍ້າຂອງໃນການ  ປະກອບສ່ວນ ແລະ ເຂົ້າຮ່ວມກິດຈະກຳຕ່າງໆ ກໍຄື ການຈັດຕັ້ງຜັນຂະຫຍາຍ ບັນດາຖະແຫຼງການກອງປະຊຸມຜູ້ນຳ ແມ່ນໍ້າຂອງ-ແມ່ນໍ້າລ້ານຊ້າງ ກໍຄື ແຜນປະຕິບັດງານປີ (2018-2022) ແລະ ຈະສືບຕໍ່ຈັດຕັ້ງປະຕິບັດໂຄງການຕ່າງໆ ພາຍໃຕ້ຂອບການຮ່ວມມືດັ່ງກ່າວຢ່າງຫ້າວຫັນ ຮັບປະກັນໝາກຜົນຕົວຈິງ ໃຫ້ແກ່ບັນດາປະເທດສະມາຊິກ ຂອບການຮ່ວມມື ແມ່ນໍ້າຂອງ-ແມ່ນໍໍ້າລ້ານຊ້າງ. 

          

ຂໍຂອບໃຈ

                   

          

ແຈ້ງການ

* (ໃໝ່) ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 7 ທີ່ ສສ ມຽນມາ.

 

* (ໃໝ່) ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໃຫ້ສຳພາດຕໍ່ບັນດາສື່ມວນຊົນລາວ ກ່ຽວກັບ ປີສາມັກຄີມິດຕະພາບ ລາວ-ຫວຽດນາມ 2022.

 

* (ໃໝ່) ແຈ້ງການ ກ່ຽວກັບ ການປ່ຽນຊື່ປະເທດ ຕວັກກີ.

 

* (ໃໝ່) ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022.

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
335092
ມື້ນີ້365
ມື້ວານ204
ອາທິດນີ້1728
ເດືອນນີ້970