ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດສັນຍາຍົກເວັ້ນວີຊາສຳລັບຜູ້ຖືໜັງສືຜ່ານແດທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ

ແຈ້ງການຂອງກະຊວງການຕ່າງປະເທດ

       

                ເລື່ອງ: ການມີຜົນບັງຄັບໃຊ້ ແລະ ຈັດຕັ້ງປະຕິບັດສັນຍາຍົກເວັ້ນວີຊາສຳລັບຜູ້ຖືໜັງສືຜ່ານແດນ

                            ທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

          ສັນຍາວ່າດ້ວຍການຍົກເວັ້ນວີຊາສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ ທີ່ໄດ້ລົງນາມໃນວັນທີ 08 ກັນຍາ 2016 ທີ່ ນະຄອນຫຼວງວຽງຈັນ, ມີຜົນບັງຄັບໃຊ້ນັບແຕ່ວັນທີ 02 ທັນວາ 2017, ເຊິ່ງມີເນື້ອໃນສຳຄັນດັ່ງລຸ່ມນີ້:

  1. ຜູ້ທີ່ຖືໜັງສືຜ່ານແດນທຳມະດາ ທີ່ມີອາຍຸນຳໃຊ້ໄດ້ ແລະ ບໍ່ມີຈຸດປະສົງໄປເຄື່ອນໄຫວຫາວຽກເຮັດງານທຳ, ສຶກສາຢູ່ຕາມສະຖາບັນການສຶກສາຕ່າງໆ ຫຼື ດຳລົງຊີວິດຢູ່ແບບຖາວອນໃນດິນແດນຂອງຄູ່ສັນຍາ, ສາມາດເດີນທາງເຂົ້າ-ອອກ, ພັກເຊົາ ຫຼື ຜ່ານດິນແດນຂອງອີກຝ່າຍໜຶ່ງ ໃນໄລຍະກຳນົດເວລາສາມສິບ (30) ວັນ ໂດຍບໍ່ຈຳເປັນຂໍວີຊາ.
  2. ຜູ້ທີ່ຖືໜັງສືຜ່ານແດນທຳມະດາ ທີ່ບໍ່ໄດ້ລະບຸໃນຂໍ້ 1 ຈະຕ້ອງໄດ້ຂໍວີຊາ ເພື່ອເດີນທາງເຂົ້າໄປໃນດິນແດນຂອງຄູ່ສັນຍາ.
  3. ໄລຍະກຳນົດຂອງການພັກເຊົາສຳລັບບຸກຄົນຢູ່ໃນດິນແດນຂອງຄູ່ສັນຍາທີ່ລະບຸໄວ້ໃນຂໍ້ 1 ສູງສຸດບໍ່ເກີນເກົ້າສິບ (90) ວັນ ໃນໄລຍະເວລາຮ້ອຍແປດສິບ (180) ວັນ.