Ministry of Foreign Affairs of Laos - ຮອງລັດຖະມົນຕີກະຊວງການຕ່າງປະເທດ ຕ້ອນຮັບທູດ EU ຄົນໃໝ່

ຮອງລັດຖະມົນຕີກະຊວງການຕ່າງປະເທດ ຕ້ອນຮັບທູດ EU ຄົນໃໝ່

sp hup EU

ໃນວັນທີ 21 ກັນຍາ 2016, ທີ່ ກະຊວງການຕ່າງປະເທດ, ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ, ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ Léo Paul Faber, ເອກອັກຄະລັດຖະທູດແຕ່ງຕັ້ງຄົນໃໝ່ ແຫ່ງ ສະຫະພາບ ເອີຣົບ ປະຈໍາ ສປປ ລາວ.

ໃນໂອກາດນີ້, ທ່ານຮອງລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍທີ່ສະຫະພາບ ເອີຣົບ ໄດ້ຍົກລະດັບການພົວພັນດ້ານການທູດໂດຍການແຕ່ງຕັ້ງ ທ່ານ Léo Paul Faber ເປັນເອກອັກຄະລັດຖະທູດ ແຫ່ງ ສະຫະພາບ ເອີຣົບ ປະຈຳ ສປປ ລາວ ຊຶ່ງເປັນນິມິດໝາຍອັນດີໃນການເພີ່ມທະວີການພົວພັນລະຫວ່າງ ລາວ-ອີຢູ ໃຫ້ກວ້າງຂວາງກວ່າເກົ່າ. ໃນໂອກາດດັ່ງກ່າວ, ທັງສອງຝ່າຍ ໄດ້ມີການຕີລາຄາຕໍ່ການພົວພັນ ແລະ ຮ່ວມມືສອງຝ່າຍ ລະຫວ່າງ ລາວ-ອີຢູ ທີ່ມີການພົວພັນອັນດີນຳກັນຕະຫລອດມາ, ພ້ອມທັງໄດ້ປຶກສາຫາລືແຜນການຮ່ວມມືລະຫວ່າງ ລາວ-ອີຢູ ໃຫ້ມີປະສິດທິຜົນຍິ່ງໆຂຶ້ນໃນຊຸມປີຕໍ່ໜ້າ.

ນອກຈາກນີ້, ທ່ານ ຮອງລັດຖະມົນຕີ ຍັງໄດ້ສະແດງຄວາມເຊື່ອໝັ້ນວ່າ ໃນໄລຍະການປະຕິບັດວຽກງານການທູດຂອງທ່ານຈະເປັນການສ້າງບາດລ້ຽວໃໝ່ໃຫ້ແກ່ການພົວພັນລະຫວ່າງ ລາວ-ອີຢູ ໃຫ້ການພົວພັນຮ່ວມມືນັບມື້ນັບຂະຫຍາຍຕົວດີຍິ່ງຂຶ້ນເລື້ອຍໆ.

ມື້ນີ້	175
ມື້ວານ	168
ອາທິດນີ້	1080
ເດືອນນີ້	5349

-

ເຊື່ອມຕໍ່ເວັບໄຊພາຍໃນລາວ

ທູດລາວທີ່ປະຈຳຢູ່ຕ່າງປະເທດ

ຮອງລັດຖະມົນຕີກະຊວງການຕ່າງປະເທດ ຕ້ອນຮັບທູດ EU ຄົນໃໝ່

ບົດຂ່າວອື່ນໆທີ່ກ່ຽວຂ້ອງ

ແຈ້ງການ

ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ