ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຫົວໜ້າເຈົ້າໜ້າທີ່ອາວຸໂສຂອງ ສປປ ລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ຢູ່ ຟິລິບປິນ

 

 

Asean tp1

 

ໃນວັນທີ 3 ສິງ​ຫາ 2017 ທີ່ ນະຄອນຫຼວງ ມະນິລາ, ຟີລິບປິນ, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງ​ການ​ຕ່າງ​ປະ​ເທດ, ທັງເປັນຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ ລາວ  ​ໄດ້​ນຳພາຄະນະຜູ້ແທນລາວເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ຊຶ່ງຈັດ​ຂຶ້ນ​ໃນ​ໂອກາ​ດກອງປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນ ຄັ້ງທີ 50 ພາຍໃຕ້ການເປັນປະທານຂອງຟີລິບປິນ.

ກອງປະຊຸມເຈົ້າໜ້າທີ່ອາວຸໂສອາຊຽນຄັ້ງນີ້ໄດ້ປຶກສາຫາລື ກ່ຽວກັບຄວາມພະຍາຍາມໃນການສືບຕໍ່ສ້າງຄວາມເຂັ້ມແຂງໃຫ້ແກ່ປະຊາຄົມອາຊຽນ ກໍ​ຄື​ການຈັດຕັ້ງປະ​ຕິ​ບັດ​ແຜນ​ແມ່​ບົດ​ປະຊາ​ຄົມ​ການ​ເມື​ອງ-ຄວາມ​ໝັ້ນຄົງ​ອາ​ຊຽນ 2025. 

ກອງປະຊຸມເຈົ້າໜ້າ​ທີ່​ອາວຸ​ໂສອາຊຽນຍັງໄດ້​ປຶກສາຫາລື ກ່ຽວ​ກັບ ການສົ່ງເສີມການພົວພັນ ແລະ ຮ່ວມມືກັບພາຍນອກຄຽງຄູ່ກັບການສົ່ງເສີມບົດບາດຄວາມເປັນແກນກາງ ແລະ ຄວາມເປັນເອກະພາບຂອງອາຊຽນ.

ນອກຈາກນີ້, ກອງປະຊຸມເຈົ້າຫນ້າທີ່ອາວຸໂສອາຊຽນ ຍັງໄດ້ປຶກສາຫາລື ກ່ຽວກັບການກະກຽມສໍາລັບກອງປະຊຸມຕ່າງໆຄື: ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 50, ບັນດາ​ກອງ​ປະຊຸມ​ລັດຖະມົນຕີ​ຕ່າງປະເທດອາຊຽນກັບ​ຄູ່​ເຈລະຈາ​ອາຊຽນ, ກອງປະຊຸມລັດຖະມົນຕີຕ່າງປະ​ເທດອາຊຽນ ບວກສາມ ຄັ້ງທີ 18, ກອງ​ປະຊຸມ​ລັດຖະມົນຕີ​ຕ່າງປະ​ເທດ​ຂອງ​ກອງ​ປະຊຸມ​ສຸດ​ຍອດ​ອາຊີ​ຕາ​ເວັນ​ອອກ​ຄັ້ງທີ 7 ແລະ ກອງປະຊຸມ​ເວທີ​ພາກພື້ນອາຊຽນ ຄັ້ງທີ 24, ກອງປະຊຸມຄະນະກໍາມາທິການເຂດປອດອາວຸດນີວເຄລຍອາຊີຕາເວັນອອກສ່ຽງໃຕ້ ແລະ ກອງປະຊຸມພົບປະລະຫວ່າງ ລັດຖະມົນຕີຕ່າງປະເທດອາຊຽນ ກັບ ຄະນະກໍາມາທິການ ລະຫວ່າງລັດຖະບານອາຊຽນວ່າດ້ວຍສິດທິມະນຸດ ຊຶ່ງຈະຈັດຂຶ້ນໃນວັນທີ 4-7 ສິງຫາ 2017. 

ໃນ​ວັນ​ດຽວ​ກັນ, ທ່ານ ທອງຜ່ານ ສະຫວັນ​​ເພັດ ຍັງ​ໄດ້ສືບ​ຕໍ່​ເຂົ້າຮ່ວມ​ກອງ​ປະຊຸມຄະນະ​ບໍລິຫານ​ງານ​ຂອງ​ຄະນະກໍາມາທິການເຂດປອດອາວຸດນິວເຄລຍອາຊີຕາເວັນອອກສ່ຽງໃຕ້ ຊຶ່ງກອງປະຊຸມໄດ້ທົບທວນຄືນການຈັດຕັ້ງປະຕິບັດ ແຜນປະຕິບັດງານເພື່ອສົ່ງເສີມການຈັດຕັ້ງປະຕິບັດສົນທິສັນຍາ ວ່າດ້ວຍການສ້າງອາຊຽນໃຫ້ເປັນເຂດປອດອາວຸດນິວເຄລຍ.