ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຮອງລັດຖະມົນຕີກະຊວງການຕ່າງປະເທດລາວ ສືບຕໍ່ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມກ່ຽວຂ້ອງອື່ນໆ ທີ່ ຟີລິບປິນ

asean som other2 asean som other1

    ທ່ານ ທອງ​ຜ່ານ ສະ​ຫວັນ​ເພັດ, ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ, ທັງ​ເປັນ​ຫົວ​ໜ້າ​ເຈົ້າ​ໜ້າ​ທີ່​ອາ​ວຸ​ໂສ​ອາ​ຊຽນ ຂອງ ສ​ປ​ປ ລາວ ໄດ້​ສືບຕໍ່ເຂົ້າ​ຮ່ວມກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ອາ​ຊຽນ​ບວກ​ສາມ (ສປ.ຈີ​ນ, ຍີ່​ປຸ່ນ, ສ. ເກົາຫຼີ) ແລະ ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສອີ​ເອ​ເອ​ສ (ອົດ​ສ​ຕ​ຣາ​ລີ, ສ​ປ. ຈີນ, ຍີ່​ປຸ່ນ, ອິນ​ເດຍ, ນິວ​ຊີ​ແລນ, ສ.ເກົາຫຼີ, ລັດ​ເຊຍ ແລະ ສະ​ຫະ​ລັດ ອາ​ເມ​ຣິ​ກາ), ກອງປະຊຸມຄະນະກໍາມາທິການເຂດປອດອາວຸດນິວເຄລຍ ໃນອາຊີຕາເວັນອອກສ່ຽງໃຕ້ ແລະ ກອງປະຊຸມພົບປະ ລະຫວ່າງ ລັດຖະມົນຕີຕ່າງປະເທດອາຊຽນ ແລະ ຄະນະກໍາມະການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ (AICHR-ໄອຈາ), ທີ່ຈັດ​ຂຶ້ນຢູ່​ມ​ະ​ນິ​ລາ, ​ປະ​ເທດ ຟີ​ລິບ​ປິນ, ໃນວັນທີ 4 ສິງຫາ 2017.

   ໃນ​ນັ້ນ, ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສອາ​ຊຽນບວກ​ສາມ ໄດ້​ປຶກ​ສາ​ຫາ​ລື ແລະ ກະກຽມດ້ານເນື້ອໃນ, ພິ​ທີ​ການ ແລະອື່ນໆໃຫ້ແກ່ກອງ​ປະ​ຊຸມ​ລັດ​ຖະ​ມົນ​ຕີ​ຕ່າງ​ປະ​ເທດ​ອາ​ຊຽນ​ບວກ​ສາມ, ຊຶ່ງ​ຈະ​ຈັດ​ຂຶ້ນ​ໃນ​ວັນ​ທີ 7 ສິງ​ຫາ 2017 ທີ່ ມະ​ນິ​ລາ ໂດຍ​ສະ​ເພາະ​ແມ່ນ ​ບັນ​ດາ​ເອ​ກະ​ສານ​ທີ່​ຈະ​ນຳ​ສະ​ເໜີ​ໃຫ້​ລັດ​ຖະ​ມົນ​ຕີຕ່າງປະເທດອາຊຽນບວກສາມ ພິ​ຈາ​ລະ​ນາ​ຮັບ​ຮອງ​ເອົາເປັນ​ຕົ້​ນ​ແມ່ນ ແຜນ​ວຽກ​​ການ​ຮ່​ວມ​ມືອາ​ຊຽນບວກ​ສາມ ໄລ​ຍະປີ 2018-2022, ຊຶ່ງ​ຈ​ະ​ເປັນ​ພື້ນ​ຖານ​ໃຫ້​ແກ່​ການ​ເສີມ​ຂະ​ຫຍາຍ​ການຮ່ວມ​ມື​ອາ​ຊຽນ​ບວກ​ສາມ​ໃນ​ໄລ​ຍ​ະ 5 ປີ​ຕໍ່​ໜ້າ.

   ກອງ​ປະ​ຊຸມ​ເຈົ້າ​ໜ້າ​ທີ່​ອາ​ວຸ​ໂສ​ອີ​ເອ​ເອ​ສ​​​ ກໍໄດ້​ກະ​ກຽມ​ດ້ານ​ຕ່າງໆ​ໃຫ້​ແກ່​ການ​ຈັດ​ກອງ​ປະ​ຊຸມ​​​ລັດ​ຖະ​ມົນ​ຕີ​ຕ່າງ​ປະ​ເທດ ຂອງກອງ​ປະ​ຊຸມ​ສຸດຍອດ​ອາ​ຊີ​ຕາ​ເວັນ​ອອກ (ອີ​ເອ​ເອ​ສ), ​ໂດຍ​ສະ​ເພາະແມ່ນ​ດ້ານ​ເນື້ອ​ໃນກໍ​ຄື​ຂໍ້​ລິ່​ເລີ່ມ​​ຕ່າງໆທີ່​ສະ​ເໜີ​ໂດຍ​ບັນ​ດາ​ປະ​ເທດ ອີ​ເອ​ເອ​ສ, ຊຶ່ງ​ມີ​ຈຸດ​ປະ​ສົງເພື່ອ​ນຳ​ສະ​ເໜີ​ຕໍ່​ຜູ້​ນຳອີເອເອສ ​ພິ​ຈາ​ລະ​ນາ​ຮັບ​ຮອງ​ເອົາ​ຢູ່ກອງ​ປະ​ຊຸມ​ສຸດຍອດ​ອາ​ຊີ​ຕາ​ເວັນ​ອອກ ຄັ້ງ​ທີ 12 ໃນ​ເດືອນ​ພະ​ຈິກ 2017.

 ກອງປະຊຸມຄະນະກໍາມາທິການ ເຂດປອດອາວຸດນິວເຄລຍ ໃນອາຊີຕາເວັນອອກສ່ຽງໃຕ້ ໄດ້ທົບທວນຄືນຄວາມຄືບໜ້າຂອງການຈັດຕັ້ງປະຕິບັດແຜນປະຕິບັດງານຂອງສົນທິສັນຍາ ວ່າດ້ວຍເຂດປອດອາວຸດນິວເຄລຍ ອາຊີຕາເວັນອອກສ່ຽງໃຕ້ 2013-2017 ຊຶ່ງເຫັນວ່າມີຄວາມຄືບໜ້າ, ພ້ອມທັງໄດ້ເຫັນດີຕໍ່ວາລະຂອງແຜນປະຕິບັດງານດັ່ງກ່າວ ຈົນຮອດປີ 2022. ນອກຈາກນັ້ນ, ກອງປະຊຸມຍັງໄດ້ປຶກສາຫາລືືື ກ່ຽວກັບ ອະນຸສັນຍາ ຂອງສົນທິສັນຍາວ່າດ້ວຍເຂດປອດອາວຸດນິວເຄລຍໃນອາຊີຕາເວັນອອກສ່ຽງໃຕ້, ໂດຍສະເພາະແມ່ນການລົງນາມ ແລະ ການໃຫ້ສັດຕະຍາບັນແກ່ອະນຸສັນຍາຂອງສົນທິສັນຍາວ່າດ້ວຍເຂດປອດອາວຸດນິວເຄລຍ ອາຊີຕາເວັນອອກສ່ຽງໃຕ້ໂດຍບັນດາປະເທດທີ່ມີນິວເຄລຍຄອບຄອງ ແນໃສ່ສ້າງພາກພື້ນອາຊີຕາເວັນອອກສ່ຽງໃຕ້ໃຫ້ເປັນເຂດປອດອາວຸດນິວເຄລຍ ແລະ ອາວຸດທໍາລາຍລ້າງອື່ນໆ.

 ສໍາລັບກອງປະຊຸມພົບປະ ລະຫວ່າງ ລັດຖະມົນຕີຕ່າງປະເທດອາຊຽນ ແລະ ຄະນະກໍາມະການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ (AICHR-ໄອຈາ), ກອງປະຊຸມ ໄດ້ຮັບຟັງການລາຍງານຜົນການຈັດຕັ້ງປະຕິບັດກິດຈະກໍາບູລິມະສິດຂອງ ໄອຈາໃນໄລຍະແຕ່ເດືອນ ກໍລະກົດ 2016 ມິຖຸນາ 2017 ແລະ ຮັບຮອງເອົາແຜນກິດຈະກໍາບູລິມະສິດ ສໍາລັບປີ 2018 ພ້ອມດ້ວຍງົບປະມານເພື່ອຈັດຕັ້ງປະຕິບັດບັນດາກິດຈະກໍາບູລິມະສິດດັ່ງກ່າວ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
131613
ມື້ນີ້79
ມື້ວານ96
ອາທິດນີ້148
ເດືອນນີ້1625
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710