ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຄະນະຊີ້ນຳກະຊວງການຕ່າງປະເທດ ລົງຕິດຕາມ ແລະ ຊຸກຍູ້ວຽກງານການຮ່ວມມືດ້ານມະນຸດສະທຳລະຫວ່າງ ລາວ-ອາເມລິກາ

 

MIAoudomxay

 

ໃນວັນທີ 18 ພະຈິກ 2017 ທີ່ຜ່ານມາ, ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ເດີນທາງໄປຢ້ຽມຢາມການປະຕິບັດງານຮ່ວມ ລາວ-ອາເມລິກາ ຂອງວຽກງານສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ (MIA), ຄັ້ງທີ 01 ປະຈໍາສົກປີ 2017-2018, ຢູ່ແຂວງອຸດົມໄຊ. ການເດີນທາງໄປຢ້ຽມຢາມຂອງຄະນະດັ່ງກ່າວໃນຄັ້ງນີ້ ແມ່ນເພື່ອເປັນການລົງຕິດຕາມ ແລະ ຢ້ຽມຢາມການປະຕິບັດງານຂອງຄະນະວິຊາການຮ່ວມ ລາວ-ອາເມລິກາ ໃນການປະຕິບັດວຽກງານມະນຸດສະທຳ, ເພື່ອເປັນການປະຕິບັດນະໂຍບາຍມະນຸດສະທຳອັນສະເໝີຕົ້ນສະເໝີປາຍຂອງພັກ ແລະ ລັດຖະບານເຮົາ, ເປັນການສະແດງເຖິງຄວາມເອົາໃຈໃສ່ຂອງລັດຖະບານລາວໃນການຮ່ວມມືເພື່ອແກ້ໄຂບັນຫາຜູ້ເສຍຊີວິດຂອງທະຫານອາເມລິກາ ໃນປາງສົງຄາມຢູ່ລາວ.

ໃນໂອກາດນີ້, ທ່ານຮອງລັດຖະມົນຕີກະຊວງການຕ່າງປະເທດ ໄດ້ພົບປະ ແລະ ໂອ້ລົມກັບບັນດາພະນັກງານວິຊາການໃນທີ່ເຮັດວຽກຕົວຈິງຢູ່ພາກສະໜາມຈາກກະຊວງການຕ່າງປະເທດ, ກະຊວງປ້ອງກັນປະເທດ ແລະ ອໍານາດການປົກຄອງທ້ອງຖິ່ນທີ່ຄ້າຍພັກເມືອງຮຸນ, ແຂວງອຸດົມໄຊ. ຈາກນັ້ນ, ຄະນະຍັງໄດ້ເຄື່ອນໄຫວຢ້ຽມຢາມການປະຕິບັດງານຕົວຈິງຢູ່ຈຸດຂຸດຄົ້ນກໍລະນີ 1791, ບ້ານສີບຸນເຮືອງ, ເມືອງຮຸນ, ແຂວງອຸດົມໄຊ, ໄດ້ຮັບການຕ້ອນຮັບຈາກທິມງານຮ່ວມ ລາວ-ອາເມລິກາ ພ້ອມທັງໄດ້ຮັບຟັງການລາຍງານສະພາບການປະຕິບັດວຽກງານຢູ່ໃນຈຸດຂຸດຄົ້ນຈາກຫົວໜ້າພາກສະໜາມຂອງຝ່າຍລາວ ແລະ ຝ່າຍອາເມລິກາ, ການປະຕິບັດງານລົງສະໜາມໃນຄັ້ງນີ້, ເຫັນວ່າໄດ້ຮັບຜົນສຳເລັດໄປດ້ວຍດີ, ກໍ່ຍ້ອນພະນັກງານວິຊາການທັງສູນກາງ ແລະ ທ້ອງຖິ່ນ ພ້ອມດ້ວຍພໍ່ແມ່ປະຊາຊົນທ້ອງຖິ່ນ ໄດ້ປະກອບສ່ວນຢ່າງຕັ້ງໜ້າ ແລະ ມີຄວາມເອົາໃຈໃສ່ຕໍ່ການປະຕິບັດໜ້າທີ່ວຽກງານຂອງຕົນເປັນຢ່າງດີ.

ຜ່ານການປະຕິບັດວຽກງານການສຳຫຼວດ ແລະ ຂຸດຄົ້ນ, ໃນຫຼາຍປີທີ່ຜ່ານມາຈົນມາເຖິງປະຈຸບັນທິມງານຮ່ວມ ລາວ-ອາເມລິກາ ໄດ້ຄົ້ນພົບຊິ້ນສ່ວນຂອງທະຫານອາເມລິກາທີ່ເສຍຊີວິດໃນປາງສົງຄາມຢູ່ລາວ ມີຈຳນວນ 279 ກໍລະນີ ຈາກຈໍານວນຜູ້ຫາຍສາບສູນທັງໝົດຢູ່ລາວໃນຈຳນວນ 573 ກໍລະນີ ແລະ ຍັງຈະສືບຕໍ່ຄົ້ນຫາອີກ 294 ກໍລະນີ. ແຜນການປະຕິບັດງານຮ່ວມ ລາວ-ອາເມລິກາ ໃນຕໍ່ໜ້າ, ໃນຄັ້ງທີ 2 ປະຈຳສົກປີ 2017-2018 ຈະມີການສໍາຫຼວດ ແລະ ຂຸດຄົ້ນຢູ່ເຂດພາກກາງ ໂດຍສະເພາະຢູ່ເມືອງບົວລະພາ, ແຂວງຄຳມ່ວນ.

ສັງລວມແລ້ວ, ການຮ່ວມມືດ້ານນີ້ ໄດ້ຮັບຜົນສຳເລັດອັນດີເປັນກ້າວໆມາ ກໍ່ຍ້ອນການຮ່ວມມືຈາກລັດຖະບານ ກໍ່ຄືປະຊາຊົນໃນທ້ອງຖິ່ນທີ່ໄດ້ໃຫ້ການຮ່ວມມືເອົາໃຈໃສ່ຢ່າງຕັ້ງໜ້າ ແລະ ຈະສືບຕໍ່ໃຫ້ການຮ່ວມມືໃນວຽກງານດັ່ງ ກ່າວຕາມຄວາມອາດສາມາດຕົວຈິງ ເພື່ອຈະນໍາເອົາຊິ້ນສ່ວນຂອງຊາກສົບທະຫານອາເມລິກາ ທີ່ຫາຍສາບສູນໃນປາງສົງຄາມທີ່ຍັງເຫຼືອສົ່ງຄືນໃຫ້ຄອບຄົວຂອງພວກເຂົາເຈົ້າ.