ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສປປ ລາວ-ສປຊ ທົບທວນຄືນຂອບການຮ່ວມມືສອງຝ່າຍ

tp UNRC

ໃນວັນທີ 2 ກຸມພາ 2018, ທີ່ ຫໍປະຊຸມແຫ່ງຊາດ, ກົມອົງການຈັດຕັ້ງສາກົນ, ກະຊວງການຕ່າງປະເທດ ຮ່ວມກັບຫ້ອງການປະສານງານອົງການສະຫະປະຊາຊາດ (UNRC) ໄດ້ຈັດກອງປະຊຸມທົບທວນຄືນປະຈຳປີ ການຈັດຕັ້ງປະຕິບັດຂອບການຮ່ວມມື ລະຫວ່າງ ສປປ ລາວ ແລະ ອົງການສະຫະປະຊາຊາດ (Lao PDR-UNPF 2017-2021), ພາຍໃຕ້ການເປັນປະທານຮ່ວມຂອງ ທ່ານ ທອງຜ່ານ ສະຫວັນເພັດ, ຮອງລັດຖະມົນຕີ ກະຊວງການຕ່າງປະເທດ ແລະ ທ່ານ ນາງ ກາຣີນາ ອິມໂມເນັນ, ຜູ້ປະສານງານອົງການສະຫະປະຊາຊາດ, ທັງເປັນຜູ້ຕາງໜ້າອົງການ UNDP ປະຈຳ ສປປ ລາວ, ມີ​ຜູ້​ເຂົ້າ​ຮ່ວມຕາງໜ້າຈາກບັນດາກະຊວງ ​ແລະ ຂະ​ແໜງການ ​​ກ່ຽວຂ້ອງ​ອ້ອມ​ຂ້າງ​ສູນ​ກາງ, ບັນດາ​ອົງການເຄືອ​ຂ່າຍ​ ຂອງສະຫະປະຊາຊາດ ​ແລະ ບັນດາ​ຄູ່​ຮ່ວມ​ພັດທະນາ ​ທີ່​ມີ​ຫ້ອງການ​ປະຈຳ ​ຢູ່ ສປປ ລາວ ​ເຂົ້າ​ຮ່ວມ ທັງໝົດປະມານ 100 ກວ່າທ່ານ.

     ຈຸດປະສົງຂອງກອງປະຊຸມໃນຄັ້ງນີ້, ແມ່ນເພື່ອທົບທວນຄືນການຈັດຕັ້ງປະຕິບັດແຜນງານປະຈຳປີຄັ້ງທຳອິດ ຂອງຂອບການຮ່ວມມື ລະຫວ່າງ ລັດຖະບານ ສປປ ລາວ ​ແລະ ອົງການສະຫະປະຊາຊາດ, ​ໃນ​ນັ້ນ ໄດ້ມີການທົບທວນຄືນຜົນສຳເລັດ, ສິ່ງທ້າທາຍ, ບົດຮຽນ ທີ່ຖອດຖອນໄດ້ຂອງການຮ່ວມມືດັ່ງກ່າວໃນໄລຍະ 1 ປີ ທີ່ຜ່ານມາ, ພ້ອມ​ທັງ​ໄດ້​ປຶກສາຫາລື ກ່ຽວກັບ ທິດທາງແຜນການຮ່ວມມື ໃນປີ 2018 ​ເຊິ່ງຖື​ໄດ້​ວ່າເປັນປີທີ່ມີຄວາມໝາຍຄວາມສຳຄັນ ສຳລັບ ສປປ ລາວ ​ໃນ​ການ​ທົບ​ທວນຄືນຄວາມກຽມພ້ອມ​ເພື່ອ​ຫລຸດ​ພົ້ນ ​ອອກຈາກສະຖານະ​ພາບປະເທດດ້ອຍພັດທະນາໃນປີ 2020, ທົບ​ທວນ​ກາງ​ສະ​ໄໝຂອງ​ແຜນ​ພັດທະນາ​ເສດຖະກິດ-ສັງຄົມ ຄັ້ງ​ທີ 8 ​ແລະ ການ​ເຮັດບົດລາຍງານແຫ່ງຊາດແບບສະໝັກໃຈ ກ່ຽວກັບ​ເປົ້າໝາຍການພັດທະນາແບບຍືນຍົງຄັ້ງ​ທຳ​ອິດ​ ຂອງ ສປປ ລາວ ເພື່ອຈະນຳໄປສະເໜີຢູ່ສນັກງານໃຫ່ຍ  ສປຊ ທີ່ນິວຢອກ ໃນເດືອນກໍລະກົດ 2018.

ໃນກອງປະຊຸມ ຍັງ​ໄດ້ມີການນຳສະເໜີບົດໂດຍຜູ້ຕາງໜ້າຈາກກະຊວງກ່ຽວຂ້ອງ ກ່ຽວກັບໝາກຜົນທີ່ໄດ້ຮັບຂອງການຮ່ວມມື ໃນໄລຍະຜ່ານມາ ​ເຊິ່ງແບ່ງອອກເປັນ 8 ຂົງ​ເຂດ​ເຂດດັ່ງນີ້: ໝາກຜົນທີ 1 ແລະ 2: ການດຳລົງຊີວິດທີ່ດີ ແລະ ປົກປ້ອງທາງສັງຄົມ; ໝາກຜົນທີ 3: ການປ່ຽນແປງດິນຟ້າອາກາດ, ການຮັບມືກັບໄພພິບັດ ແລະ ສິ່ງແວດລ້ອມ; ໝາກຜົນທີ 4: ການສຶກສາຂັ້ນພື້ນຖານ; ໝາກຜົນທີ 5: ສຸຂະພາບ, ນ້ຳ ແລະ ສຸຂະອະນາໄມ; ໝາກຜົນທີ 6: ອາຫານ ແລະ ໂພຊະນາການ; ໝາກຜົນທີ 7 ແລະ 8: ການສ້າງສະຖາບັນ ​ແລະ ການ​ເຂົ້າ​ເຖິງ​ລະບົບຍຸຕິທຳ.

ໃນຕອນທ້າຍກອງປະຊຸມ, ທ່ານປະທານຮ່ວມ ໄດ້ຕີລາຄາສູງກ່ຽວກັບການຮ່ວມມື ແລະ ການສະໜັບສະໜູນຂອງອົງການສະຫະປະຊາຊາດ ແລະ ບັນດາ​ຄູ່ຮ່ວມພັດທະນາ, ​ເຊິ່ງ​ໄດ້​ປະກອບສ່ວນອັນສຳຄັນ​ເຂົ້າ​ໃນການພັດທະນາເສດຖະກິດ-ສັງຄົມ ຂອງ ສປປ ລາວ, ພ້ອມກັນນັ້ນ ກໍໄດ້ຮຽກຮ້ອງໃຫ້ທຸກພາກ ສ່ວນໄດ້ເອົາໃຈໃສ່ ສືບຕໍ່ຮ່ວມມືກັນຢ່າງໃກ້ຊິດ ເພື່ອນຳພາປະເທດຊາດສາມາດຫລຸດພົ້ນອອກຈາກສະຖານະພາບດ້ອຍພັດທະນາໃນ ປີ 2020 ​ແລະ ບັນລຸ​ເປົ້າ​ໝາຍການພັດທະນາແບບຍືນຍົງ ໃນປີ 2030 ຕາມຄຳຂັວນທີ່ວ່າ: ບໍ່ປະຖີ້ມ​ໃຜໄວ້ທາງຫລັງ”.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138877
ມື້ນີ້94
ມື້ວານ94
ອາທິດນີ້256
ເດືອນນີ້2000
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710