ໃນວັນທີ 25 ມີນາ 2016, ທີ່ ກະຊວງການຕ່າງປະເທດ, ທ່ານ Andrew YANG, ປະທານບໍລິສັດມັງກອນຄຳ ຊຶ່ງມີບໍລິສັດຕັ້ງຢູ່ ພະນົມເປັນ, ປະເທດກຳປູເຈຍ ໄດ້ເຂົ້!ຢ້ຽມຂໍ່ຳນັບຄະນະນຳກະຊວງການຕ່າງປະເທດ ແລະ ມອບຄອມພິວເຕີ້ໂນດບຸກ ຈຳນວນ 50 ເຄື່ອງ ມູນຄ່າ 149,990,000 ກີບ ໃຫ້ແກ່ກະຊວງການຕ່າງປະເທດ ເພື່ອເຂົ້າໃນການປະຕິບັດວຽກງານຂອງກະຊວງການຕ່າງປະເທດ, ຕາງໜ້າຝ່າຍບໍລິສັດມັງກອນຄຳ ມອບໂດຍທ່ານ Andrew YANG, ປະທານບໍລິສັດມັງກອນຄຳ ແລະ ຕາງໜ້າກະຊວງການຕ່າງປະເທດ ຮັບໂດຍທ່ານ ແສງເພັດ ຮຸ່ງບຸນຍວງ, ລັດຖະມົນຕີຊ່ວຍວ່າການກະຊວງການຕ່າງປະເທດ.
ໃນໂອກາດນີ້, ທ່ານ ແສງເພັດ ຮຸ່ງບຸນຍວງ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ສະແດງຄວາມຂອບໃຈ ຕໍ່ການປະກອບສ່ວນຂອງບໍລິສັດມັງກອນຄຳຄັ້ງນີ້ ຊຶ່ງຈະເປັນສິ່ງອຳນວຍຄວາມສະດວກໃນການປະຕິບັດວຽກງານຂອງພະນັກງານກະຊວງການຕ່າງປະເທດ ໂດຍສະເພາະໃນໄລຍະນີ້ ທີ່ ສປປ ລາວ ກຳລັງເປັນປະທານອາຊຽນ ແລະ ກະກຽມເປັນເຈົ້າພາບກອງປະຊຸມສາກົນຕ່າງໆ ໃນຕໍ່ໜ້າ.